މި އަހަރު ކުރިއަށް ގެންދިއުމަށް ނިންމާފައިވާ ބޯހިމެނުމުގައި މަސައްކަތަށް މާލެ ސަރަހައްދުން 700 އެއްހާ އެނިއުމަރޭޓަރުން ހޯދަމުންދާ ކަމަށް މޯލްޑިވްސް ބިއުރޯ އޮފް ސްޓެޓިސްޓިކްސް އިން ހާމަކޮށްފި އެވެ.
ބޯހިމެނުމުގެ މަސައްކަތަށް ޖުމްލަ 4400 މީހުން ބޭނުންވެ އެވެ. އެއީ މާލެ ސަރަހައްދަށް 2409 މީހުންނާއި އަތޮޅުތަކަށް 1991 މީހުންނެވެ.
އެ އިދާރާއިން "އަދަދު" އާ ހިއްސާކުރި މައުލޫމާތުތަކަށް ބަލާއިރު މިހާރު ވަނީ ބޯހިމެނުމުގައި ހަރަކާތްތެރިވާ އެނިއުމަރޭޓަރުން ތަމްރީންތަކާއި ޓްރެއިނިންތައް ބައެއް އަތޮޅުތަކުގައި ނިމިފަ އެވެ.
އެގޮތުން މިހާރު ކުރިއަށްދަނީ ބޯހިމެނުމުގައި ހަރަކާތްތެރިވާ އެނިއުމަރޭޓަރުން ތަމްރީންތަކެވެ. އެއީ އެޓޯލްސް ރައުންޑް 3 ކެވެ. މިހާރު ކުރިއަށް ދަނީ ވ، މ، ފ، ދ، ތ، ލ، ގއ އަތޮޅުގަ އެވެ. މި ތަމްތީނު ވަނީ މިދިޔަ އާދިއްތަ ދުވަހު ފަށާފަ އެވެ.
މާލެ ރައުންޑް 2 ވެސް މިހާރު ފަށައިގެން ދަރުބަރުގޭގައި ކުރިއަށް ދާއިރު މި ތަމްރީނު ވެސް ކުރިއަށް ދާނީ ބުރާސްފެތި ދުވަހުގެ ނިޔަލަށެވެ. އެއީ ހެނދުނު އަދި މެންދުރު ފަސް ހިމެނޭހެން ހަ ކްލާހުގެ ސެޝަންތަކެކެވެ.
މާލެ ރައުންޑް 2 އިއްޒުއްދީން ސްކޫލްގައި އިއްޔެ ފަށާފައި ވައިރު ހުކުރު ދުވަހުގެ ނިޔަލަށް ކުރިއަށް ދާނެ އެވެ. އެއީ 12 ކްލާހުގެ ތްމްރީނެކެވެ.
މީގެ އިތުރުން މިހާރު ތައްޔާރުވަމުންދަނީ އަތޮޅުތެރޭގެ ޓްރެއިނިން އޮފް އެނިއުމަރޭޓާސް ރައުންޑް 2 ކެވެ. އެއީ ރ، ބ، އދ އަތޮޅުގަ އެވެ. އަތޮޅުތަކުގައި މި ރައުންޑު ކުރިއަށް ދާނީ މި މަހުގެ 21 އިން 25 އަށެވެ.
ފަސް ވަނަ ރައުންޑު ކުރިއަށް ގެންދިއުމަށް ހަމަޖެހިފައި ވަނީ ކ، ޅ، އއ އެވެ. މި މަހުގެ 28 އިން އަންނަ މަހުގެ އެކަކަަށެވެ.
ސްޓެޓިސްޓިކްސް ބިއުރޯއިން ބުނީ ބޯހިމެނުމުގައި ބައިވެރިވުމަށް މާލެ ސަރަހައްދުގައި ކުރިއަށް ގެންދާ ކޮންމެވެސް އެއް ޓްރެއިނިންއެއްގައި ބައިވެރިވާން ޖެހޭނެ ކަމަށެވެ.
މިހާރު ނިމިފައިވާ ޓްރެއިނިންތައް:
- ރައުންޑް 1: ހއ، ހދ، ށ، ނ އަތޮޅުގައި 31 ޖުލައި – 4 އޮގަސްޓަށް
- ރައުންޑް 2: ގދ، ފުވައްމުލަށް އަދި އައްޑޫ ސިޓީ
- މާލެ ރައުންޑް 1: 3 ކްލާސް
ޓްރެއިނިން އޮފް ޓްރެއިނާސް
- ބެޗް 1 އަދި 2: 17 – 21 ޖުލައި 2022ގައި ކުރިއަށް ގެންގޮސް ނިންމާލެވިފައި
- ބެޗް 3 އަދި 4 : 31 ޖުލައި – 4 އޮގަސްޓް 2022އަށް ގެންގޮސް ނިންމާލެވިފައި
- ބެޗް 3: 7 – 11 އޮގަސްޓް 2022އަށް ގެންގޮސް ނިންމާލެވިފައި
ޓްރެއިނިން އޮފް އެނިއުމަރޭޓާސް – މާލެ، ކުރިއަށް ގެންދާ ގޮތް:
- ބެޗް 1: 14 – 18 އޮގަސްޓް
- ބެޗް 2: 21 – 25 އޮގަސްޓް
- ބެޗް 3: 28 އޮގަސްޓް – 1 ސެޕްޓެމްބަރު
- ބެޗް 4: 4 – 8 ސެޕްޓެމްބަރު
މުސާރަ އާއި އެލަވަންސް
މަސައްކަތަށް ނިކުންނަ ކޮންމެ ދުވަހަކަށް 500ރ. ގެ އެލަވެންސެއް ދޭނެ އެވެ. އަދި އިތުރަށް 10ރ ގެ އެލަވެންސެއްވެސް ދެ އެވެ. (އެއީ 7-11 ދުވަހަަށް)
ބޯހިމެނުމުގެ މަސައްކަތުގައި ބައިވެރިވާ މީހުންނަށް އެއް ހަފުތާގެ ތަމްރީނެއް ދޭންނެ އެވެ. އެ ތަމްރީނު ފުރިހަމަ ކުރުމަށް ނުކުންނަ ކޮންމެ ދުވަހަކަށް 100ރ. ދޭނެ އެވެ.
މި މަސައްކަތުގައި ހަރަކާތްތެރިވާ މީހުންނަށް އެލަވަންސް ދޭން ހަމަޖެހިފައި ވަނީ ތަމްރީނު ފުރިހަމަކޮށްް، ބޯހިމެނުމުގެ މަސައްކަތް ފުރިހަމަކޮށް ނިމުނީމަ އެވެ.
އެންމެ ފަހުން ރާއްޖޭގައި ބޯހިމަނާފައި ވަނީ 2014 ވަނަ އަހަރު އެވެ. މި އަހަރު ކުރިއަށްގެންދާ ބޯހިމެނުުން ކުރިއަށް ގެންދިއުމަށް ނިންމާފައި ވަނީ ޓެބްލެޓް ބޭނުންކޮށްގެންނެވެ. މިއީ ރާއްޖޭގައި މިގޮތަށް ކުރިއަށް ގެންދާ ފުރަތަމަ ބޯހިމެނުމެވެ.
