ފުވައްމުލަކު ސިޓީގައި މިއަދު ފެށި މަކިޓާ 15 ވަނަ ގައުމީ ޔޫތު އެތުލެޓިކްސް މުބާރާތުގައި ސާއިދު ސްޕޯޓްސް އިން ބޮޑު ސްކޮޑެއްގައި ހިމެނިގެން ގިނަ އެތުލީޓުންތަކެއް ވާދަކުރަމުން އެބަދެ އެވެ.
މީގެ ކުރިން ވެސް ޖޫނިއާ މުބާރާތުގައި ސާއިދު ސްޕޯޓްސްގެ އެތުލީޓުން ވާދަކޮށް ރަނގަޅު ކާމިޔާބީތަކެއް ހޯދައިފައިވެ އެވެ. މި ފަހަރަކީ އެ ކްލަބުން ބޮޑު ސްކޮޑެއް ތައްޔާރީތަކާ އެކު، ޖޫނިއާ މުބާރާތަށް ދިޔަ ފުރަތަމަ ފަހަރެވެ.
އެ ގޮތުން، މިއަދުން ފެށިގެން މި މަހުގެ 23 ވަނަ ދުވަހާ ހަމައަށް ކުރިއަށްދާ ޖޫނިއާ މުބާރާތުގައި ސާއިދު ސްޕޯޓްސްގެ ފަރާތުން، 14 އަންހެން އެތުލީޓުންނާއި އަށް ފިރިހެން އެތުލީޓުން ވާދަކުރެ އެވެ.
އެ ގޮތުން ވާދަކުރާ އަންހެން އެތުލީޓުންނަކީ، އައިރާ އަބްދުﷲ ސައީދު، އައިޝަތު އައިރީން ޝާރިފް، ކްލާރާ ސެރީނާ އާސިފް، އައިރާ މަލްސޫން ހާޝިމް، އައިޝަތު ދާނިޔާ އިބްރާހިމް ފަވާޒް، އައިޝަތު ސާރާ ވިސާމް، ސާރާ އަލީ ސޯދިގު، މަރިޔަމް ލައިރާ މަމްދޫހު، އައިޝަތު މަލީކާ ޒަމީރު، ތަނާ އަލީ ޝާހިން، ކިއާރާ އަފްރާހު ގާސިމް، މަލީސާ ހުސެއިން ނަސީމް، އައިމިނަތު މަލިކާ ޒަމީރު އަދި އައިމިނަތު އަޒްކާ އާމިރު އެވެ.
ފިރިހެން އެތުލީޓުންނަކީ، ހަސަން ޝައިލް މުހައްމަދު އިބްރާހިމް، ހާވީ ހަސަނައިން ހަސަން ހަލީމް، ޔުއާން އިބްރާހިމް ލުތުފީ، އުލްވާން އިބްރާހިމް އުމަރު، އިޒްޔާން އިސްމާއިލް ދީދީ، އިސްމާއިލް މުލްހަމް އާޒިމް، މުހައްމަދު ޔަލީން އަހުމަދު އަދި އަހުމަދު އަދްޔާން ވަސީމް އެވެ.
މީގެ އެއް އަހަރު ކުރިން، 2022 ވަނަ އަހަރު ބޭއްވި ޖޫނިއާ ޗެމްޕިއަންޝިޕްގެ އެއް ވަނަ ފިރިހެން އެތުލީޓަކީ ސާއިދު ސްޕޯޓްސްގެ އަހުމަދު ވިސާމް އެވެ.
މި ފަހަރުގެ ޖޫނިއާ މުބާރާތުގައި، 29 ޓީމަކުން 868 އެތުލީޓުން ވާދަކުރެ އެވެ.
