މިޔަންމާގެ ބަގާވާތާ ދެކޮޅަށް ރީތީގެ ރާނީއެއްގެ އަޑު

ހަން ލޭ -- ފޮޓޯ: މިސް ގްރޭންޑް އިންޓަނޭޝަނަލް

ހަން ލޭ -- ފޮޓޯ: މިސް ގްރޭންޑް އިންޓަނޭޝަނަލް

ރީތީގެ ރާނީ ހޮވާ މުބާރަތްތަކުގައި ބައިވެރިވާ މީހުން ދައްކާ ވާހަކަތަކަށް ގިނަ ފަހަރު މާ ބޮޑު ސަމާލުކަމެއް ނުލިބެ އެވެ. އެހެންކަމުން "މިސް ގްރޭންޑް މިޔަންމާ" ހަން ލޭ އޭނާގެ ގައުމުގައި ހިނގަމުންދާ އަސްކަރީ ބަގާވާތާ ދެކޮޅަށް ދެއްކި ވާހަކަ ވީ ތަފާތު ކަމަކަށެވެ.

"މިއަދު، އަޅުގަނޑުގެ ގައުމު، މިޔަންމާގައި ... އެތައް ބަޔަކު ދަނީ މަރުވަމުން،" ތައިލެންޑުގައި އޮތް މިސް ގްރޭންޑް އިންޓަނޭޝަނަލް 2020 ހަފްލާގައި ވާހަކަދައްކަމުން ލޭ ބުންޏެވެ.

"މިޔަންމާއަށް އެހީވެދީ. އަޅުގަނޑުމެންނަށް މިހާރުން މިހާރަށް ބައިނަލްއަގްވާމީ އެހީ ބޭނުންވޭ."

މީގެ މަހެއްހާ ދުވަސް ކުރިން، އުމުރުން 22 އަހަރުގެ ހަން ލޭ އުޅުނީ މިޔަންމާގެ އެންމެ ބޮޑު ސިޓީ ޔަންގޯންގެ މަގުމައްޗަށް ނިކުމެ، އަސްކަރީ ބަގާވާތާ ދެކޮޅަށް އަޑު އުފުލުމުގަ އެވެ. އެ ގައުމުގައި ހަމަނުޖެހުން ފެށުނީ ފެބްރުއަރީ އެއްވަނަ ދުވަހު އަސްކަރިއްޔާއިން ވެރިކަމުގެ ބާރުތައް އަތުލާ، އިންތިހާބީ ލީޑަރުން ހައްޔަރު ކުރުމުންނެވެ.

އެ ބަގާވާތާ ދެކޮޅަށް އެތައް ހާސް ބަޔަކު މަގުތަކަށް ނިކުތުމުން، އެމީހުން ފޮނުވާލުމަށް އަސްކަރިއްޔާއިން ދަނީ ބާރުގެ ބޭނުންކޮށް، ބަޑި ޖަހަމުންނެވެ.

ހަމަނުޖެހުމުގައި އެންމެ ލޭ އޮހޮރުވުން ބޮޑު ދުވަހަކަށްވީ 100 އަށް ވުރެ ގިނަ މީހުން މަރުވި މިދިޔަ ހޮނިހިރު ދުވަހެވެ. އެއާއެކު މަރުވި މީހުންގެ ޖުމްލަ އަދަދު 500 އަށް ވުރެ މަތިވީ އެވެ. އޭގެ ތެރެއިން 43 އަކީ ކުޑަކުދިން ކަމަށް "ސޭވް ދަ ޗިލްޑްރަން" ޖަމިއްޔާއިން ބުނެފައި ވެއެވެ.

ޔުނިވާސިޓީ އޮފް ޔަންގޯންގައި ސައިކޮލޮޖީން މަތީ ތައުލީމް ހާސިލްކުރަމުންދާ ހަން ލޭ ރީތީގެ ރާނީ ހޮވާ މުބާރާތުގައި މިޔަންމާގެ ސިޔާސީ މަޝްރަހުގެ ވާހަކަ ދައްކަން ނިންމީ ބައިނަލްއަގްވާމީ ފަރާތްތަކުގެ ސަމާލުކަން ހޯދުމަށެވެ.

"މިޔަންމާގައި ދަނީ ނޫސްވެރިން ހައްޔަރު ކުރަމުން. އެހެންވެ އަޅުގަނޑު ނިންމީ ވާހަކަދައްކަން،" ބެންކޮކްގައި ހުރެ ފޯނު މެދުވެރިކޮށް ބީބީސީއަށް ދިން އިންޓަވިއުއެއްގައި އޭނާ ބުނެފައި ވެއެވެ.

