
ސާއިފް ޝިޔާދު
ސަބް އެޑިޓަރ
ކުޅިވަރު ނޫސްވެރިޔެއްގެ ގޮތުގައި ނޫސްވެރިކަމަށް ނުކުތް ސާއިފް ޝިޔާދުގެ ގަލަން ގިނަ ދާއިރާތަކެއްގައި ހިނގަ އެވެ. ހާއްސަ ސަމާލުކަމެއް ދީގެން ރާއްޖޭގެ ސިޔާސީ މަޝްރަހަށް އަންނަ ބަދަލުތަކާއި ބައިނަލްއަގުވާމީ މަޝްރަހާއި ރާއްޖޭގެ ހާރިޖީ ސިޔާސަތު އަދި އިގުތިސޯދީ ދާއިރާގެ ލިޔުންތައް އޭނާ އަންނަނީ ލިޔަމުންނެވެ. މީގެކުރިން ސާއިފް ވަނީ "ރާއްޖެ ޓީވީ" ގެ ނޫސްވެރިޔެއްގެ ގޮތުގައި މަސައްކަތްކޮށްފަ އެވެ.
2423 ލިޔުން
ހަބަރު"އިންވޮސްއަށް މަކަރުހަދާތީ ދައުލަތަށް ބޮޑެތި ގެއްލުންތަކެއް ލިބޭ"
މުދާ އެތެރެކުރާއިރު އިންވޮއިސްތަކުގެ އަސްލު އަގަށް މަކަރު ހަދައިގެން (އަންޑަ އިންވޮއިސް ކޮށްގެން) ދައުލަތަށް ލިބެންޖެހޭ އާމްދަނީން އަހަރަކު 2.5 ބިލިއަން ރުފިޔާ ގެއްލޭ ކަމަށް މަޖިލީހުގެ ނައިބު ރައީސް އަހުމަދު ސަލީމް ވިދާޅުވެއްޖެއެވެ. އޭނާ ފާހަގަކުރެއްވި ގޮތުގައި ކަސްޓަމްސްއަށް ލިބެންޖެހޭ ޑިއުޓީގެ ގާތްގަނޑަކަށް ދެބައިކުޅަ އެއްބައި މި މަކަރުވެރި އަމަލުތަކުގެ ސަބަބުން ދައުލަތަށް ނުލިބި ގެއްލިގެންދެއެވެ.
ހަބަރު"ރަސްމާލެ ވިއްކާލުމުން ރާއްޖެގެ ސަރަހައްދަށް ބަދަލު އަންނާނެ"
ރަސްމާލެ މަޝްރޫއުގެ ދަށުން ބޭރުގެ ފަރާތަކަށް ބޮޑު ސަރަހައްދެއް ދިނުމަކީ ރާއްޖޭގެ ސަރަހައްދަށް ބަދަލު އައިސް، ދައުލަތުގެ ތެރޭގައި އިތުރު ދައުލަތެއް އުފެދިދާނެ ކަމެއް ކަމަށް ބުނެ ގައުމީ ހަރަކާތުން ކަންބޮޑުވުން ފާޅުކޮށްފިއެވެ. އެ ހަރަކާތުގެ ތަރުޖަމާނު އަލީ ހުސައިން ވިދާޅުވީ މިފަދަ ބޮޑު ނިންމުމެއް ނިންމަންވާނީ ރައްޔިތުންގެ ފެންނަނުފެންނަ ވޯޓަކުން ކަމަށާއި، މިކަމާ ދެކޮޅަށް އަންނަ ހުކުރު ދުވަހު މުޒާހަރާ ކުރާނެ ކަމަށެވެ.
ހަބަރު120 މިލިއަން ރުފިޔާ ހަރަދުކުރިގޮތް އޮޑިޓަށް ނުހޯދުނު
ހައުސިން މިނިސްޓްރީގައި ހިނގި އަލިފާނުގެ ހާދިސާގައި ސާވާ އެއްކޮށް އަނދައި، ބެކަޕް ނެތުމުގެ ސަބަބުން 2023 ވަނަ އަހަރު ހަރަދުކުރި 120 މިލިއަން ރުފިޔާގެ ލިޔެކިޔުންތައް ގެއްލިފައިވާ ކަމަށް އޮޑިޓް ރިޕޯޓުން ހާމަވެއްޖެއެވެ. މީގެ ތެރޭގައި މުސާރައަށް ހޭދަކުރި 114 މިލިއަނަށް ވުރެ ގިނަ ރުފިޔާ ހިމެނޭއިރު، ލިޔެކިޔުންތައް ނެތުމުން އެ ހަރަދުތަކަކީ މާލިއްޔަތު ގަވާއިދާ އެއްގޮތަށް ކޮށްފައިވާ ހަރަދުތަކެއްކަން އޮޑިޓަށް ކަށަވަރެއް ނުކުރެވުނެވެ.
