ރާއްޖެއިން ބޭރުގައި މަތީ ތައުލީމު ހާސިލު ކުރުމަށް ސަރުކާރުން ހަތަރު ދާއިރާއަކުން ސްކޮލާޝިޕް ދޭން ނިންމައިފި އެވެ.
ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން ވިދާޅުވީ މި ސްކޮލާޝިޕް ފުރުސަތުތައް ހުޅުވާލާނީ މި ހަފްތާ ބަންދުގައި އެ މިނިސްޓްރީ އާއި، ޔޫތު މިނިސްޓްރީގެ އިތުރުން އެޑިއުކޭޝަން މިނިިސްޓްރީ ގުޅިގެން ބާއްވާ ނެޝަނަލް ސްކިލްސް އެންޑް ކެރިއާ އެކްސްޕޯގެ ތެރެއިން ކަމަށެވެ.
މި އެކްސްޕޯގެ ތެރެއިން ތިން ގައުމެއްގައި ހަތަރު ދާއިރާއަކުން ކިޔެވުމުގެ ފުރުސަތު ހުޅުވާލާނެ އެވެ. އޭގެ ތެރޭގައި، ސްޕެއިންގެ ބާސެލޯނާއިން ޕައިލެޓުކަން ކިޔެވުމާއި، ޖޯޑަންއިން އެއާކްރާފްޓް މެއިންޓެނެސްސް ދާއިރާއިން ޑިޕްލޮމާ ކިޔެވުމުގެ ފުރުސަތު ހިމެނެ އެވެ.
ހަމައެއާއެކު މެލޭޝިޔާއިން ކަލިނަރީ އާޓްސް ދާއިރާއިން ޑިޕްލޮމާ ކިޔެވުމާއި، އިންޓީރިއާ ޑިޒައިނިން ދާއިރާއިން ޑިޕްލޮމާ ކިޔެވުމަށް ވެސް ސަރުކާރުން ސްކޮލާޝިޕް ދިނުމަށް ވަނީ ނިންމާފަ އެވެ.
މި ދާއިރާތަކުން ކިޔެވުމަށް ސަރުކާރުން ހުރިހާ ހަރަދެއް ދޭނެ ކަމަށް މިނިސްޓަރު އިބްރާހިމް ހަސަން ވަނީ ވިދާޅުވެފަ އެވެ.
މި ސްކޮލާޝިޕްތަކާ ބެހޭ މާބޮޑު ތަފްސީލެއް ހާމަ ނުކުރައްވާ މިނިސްޓަރު ވަނީ، ނެޝަނަލް ސްކިލްސް އެންޑް ކެރިއާ އެކްސްޕޯއަށް ޒިޔާރަތް ކުރުމަށް ހުރިހާ ޒުވާނުންނަށް ދައުވަތު އަރުވާފަ އެވެ.
އެ އެކްސްޕޯ އޮންނާނީ، މިއަދާއި މާދަމާ ހުޅުމާލެ ސެންޓްރަލް ޕާކުގައި ހަވީރު 4:00 އިން 6:00 އަށް ރޭގަނޑު 8:00 އިން 10:00 އަށެވެ.
