މޫސުމީ ބަދަލުތަކަށް ވިލުންވެރިކޮށް ވިޔަފާރި ބިނާކުރުމަށް އެހީވެދޭ ކޯހެއް ހިންގަނީ

މޫސުމީ ބަދަލުތަކަށް ވިލުންވެރިކޮށް ވިޔަފާރި ބިނާކުރާނެ ގޮތް ދަސްކޮށްދޭ ކޯސް އިފްތިތާހު ކުރުމުގެ ރަސްމިއްޔާތުގައި އެފްޖޭއެސްގެ ކީނޯޓު ސްޕީޗް ދެއްވަނީ -- ފޮޓޯ: ޝާބިން/އަދަދު

މޫސުމީ ބަދަލުތަކަށް ވިލުންވެރިކޮށް ވިޔަފާރި ބިނާކުރާނެ ގޮތް ދަސްކޮށްދޭ ކޯސް އިފްތިތާހު ކުރުމުގެ ރަސްމިއްޔާތުގައި އެފްޖޭއެސްގެ ކީނޯޓު ސްޕީޗް ދެއްވަނީ -- ފޮޓޯ: ޝާބިން/އަދަދު

ޔޫއެސްއެއިޑުގެ ހިލޭ އެހީގެ ދަށުން، ރާއްޖޭގެ އިގުތިސާދު މޫސުމީ ބަދަލުތަކަށް ވިލުންވެރިކޮށް ބިނާކުރާ ހައްލުތަކާ އެކު ވިޔަފާރިތައް ކުރިއެރުވުމަށް އެހީތެރިވެދޭ ކޯހެއް އެފްޖޭއެސްއިން އިފްތިތާހުކޮށް އެ ކޯހުގައި ބައިވެރިވުމުގެ ފުރުސަތު ވިޔަފާރިތަކަށް ހުޅުވާލައިފި އެވެ.

މީރުމާ އިވެންޓު ހޯލުގައި މިއަދު ކުރިއަށް ގެންދިޔަ ހާއްސަ ރަސްމިއްޔާތުގައި މި ކޯސް އިފްތިތާހުކޮށްދެއްވީ އެންވަޔަރަމަންޓު މިނިސްޓަރު އައިމިނަތު ޝައުނާ އެވެ.

"އެންޓަޕްރައިޒް ޑިވެލޮޕްމަންޓު ޕުރޮގުރާމް" ގެ ނަމުގައި ކުދި އަދި މެދު ފަންތީގެ ވިޔަފާރިތަކަށް އަމާޒުކޮށްގެން ކުރިއަށް ގެންދިޔުމަށް ހަމަޖެހިފައިވާ މި ކޯހުގެ ތެރެއިން ފަތުރުވެރިކަމާއި މަސްވެރިކަމާއި ދަނޑުވެރިކަމުގެ ދާއިރާ، މޫސުމީ ބަދަލުތަކަށް ވިލުންވެރި ކުރުމަށް އެހީތެރިވެދޭނެ އީޖާދީ ހައްލުތައް ތަރައްގީ ކުރުމަށް މަގުފަހިވެގެންދާނެ ކަމަށް އެފްޖޭއެސްއިން ބުނެ އެވެ.

އެފްޖޭއެސް އަކީ ކުދި އަދި މެދު ފަންތީގެ ވިޔަފާރިތައް ކުރިއެރުވުމާއި މީހުން ބިނާކުރުމުގެ މަސައްކަތް ކުރަމުން އަންނަ ކޮންސަލްޓެންސީ ގުރޫޕެެކެވެ.

