ކޮވިޑް-19ގައި ހާލު ބޮޑުވެ ދަރުމަވަންތަ ހޮސްޕިޓަލުގެ އައިސީޔޫގައި ފަރުވާދެމުން އައި އަންހެނަކު މިއަދު މަރުވެއްޖެ އެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ)ން ބުނިގޮތުގައި ޑީއެޗް11ގައި މިއަދު މެންދުރެއްހާއިރު މަރުވީ 82 އަހަރުގެ މީހެކެވެ. މިއީ ރާއްޖެ އިން މި ބަލީގައި މަރުވި 68 ވަނަ މީހާ އެވެ.
ރާއްޖެ ކޮވިޑުގެ ތިން ވަނަ ރާޅުގެ ތެރޭގައި އޮތްއިރު، މާލެ އިން ޕޮޒިޓިވްވާ އަދަދު ވަނީ މަދުވާން ފަށައިފަ އެވެ. އެކަމަކު ކޮވިޑް ރާއްޖެ އިން ފެނުނު ފަހުން އަތޮޅުތަކުގެ ހާލަތު ގޯސްނުވާ މިންވަރަށް ގިނަ ރަށްތަކުގައި ވަނީ ބަލި ފެތުރިފަ އެވެ. ގިނަ ރަށްތަކެއް ވަނީ މޮނިޓަރިންއަށް ލައިފަ އެވެ.
ރާއްޖެ އިން ކޮވިޑު ފެނުނު ފަހުން 25,939 މީހުން ބައްޔަށް ޕޮޒިޓިވްވެފައިވެ އެވެ. މި ބަލީގައި އެކްޓިވް ކޭސްގެ އަދަދަކީ 2،630 އެވެ.
ކޮވިޑުން އަރައިގަތުމުގެ އުއްމީދު ރާއްޖޭގައި ވެސް ވަނީ ވެކްސިނާ އެކު އާވެފަ އެވެ. ފެބުރުއަރީ މަހު ފެށި ވެކްސިނޭޝަން ޕްރޮގްރާމްގައި، މިހާރު ވަނީ ދެ ވަނަ ޑޯޒު ފަށައިފަ އެވެ. ދެ ޑޯޒަށް ފަހު ދެ ހަފުތާ ފަހުން ކަރަންޓީން ނުވެ ރަށްރަށަށް ދަތުރުކުރެވޭނެ އެވެ.