ލޭ މިހާރު އެންމެ ކަންބޮޑުވަނީ އޭނާ އެ މުބާރާތުގައި ދެ މިނެޓު ވަންދަން ދެއްކި ވާހަކައިގެ ސަބަބުން އަސްކަރިއްޔާގެ ރާޑަރަށް އޭނާ އަރާފައި ވާނެތީ އެވެ. އެ ބިރުވެރިކަމުގެ ސަބަބުން ލޭ ނިންމާފައި ވަނީ ކުރިއަށް އޮތް ތިން މަސް ދުވަހު ތައިލެންޑުގައި މަޑު ކުރުމަށެވެ.

އޭނާ ބުނީ ތައިލެންޑަށް ފުރިއިރު ވެސް ނުރައްކާ އޮތް މިންވަރާ މެދު ވިސްނުނު ކަމަށާއި މިހާރު އެންމެ ހާސްވަނީ އާއިލާއަށް ވާނެ ގޮތަކާ މެދު ކަމަށެވެ.

އަޅުގަނޑުގެ އެކުވެރިން ނަސޭހަތްދިނީ އެނބުރީ މިޔަންމާއަށް ނުދިޔުމަށް. -- ހަން ލޭ

ލޭގެ ކަންބޮޑުވުން އެފަދަ ގޮތަކަށް ހުރިއިރު، މިދިޔަ ހަފްތާގައި އަސްކަރިއްޔާއިން ވަނީ މިޔަންމާގެ 18 ސެލެބްރިޓީންނާއި ސޯޝަލް މީޑިއާ އެކްޓިވިސްޓުން އަދި ދެ ނޫސްވެރިން ހައްޔަރު ކުރުމުގެ އަމުރު ނެރިފަ އެވެ. އެ އެންމެންނަކީ ވެސް ބަގާވާތާ ދެކޮޅަށް ވާހަކަދައްކާފައިވާ މީހުންނެވެ.

ލޭ ބުނީ މުބާރާތުގައި އޭނާ ދެއްކި ވާހަކައަށް ފަހު އަސްކަރިއްޔާގެ އެއްވެސް އޮފިޝަލަކު އޭނާއަށް ގުޅާފައި ނުވާ ކަމަށެވެ. ނަމަވެސް ސޯޝަލް މީޑިއާ މެދުވެރިކޮށް އިންޒާރު ލިބެމުންދާ ކަމަށް ބުންޏެވެ.

ލޭ އާއެކު މުޒާހަރާގައި ބައިވެރިވި ގިނަ ދަރިވަރުން މިހާރު ވަނީ ހައްޔަރުކޮށްފަ އެވެ. އަދި އެއް ދަރިވަރަކު މަރުވެފައިވާ ކަމަށް އޭނާ ބުންޏެވެ.

އޭނާ މުޒާހަރާގައި ބައިވެރިއެއް ވެސް ނުވޭ. އޭނާ ދިޔެއީ ރެސްޓޯރެންޓަކަށް ކޮފީ ބޯން. އެ ތަނުން ނިކުމެ ރޭގަނޑު ގެޔަށް ދަނިކޮށް ބަޑި ޖަހާ މަރާލީ. -- ހަން ލޭ

އެސިސްޓެންސް އެސޯސިއޭޝަން ފޯ ޕޮލިޓިކަލް ޕްރިޒަނާސް ޖަމިއްޔާއިން ލަފާކުރާ ގޮތުގައި ހަމަނުޖެހުމުގައި މިހާތަނަށް 2،500 މީހުން ވަނީ ޖަލުތަކުގައި ބަންދުކޮށްފަ އެވެ.

ލޭ ބުނީ މި ވަގުތު އޭނާގެ އާއިލާ ތިބީ ރައްކާތެރިކޮށް ކަމަށާއި ނަމަވެސް މިޔަންމާގައި އިންޓަނެޓުގެ ހިދުމަތް ކަނޑަމުން ދާތީ އާއިލާއާ ގަވާއިދުން ވާހަކަ ނުދެއްކޭ ކަމަށެވެ.

ރީތީގެ ރާނީ މުބާރާތުގައި ލޭ ދެއްކި ސިޔާސީ ވާހަކަތަކަކީ އާއްމުކޮށް އެފަދަ މުބާރާތަކުން ފެންނަ މަންޒަރެއް ނޫނެވެ. މުބާރާތުގެ ކުރިން "މިސް ގްރޭންޑް ކެމްބޯޑިއާ" ލިވް ޗިލީ ވަނީ ސިޔާސީ ވާހަކަ ނުދެއްކުމަށް ވެސް ބައިވެރިންގެ ކިބައިން އެދިފަ އެވެ. ނަމަވެސް ލޭ ބުނީ މުބާރާތުގައި އެ ވާހަކަ ދެއްކުމަކީ އޭނާގެ ޒިންމާއެއް ކަމަށެވެ.

