އައްޑު އަތޮޅު ހިތަދުއިން ފުރައިގެން މަހަށް ދިޔަ ޑިންގީއެއްގައި ހުރި މީހަކު ގެއްލިގެން ހޯދަމުން ދަނިކޮށް ފެނިއްޖެ އެވެ.
މިކަމާ ގުޅެގޮތުން އައްޑޫ ސިޓީ ކައުންސިލުން ބުނީ، ގެއްލިގެން ހޯދަމުން ދަނިކޮށް އޭނާ ފެނިގެން ނަގާފައިވާ ކަމަށެވެ. މޫދު އަޑިން އޭނާ ނަގައިގެން މިހާރު ވަނީ އައްޑޫ އިކުއިޓޯރިއަލް ހޮސްޕިޓަލަށް ގެންގޮސްފަ އެވެ.
ގެއްލިގެން ހޯދަމުން ދަނިކޮށް ފެނިފައި ވަނީ ޒުވާނެއް ކަމަށް ވެސް ކައުންސިލުން ބުނެ އެވެ.
ޑިންގީގައި މަހަށް ދިޔައީ ދެ މީހުންނެވެ. އޭގެ ތެރެއިން އެކަކު ގެއްލިގެން ހޯދަން ފެށީ މަސް ހިފަން ފޭބި ފަހުން ހަބަރެއް ނުވެގެނެވެ.
އެމްއެންޑީއެފުން ބުނީ މަސް ހިފަން ފޭބި މީހަކު ގެއްލިގެން ރިޕޯޓު ކުރީ މިއަދުގެ 11:32 ހާއިރު ކަމަށެވެ. އަދި އޭނާ ހޯދުމުގެ މަސައްކަތް ސަދަން އޭރިއާ ކޯސްޓްގާޑު ސްކޮޑްރަނުން ކުރަމުންދާ ކަމަށެވެ.
