މުދުލާއި ހިދުމަތުން ނަގާ ޓެކްސް ބޮޑުކުރުމަށް އެ ގާނޫނަށް ސަރުކާރުން ހުށަހަޅާފައިވާ އިސްލާހުގެ ބިލު އޮތް ގޮތަށް ފާސްކުރުމަށް ތްރީލައިން ވިޕެއް ނެރުމަށް އެމްޑީޕީގެ ޕާލިމެންޓްރީ ގްރޫޕުން މިއަދު ނިންމައިފި އެވެ.
އެ ގޮތަށް ތްރީލައިން ވިޕެއް ނެރުމަށް ނިންމީ، އެމްޑީޕީގެ ޕާލިމެންޓްރީ ގްރޫޕުން މިއަދު ބޭއްވި ބައްދަލުވުމުގައި ބައިވެރިވެވަޑައިގެންނެވި މެންބަރުންގެ އިއްތިފާގުންނެވެ.
އެމްޑީޕީ ޕާލިމެންޓްރީ ގްރޫޕްގެ ބައްދަލުވުމުން ފާސްކުރި ނިންމުން އެމްޑީޕީގެ މެންބަރުން ތިއްބަވާ ވަޓްސް އެޕް ގްރޫޕްގައި ވެސް ވަނީ ހިއްސާކޮށްފަ އެވެ.
ޓެކްސް ބޮޑުކުރުމަށް ސަރުކާރުން ނިންމާފައިވާއިރު، ރައްޔިތުންގެ މަޖިލީހުގައި ތިއްބަވާ އެމްޑީޕީގެ ބައެއް މެންބަރުން ވަނީ ޓެކްސް ބޮޑުކުރުމަށް ތާއީދުނުކުރައްވާ ކަން ވެސް ހާމަކުރައްވައިފަ އެވެ.
ރައްޔިތުންގެ މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދަށް ތާއީދުކުރައްވާ އެމްޑީޕީގެ މަޖިލިސް މެންބަރުން ބިލުގެ ބަހުސްގައި ވެސް ވަކާލާތު ކުރެއްވީ ޓެކްސް ބޮޑުނުކުރުމަށެވެ.
ސަރުކާރުގެ ފަރާތުން އިހަވަންދޫ ދާއިރާގެ މެންބަރު މުހައްމަދު ޝިފާއު ހުށަހެޅުއްވި ބިލުގައި ވަނީ މުދަލާއި ހިދުމަތުން ނަގާ ޓެކްސް (ޖީއެސްޓީ) އަށް ޕަސެންޓަށް އަދި ޓޫރިޒަމް ދާއިރާއިން ނަގާ ޓެކްސް ޓީޖީއެސްޓީ 12 ޕަސެންޓަށް ބޮޑުކުރުމަށެވެ.
މިހާރު ޖީއެސްޓީން ނަގަނީ ހަ ޕަސެންޓް އެވެ. އަދި ޓީޖީއެސްޓީއަށް ނަގަނީ 12 ޕަސެންޓެވެ.
ޓެކްސް ބޮޑުކުރަން ސަރުކާރުން ނިންމީ ދުނިޔޭގެ އިގުތިސޯދަށް މިހާރު ކުރިމަތިވެފައިވާ ހީނަރުކަމުގެ އަސަރު ރާއްޖޭގެ އިގުތިސޯދަށް ވަރަށް ބޮޑަށް ކުރަމުންދަތީ، އާމްދަނީ އިތުރުކުރަން ކަމަށް ބުނެ އެވެ.
