ބައިނަލްއަގުވާމީ ވިޔަފާރީގެ ދާއިރާއަށް އަހުލުވެރިވެ ކޮންމެ ގައުމެއްގައި ވެސް ވަޒީފާ އަދާކުރަން ތައްޔާރުކުރާ އިންޓަނޭޝަނަލް ބިޒްނަސް މެނޭޖްމަންޓް ކޯހެއް ވިލާ ކޮލެޖުން އިއުލާނުކޮށްފި އެވެ.
މި އިންޓަނޭޝަނަލް ބިޒްނަސް މެނޭޖްމަންޓު ކޯހަކީ މިހާރު ވެސް ވިލާ ކޮލެޖުން ގިނަ ޕްރޮގްރާމްތަކެއް ހިންގާ ޔުނިވާސިޓީ އޮފް ވެސްޓް އިންގްލެންޑް، ބްރިސްޓަލްގެ ކޯހެކެވެ.
ޓޮޕްއަޕް ގޮތަށް ހިންގާ މި ކޯސް ފުރިހަމަކުރުމުން ލިބޭނީ މޯލްޑިވްސް ކޮލިފިކޭޝަން އޮތޯރިޓީ (އެމްކިޔުއޭ) ގެ ލެވަލް ހަތެއްގެ ސަނަދެކެވެ. މިއީ އެއް އަހަރު ދުވަހުގެ ފުލް ޓައިމް ކޯހެކެވެ.
އިންޓަނޭޝަނަލް ބިޒްނަސް މެނޭޖްމަންޓު ކިޔަވަން ބޭނުންވާ ކުދިންނަށް ވިލާ ކޮލެޖުން މި ކޯސް ތައާރަފުކުރީ، މިހާރަށް ވުރެ ބޮޑަށް ދިވެހި ކުދިންނަށް ބޭރު ގައުމުތަކުގެ އިގުތިސޯދުތައް ހިނގާ ގޮތާއި ވިޔަފާރި ކުރާ ގޮތްތައް އުނގަންނައިދިނުމަށެވެ.
މުޅި މި ކޯސް ފަރުމާކުރެވިފައިވަނީ ދުނިޔޭގެ ކޮންމެ ހިސާބެއްގައި ވެސް މެނޭޖުމަންޓު ފެންވަރުގެ ވަޒީފާއެއް އަދާކުރަން ބޭނުންވާ ތައުލީމާ ހުނަރު ލިބޭ ގޮތަށެވެ. ކޯހުގައި ކިޔަވައިދޭ ގިނަ މާއްދާތައް ގުޅެނީ ވެސް ބައިނަލްއަގުވާމީ ވިޔަފާރިއާ އެވެ.
ކޯހުގައި ކިޔަވައިދޭ މޮޑިއުލްތައް
- ބިޒްނަސް ޕްރޮޖެކްޓް
- ބިޒްނަސް ޕްރޮޖެކްޓް އިން ތިއަރީ
- އެންޓަޕްރައިޒް ޕްރޮޖެކްޓް
- އެކެޑެމިކް އެންޑް ޕްރޮފެޝަނަލް ޑިވެލޮޕްމަންޓު
- ބިޒްނަސް ސްޓްރެޓަޖީ
- އިންޓަގްރޭޓަޑް ބިޒްނަސް މެނޭޖްމަންޓް ސިމިއުލޭޝަން
- މެނޭޖްމަންޓް އޯގަނައިޒޭޝަނަލް ޗޭންޖް
- މަލްޓިނޭޝަނަލްސް އިން ދަ ޑޮމެސްޓިކް
ކޯހުގައި ކިޔެވޭނެ ބައެއް އޮޕްޝަނަލް މޮޑިއުލްތައް
- ޑުއިން ބިޒްނަސް އިން އޭޝިއާ
- އިންޓަނޭޝަނަލް ހިއުމަން ރިސޯސް މެނޭޖްމަންޓު
- އިންޓަނޭޝަނަލް މާކެޓިން ކޮމިއުނިކޭޝަންސް
- ދި އިކޮނޮމިކްސް އޮފް ޑިވެލޮޕިން ކަންޓްރީޒް
- ވާޗުއަލް ބިޒްނަސް
ވިލާ ކޮލެޖުން ވަނީ މިހާރު ޖެނުއަރީ މަހުގެ އިންޓޭކަށް ދަރިވަރުންނަށް ހުޅުވާލާފަ އެވެ. އަދި އެމްކިޔުއޭގެ ލެވަލް 6 ގެ ސަނަދެއް އޮންނަ ކޮންމެ ދަރިވަރަކަށް ފުރުސަތު ލިބޭނެ އެވެ. މިގޮތަށް ވިލާ ނޫން އެހެން ކޮލެޖަކުން ވެސް އެމްކިޔުއޭ ގަބޫލުކުރާ ސަނަދެއް އޮންނަ ނަމަ މި ކޯހުގައި ބައިވެރިވެވޭނެ އެވެ.
މިއީ ވިޔަފާރިތަކުގެ މެނޭޖްމަންޓުގައި މަސައްކަތް ކުރަން ބޭނުންވާ މީހުންނަށާއި މިހާރު ވެސް މަސައްކަތް ކުރަމުންދާ މީހުންނަށް ރަނުގެ ފުރުސަތެއް ކަމަށް ވިލާ ކޮލެޖުން ބުނެ އެވެ.
މި ކޯހަށް ސަރުކާރުގެ ހިލޭ ފުރަތަމަ ޑިގްރީ ސިޔާސަތުގެ ދަށުން މާލީ އެހީ ލިބޭނެ އެވެ.