ކޮމެންޓް

ފަހުގެ ޚަބަރު

ކްރައިމިއާ ބްރިޖަށް ހަމަލާދީ ބޮޑު ބައެއް ވައްޓާލައިފި

ރަޝިއާއިން ހިފާފައިވާ ކްރައިމިއާއާ ގުޅުވައިދޭ މުހިންމު ބްރިޖަށް ޔޫކްރޭނުން ވަރުގަދަ ހަމަލާއެއްދީ، ބްރިޖުގެ ބޮޑު ބައެއް ކަނޑަށް ވައްޓާލައި ރަޝިއާގެ ސިފައިންނަށް ބޭނުންވާ މައިގަނޑު ސަޕްލައި މަގަށް ބޮޑު ހުރަހެއް ކުރިމަތިކުރުވައިފިއެވެ. މި ހަމަލާއާ ގުޅިގެން ރަޝިއާއިން ބަދަލުހިފުމުގެ ގޮތުން ޔޫކްރޭނުގެ ވެރިރަށް ކީވްގެ އިންފްރާސްޓްރަކްޗަރަށް އަމާޒުކޮށް ވަރުގަދަ ހަމަލާތަކެއް ދީފައިވާއިރު، މިއީ ދެ ގައުމުގެ ދެމެދުގައި އޮތް ހަނގުރާމަ އިތުރަށް ވަރުގަދަވެގެންދިޔަ ކަމެކެވެ.

ޓްރަމްޕް ފިލިޕީންސަށް ވަޑައިގެންފި

އެމެރިކާގެ ރައީސް ޑޮނަލްޑް ޓްރަމްޕް އޭޝިއާއަށް ކުރައްވާ ދަތުރުފުޅުގައި ފިލިޕީންސަށް ވަޑައިގެން، އިންޑިއާ، ޖަޕާން އަދި އޮސްޓްރޭލިއާ ހިމެނޭ ކުއަޑް ގްރޫޕުގެ ލީޑަރުންނާ ބައްދަލުކުރައްވައިފިއެވެ. މި ބައްދަލުވުމުގައި އިންޑޯ-ޕެސިފިކް ސަރަހައްދުގެ އަމާންކަމާއި ގުޅުން ބަދަހިކުރުމާ ގޮތުން މަޝްވަރާކުރެއްވިއިރު، އެމެރިކާގެ އަމާޒަކީ ޗައިނާގެ ނުފޫޒު ކުޑަކޮށް މި ގައުމުތަކާއެކު އޮންނަ އިގްތިސާދީ އަދި ޓެކްނޮލޮޖީގެ ގުޅުން ވަރުގަދަކުރުމެވެ.

ހަގިން ފޭސްއަށް ދިން ހަމަލާއާ ގުޅިގެން ދައުވާކޮށްފި

އެކަށީގެންވާ ރައްކާތެރިކަމުގެ ފިޔަވަޅުތަކެއް ނެތި އޭއައި މޮޑެލްތައް ތަރައްގީކޮށް އާންމުން ނުރައްކަލަށް ހުށަހެޅި ކަމަށް ބުނެ، ކެލިފޯނިއާގެ އެޓާނީ ޖެނެރަލް އޯޕަންއޭއައިއާ ދެކޮޅަށް ދައުވާ އުފުލައިފިއެވެ. މި ދައުވާގެ މައިގަނޑު އަސާސަކީ އޯޕަންއޭއައިގެ އެޖެންޓުންތަކެއް "ހަގިން ފޭސް" ގެ ނިޒާމަށް ވަދެ ދިން ހަމަލާއަކަށްވާއިރު، މިއީ އެމެރިކާގެ ސްޓޭޓަކުން އޭއައި ކުންފުންޏަކާ ދެކޮޅަށް ކުރި ފުރަތަމަ ދައުވާއެވެ.

