މިލާން އަތުން ބަލިވެ އިންޓަ އަށް އެއް ވަނަ ގެއްލިއްޖެ

Nov 1, 2026, 9:21 AM
މިލާނަށް ލަނޑެއް ޖަހައިދިނުމަށް ފަހު މޮރެއިރާ އުފާފާޅުކުރަނީ.

މިލާނަށް ލަނޑެއް ޖަހައިދިނުމަށް ފަހު މޮރެއިރާ އުފާފާޅުކުރަނީ.

މިލާން (ނޮވެމްބަރު 1) - އިޓާލިއަން ލީގުގައި ރޭ ކުޅުނު މިލާން ޑާބީގައި، އޭސީ މިލާން އަތުން 3-1 އިން ބަލިވެ، އިންޓަ މިލާނަށް ލީގު ތާވަލުގެ އެއް ވަަނަަ ގެއްލިއްޖެ އެވެ. 

މިއީ، މި ފަހަރު ލީގުގައި އެންމެ ފަހުގެ ޗެމްޕިއަން، އިންޓަ ބަލިވި ފުރަތަމަ ފަހަރެވެ. 

ލީގުގެ އެއް ވަނައިގައި އޮތް ލާޒިއޯ އާއި މިހާރު ދެ ވަނައިގައި އޮތް އިންޓަ އަށް 25 ޕޮއިންޓް ލިބިފައިވާއިރު، ލާޒިއޯ ކުޅުނީ ނުވަ މެޗެވެ. އިންޓަ އިން ވަނީ 10 މެޗު ކުޅެފަ އެވެ. ޖެނާރޯ ގަޓޫސޯ ކޯޗުކޮށްދޭ ލާޒިއޯ އިން މިރޭ ކަލިއަރީ ބަލިކޮށްފިނަމަ، ތިން ޕޮއިންޓުގެ ލީޑެއް ލިބޭނެ އެވެ. 

މިލާނުން ރޭގެ މެޗު ފެށީ ތަފާތު ފޯމެއްގަ އެވެ. އެ ގޮތުން، އެ ޓީމުން ވަނީ ފުރަތަމަ 10 މިނިޓް ތެރޭ ދެ ލަނޑު ޖަހައި، އިންޓަ ހާސްކޮށްލައިފަ އެވެ. މެޗުގެ ހަތަރު ވަަނަ މިނިޓްގައި މިލާނުން ލީޑުނެގީ ކްރިސްޓިއަން ޕުލިސިޗް ޖެހި ގޯލުންނެވެ. މިއީ، ޑިއޭގޯ މޮރެއިރާ ނެގި ހުރަހަކަށް އަރައި ޕުލިސިޗް ޖެހި ލަނޑެކެވެ. މެޗުގެ 10 ވަނަ މިނިޓްގައި އޭޑްރިއަން ރަބިއޯ ވަނީ މިލާންގެ ދެ ވަނަ ލަނޑު ޖަހައިފަ އެވެ. މި ލަނޑު ޖަހަން ފުރުސަތު ހޯދައިިދިނީ ވެސް މެޗުގައި ތަފާތު މޮޅު ކުޅުމެއް ދެއްކި މޮރެއިރާ އެވެ. 

އިންޓަ އިން އަނބުރާ މެޗުގެ ތެރެއަށް ވަންނަން ކުރި މަސައްކަތުގައި 22 ވަނަ  މިނިޓްގައި ލަނޑެއް ޖެހި އެވެ. މިއީ، ކޯނަރަކުން ހުރަސްވި ބޯޅައަކުން، ޑިފެންޑަރު، އަލެސަންޑްރޯ ބަސްޓޯނީ، އިންޓަ އަށް ޖަހައިދިން ގޯލެކެވެ. އޭގެ ފަހުން، ނަތީޖާ ހަމަހަމަ ކުރަން އިންޓަ އަށް ގިނަ ފުރުސަތުތަކެއް ލިބި ބޭނުމެއް ނުކުރެވުނެވެ. އެ ގޮތުން، އިންޓަގެ ޖެޑް ސްޕެންސް، ހަކަން ޗަނޮނޯލޫ، އެންޑީ ދިއުފް އަދި ޕެޓާ ސުޗިޗް އަށް ލިބުނު ފުރުސަތުތައް ބޭނުމެއް ނުކުރެވުނެވެ. 

މިލާނުން ވަނީ އިންޓަ ކޮޅަށް ފުރަތަމަ ހާފު ނިމުމުގެ ކުރިން ތިން ވަނަ ލަނޑެއް ޖަހައި، ދެ ގޯލުގެ ލީޑެއް އަލުން ނަގައިފަ އެެވެ. މި ލަނޑު ޖަހައިދިނީ، ފުރަތަމަ ދެ ގޯލު ޖަހަން ފުރުސަތު ތަނަވަސްކޮށްދިން ބެލްޖިއަމްގެ މިޑްފީލްޑަރު، މޮރެއިރާ އެވެ. 

މި މޮޅާ އެކު، މިލާން އޮތީ ލީގު ތާވަލުގެ ހަތަރު ވަނައިގަ އެވެ. އެއީ، 10 މެޗުން 21 ޕޮއިންޓް ހޯދައިގެންނެވެ. އެކަމަކު، މި ހަފްތާގެ މެޗުތައް ނިމޭއިރު، މިލާން ފަސް ވަނަ އަށް ވެއްޓުމުގެ ފުރުސަތު އެބައޮތެވެ. 

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox