ހިޔާ ސަރަހައްދުގައި އާބާދުވާ މީހުންނަށް ބޭނުންވާ ބޭސްފަރުވާގެ ހިދުމަތްތައް ދޭން ލައިފް ސަޕޯޓް މެޑިކަލް ކްލިނިކެއް އަޅަން ޕައިތަން ޕްރައިވެޓް ލިމިޓެޑާ އެޗްޑީސީން މިއަދު ހަވާލުކޮށްފި އެވެ.
މި ކްލިނިކު ހުންނާނީ އެޗް 12 ފްލެޓުގެ އެންމެ ތިރީ ފަންގިފިލާގަ އެވެ. އެޗްޑީސީން ލަފާކުރަނީ ކުރިއަށް އޮތް ތިން މަސް ދުވަހުގެ ތެރޭގައި މި ކްލިނިކުން ހިދުމަތް ދޭން ފެށޭނެ ކަމަށެވެ.
ހިޔާގެ އެންމެ ތިރީ ފަންގިފިލާއިން ކޮމާޝަލް ބޭނުންތަކަށް ހާއްސަކުރި ބައިގައި އިތުރު މެޑިކަލް ކްލިނިކެއް ވެސް އަޅާނެ އެވެ.
ކްލިނިކްތަކުގެ އިތުރުން ހިޔާ ފްލެޓުތަކުގައި ދިރިއުޅޭ މީހުންނަށް ބޭނުންވާ އެހެނިހެން މުދަލާއި ހިދުމަތް ދޭން ރީޓެއިލް ފިހާރަ، ޑޭ ކެއާ ސެންޓަރު، ސެލޫން، ސްޕާ، ކެފޭ އަދި ބުކްޝޮޕް ހިންގަން އެޗްޑީސީން އަންނަނީ ހަވާލުކުރަމުންނެވެ.
މިހާރު އޭގެ ތެރެއިން ހަވާލުކުރެވުނު އެއް ފިހާރަ ހަދާ ނިމި، ހިދުމަތް ދޭން ވެސް ފަށައިފި އެވެ. އެ ފިހާރަ ހުންނަނީ އެޗް-12 ފްލެޓުގެ ތިރީ ފަންގިފިލާގަ އެވެ.
