ކުޑަކުދިންގެ ހައްގުތައް ހިމާޔަތް ކުރުމަށާއި އެ ކުދިން އަނިޔާއިން މިންޖު ކުރުމަށް ސަރުކާރުން ވަރަށް ބޮޑު އަހައްމިއްޔަތެއް ދޭ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މިއަދު ވިދާޅުވެއްޖެ އެވެ.
ބައިނަލްއަގްވާމީ ކުޑަކުދިންގެ ދުވަހުގެ މުނާސަބާގައި ރައީސް ސޯލިހު ސޯޝަލް މީޑިއާގައި ލިޔުއްވި ޓުވީޓެއްގައި ވިދާޅުވީ ކޮންމެ ކުއްޖަކީ ކުޑަކުދިންގެ އެ ކުދިންގެ ފުރިހަމަ ގާބިލުކަމާ ހަމައަށް ވާސިލްވެވޭނީ އެ ކުދިން އަނިޔާއިން ސަލާމަތްކޮށްގެން ކަމަށެވެ.
އެމަނިކުފާނު ވިދާޅުވީ މިއަދު ކުޑަކުދިން ފާހަގަކުރާއިރު ވަށާޖެހޭ މުޖުތަމައެއްގައި ބައިވެރިކޮށް، ކުދިންގެ ފުރިހަމަ ގާބިލިއްޔަތުކަން އެކުދިންނަށް ދެނެގަނެވޭކަން ކަށަވަރު ކުރުމަކީ ވެސް މުޖުތަމައުގެ ޒިންމާއެއް ކަމަށެވެ.
ހަމައެއާއެކު ރައީސް ވަނީ މިއަދު ފާހަގަކުރާ ބައިނަލްއަގްވާމީ ކުޑަކުދިންގެ ދުވަހުގެ ތަހުނިޔާ ހުރިހާ ކުޑަކުދިންނަށް އަރިސްކުރައްވާފަ އެވެ.
ކުޑަކުދިންނަކީ އަނިޔާ އާއި ނުރައްކަލާ ދުރު ކުއްޖެއްކަން ކަށަވަރު ކުރަންޖެހޭކަން ރައީސް ފާހަގަކުރެއްވިއިރު، ކޮންމެ މަހަކު ވެސް ކުޑަކުދިންނަށް އަނިޔާކުރުމުގެ އެތައް މައްސަލައެއް ކަމާބެހޭ އިދާރާތަކަށް ހުށަހަޅަ އެވެ. އޭގެ އިތުރަށް ކުޑަކުދިން ކުށްތަކަށް އަރައިގަންނަ މިންވަރު އިތުރުވަމުން އަންނަކަން ފާހަގަކޮށްލެވެ އެވެ.