އިންޑިއާ: އޭއައި ބޭނުންކޮށް ބިމާއި މަގުގެ މައްސަލަތަކަށް ހައްލު

އިންޑިއާގެ ސްޓާޓްއަޕްތަކުން އޭއައި ބޭނުންކޮށްގެން ބިމުގެ ރެކޯޑުތައް ބެލެހެއްޓުމާއި، މަގުތަކުގައި ހުންނަ ވަޅުގަނޑުތައް ދެނެގަތުން ފަދަ އިޖުތިމާއީ ބޮޑެތި މައްސަލަތަކަށް އަންނަނީ ހައްލު ހޯދައިދެމުންނެވެ. މީގެ އިތުރުން ސިއްހީ ދާއިރާގައި ލެބް ރިޕޯޓުތައް ތަރުޖަމާކުރުމާއި ބަލިމަޑުކަން ދެނެގަތުމަށް ވެސް މި ޓެކްނޮލޮޖީގެ އެހީގައި ލުއިފަސޭހަ ނިޒާމުތަކެއް ވަނީ ގާއިމުކޮށްފައެވެ.

އެޕްސްޓީން އަމިއްލަ އަށް މަރުވީއެއް ނޫން: ފޮރެންސިކް މާހިރު

ޖެފްރީ އެޕްސްޓީންގެ ހަށިގަނޑުން ފެންނަން ހުރި ނިޝާންތަކަށް ބަލާއިރު، އޭނާ މަރުވީ އަމިއްލައަށް ނޫން ކަމަށާއި މީހަކު އޭނާ މަރާލީ ކަމަށް ފޮރެންސިކް މާހިރު ޕްރޮފެސަރު މައިކަލް ފްރީމަން ބުނެފިއެވެ. ނަމަވެސް، އެޕްސްޓީންގެ އޮޓޯޕްސީ ހެދި މެޑިކަލް އެގްޒެމިނަރު އަދިވެސް ވިދާޅުވަނީ އެއީ ދަންޖެހިގެން އަމިއްލައަށް މަރުވުމެއް ކަމަށެވެ. މި އާ ދިރާސާ ކުރިއަށް ގެންގޮސްފައިވަނީ އެޕްސްޓީންގެ ބޭބެ ފޯރުކޮށްދިން މެޑިކަލް ފައިލްތަކާއި ފޮޓޯތަކުގެ އެހީގައެވެ.

މެކްސިކޯގެ އެންމެ ބޮޑު އެއް ޑްރަގު ލޯޑު ފީލިކްސް ގަޔާޑޯ މަރުވެއްޖ

މެކްސިކޯގެ މަސްތުވާތަކެތީގެ ވިޔަފާރި ކޮންޓްރޯލްކުރި "ގުއަޑަލަހާރާ ކާޓެލް" ގެ ބާނީ، މިގޭލް އަންހެލް ފީލިކްސް ގަލާޑޯ އުމުރުން 80 އަހަރުގައި މަރުވެއްޖެއެވެ. "ދަ ގޯޑްފާދާ" ގެ ނަމުން މަޝްހޫރުވި ގަލާޑޯ މަރުވީ، އެމެރިކާގެ ޑީއީއޭ އެޖެންޓަކު މަރާލި މައްސަލައިގައި 40 އަހަރުގެ ޖަލު ހުކުމެއް ތަންފީޒުކުރަމުން ދަނިކޮށް ސިއްހީ ހާލަތު ގޯސްވެގެންނެވެ. އޭނާއަކީ މެކްސިކޯ އާއި ކޮލަމްބިއާގެ ކާޓެލްތައް ގުޅުވައިދީ، އެމެރިކާއަށް މަސްތުވާތަކެތި އެތެރެކުރުމުގެ ނިޒާމު އެންމެ ފުޅާދާއިރާއެއްގައި ހިންގި ނުފޫޒުގަދަ ލީޑަރެވެ.

ޖެންސެން ހުއާން އަނބުރާ މަގާމަށް ގެނައުމަށް ކެމްޕޭނެއް

އެންވީޑިއާގެ ސީއީއޯ ޖެންސަން ހުއާން، އޭނާގެ އަމިއްލަ ދިރިއުޅުމާ ގުޅޭ މައްސަލަތަކެއް ފަޅާއަރައި މަގާމުން އިސްތިއުފާ ދެއްވުމާ ގުޅިގެން، އޭނާ އަނބުރާ މަގާމަށް ގެނައުމަށް ބޮޑު ކެމްޕޭނެއް ވަނީ ފަށާފަ އެވެ. އީލޮން މަސްކް ފަދަ މަޝްހޫރު ޝަޚުސިއްޔަތުންނާއި ގިނަ އަދަދެއްގެ މުވައްޒަފުން ބައިވެރިވާ މި ކެމްޕޭނުގައި ގޮވާލަނީ، މިނިވަން ތަހުގީގެއް ނިމެންދެން އޭނާ މަގާމުގައި ބެހެއްޓުމަށެވެ.

Newsletter

Get the latest news delivered straight to your inbox