މިނިސްޓަރު ޝައުނާ ކޯސް ތައާރަފުކޮށްދެއްވަނީ -- ފޮޓޯ: ޝާބިން/އަދަދު
މިނިސްޓަރު ޝައުނާ ކޯސް ތައާރަފުކޮށްދެއްވަނީ -- ފޮޓޯ: ޝާބިން/އަދަދު

މިނިސްޓަރު ޝައުނާ އެންޓަޕުރައިޒް ޑިވެލޮޕްމެންޓު ޕުރޮގުރާމު ތައާރަފުކޮށްދެއްވަނީ -- ފޮޓޯ: ޝާބިން/އަދަދު

ޖުމުލަ 14 މަސްދުވަހުގެ މުއްދަތަށް ކުރިއަށް ގެންދަން ނިންމާފައިވާ މި ޕްރޮގުރާމުގައި ބައިވެރިވާ ފަރާތްތައް ހޮވާނީ މިކަމަށް ޝައުގުވެރިވާ ފަރާތްތަކަށް ބައިވެރިވުމުގެ ފުރުސަތު އާންމުކޮށް ހުޅުވާލައިގެންނެވެ. އެފްޖޭއެސް އިން ބުނީ މި ޕުރޮގުރާމުގައި އަންހެނުންނާއި ޒުވާނުން އެ ދާއިރާތަކަށް ޝައުގުވެރިކަން އިތުރުކޮށް، ފަންނީ ގާބިލުކަން އިތުރުކުރުމަށް މި ޕްރޮގުރާމުގައި ހާއްސަ އިސްކަމެއް ދޭނެ ކަމަށެވެ.

"ޔޫއެސްއެއިޑުގެ އެހީއާއެކު ކުދި އަދި މެދުފަންތީގެ ވިޔަފާރިތަކާއެކު މަސައްކަތްކޮށް، އެ ވިޔަފާރިތައް ފުޅާކޮށް ހަރުދަނާ ކުރުމަށް އެހީތެރިވުމަށް ލިބުނު ފުރުސަތު އެފްޖޭއެސްގެ ފަރާތުން އުފަލާއެކު ބަލައިގަންނަން،" މިއަދުގެ ރަސްމިއްޔާތުގައި ވާހަކަދައްކަވަމުން އެފްޖޭއެސްގެ މެނޭޖިން ޑިރެކްޓަރު ހާމިދު ސާދިގު ވިދާޅުވި އެވެ.

ޔޫއެސްއެއިޑުގެ އަމާޒަކީ ރާއްޖޭގެ އިގުތިސާދު ހަރުދަނާވެ، ތަނަވަސްވެ، މޫސުމަށް އަންނަ ބަދަލުތަކާ ދެކޮޅަށް ކުރާ މަސައްކަތުގައި އެހީތެރިވެދިނުން ކަމަށް މިއަދުގެ ރަސްމިއްޔާތުގައި ވާހަކަދައްކަވަމުން ޔޫއެސްއެއިޑުގެ ޑެޕިއުޓީ އެސިސްޓެންޓު އެޑްމިނިސްޓުރޭޓާ، އަންޖަލީ ކައުރު ވިދާޅުވި އެވެ.

ޔޫއެސްއެއިޑަކީ އެމެރިކާ ސަރުކާރުގެ ޑިވެލޮޕްމަންޓު އޭޖެންސީ އެވެ. އެ އޭޖެންސީން ދަނީ 2001، ވަނަ އަހަރުން ފެށިގެން ރާއްޖޭގައި ހަރަކާތްތެރިވަމުންނެވެ.

މިހާތަނަށް ތިމާވެށިގެ ދާއިރާއާއި އިގުތިސާދު ހަރުދަނާ ކުރުމާއި ޑިމޮކުރެސީ ކުރިއެރުވުމާއި ސިއްހީ ދާއިރާ އަށް 28 މިލިއަން ޑޮލަރު، އެހީގެ ގޮތުގައި ޔޫއެސްއެއިޑުން ރާއްޖެއަށް ދީފައިވެ އެވެ.

ކޮމެންޓް

ފަހުގެ ޚަބަރު

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

Newsletter

Get the latest news delivered straight to your inbox