މަސައްކަތުގެ މާހައުލުގައި ދިމާވާ އެންމެ ބޮޑު އެއް ގޮންޖެހުމަކީ ބޭނުން ކުރާނެ ފެންވަރު ރަނގަޅު ސާމާނު ނެތުމެވެ. ކުރަން ޖެހޭ މަސައްކަތް އެތައް ގުނައަކަށް ބުރަ ވެގެންދާ ވާހަކަ އާއި މަސައްކަތް ނިމޭއިރު އަވަދިވެފައި ހުންނަ ވާހަކަ އަކީ އަބަދުމެ އަޑުއިވޭ ޝަކުވާ އެކެވެ. މި ކަންކަމަށް ހައްލު ވެލިގާއިން ގެނެސްދެނީ މޮޅު ބުރޭންޑުތަކުގެ ފެންވަރު ހުރި ސާމާނުންނެވެ. މި ފަހަރު އެފަދަ ހައްލެއްގެ ލިސްޓަށް އިތުރުކޮށްލީ މަޝްހޫރު ބުރޭންޑެއް ކަމަށްވާ ގެޒޭލް ބުރޭންޑު އެވެ.

ގެޒޭލްއަކީ ކޮބާ؟

ގެޒޭލްއަކީ ޒަމާނީ މައްސަލަތަކަށް އީޖާދީ ހައްލު ގެނެސްދިނުމުގައި ރައްކާތެރި، އިތުބާރު ހިފޭ ސާމާނު ބޭނުން ކުރާ ފަރާތްތަކުގެ މެދުގައި ނަން ހިނގާ ބުރޭންޑެކެވެ. ކޮންމެ ބާވަތެއްގެ މަސައްކަތެއް ވިޔަސް އެކަމެއް ދެގުނަ އަވަސްކޮށްލަދޭ މި ބްރޭންޑުގެ ސާމާނަކީ ހައްޓަށް ލުއި އަދި އެހާމެ ފެންވަރު ރަނގަޅު، ވަރުގަދަ ސާމާނެވެ.

މި ކުންފުނީގެ ސާމާނުތަކަކީ ބޭނުން ކުރާ މީހާގެ ރައްކާތެރިކަމަށް ވަރަށް ބޮޑު އަހަންމިއްޔަތު ކަމެއް ދީގެން އުފައްދާފައިވާ ސާމާނެ އެވެ. މަސައްކަތު މާހައުލުގެ ރައްކާތެރިކަމަށް ބޮޑު އިސްކަމެއް ދީގެން އުފައްދާފައިވާ މި ބުރޭންޑުގެ ޓޫލްސްއަށް އޯސީއެޗްއޭ (އޮޝާ)، އީއެން131، ޓީޔޫވީ އަދި ޖީއެސް ފަދަ ބައިނަލްއަގުވާމީ އޯގަނައިޒޭޝަންތަކުގެ ސެޓިފިކެޓު ލިބިފައިވެ އެވެ.

ލިބެން ހުރީ ކޯއްޗެއް؟

ވެލިގާއިން ލިބެންހުރި ގެޒޭލް ބުރޭންޑުގެ އުފެއްދުންތަކުގެ ތެރޭގައި ތަފާތު ވައްތަރުގެ ހަރުގަނޑާއި ބަރު އެއްޗެތި އުފުލާ ގެންގުޅުން ލުއި ފަސޭހަކޮށްލަދޭ ޕެލެޓު ޖެކާއި ޝޮޕް ކެރޭނުގެ އިތުރުން މަސައްކަތުގެ ސާމާނު ރައްކާތެރިކަމާއި އެކު ތަރުތީބުކޮށްލައިގެން ގެންގުޅެވޭނެ ފަދަ ޓޫލް ސްޓޮރޭޖު ފަދަ އެތައް ބައިވަރު އުފެއްދުންތަކެއް ހިމެނެ އެވެ. ތިރީގައި މިފާހަގަކޮށްލަނީ އޭގެ ތެރެއިން ބައެއް އުފެއްދުންތަކެވެ.

މި އަތުކީހުގެ 16 އިންޗިން ފެށިގެން 22 އިންޗީ ލިބެން އެބަ ހުރި. އަގަކީ 265 ރ.

އަތުކީސް

ގެޒޭލްގެ އަތުކީހުގެ އެކި ވައްތަރުތައް އެބަ ހުއްޓެވެ. އާންމުކޮށް މި ފެންނަ ޒާތުގެ އަތުކީހާއި އެކި މަސައްކަތްތަކަށް ހާއްސަ އަތުކީސް ލިބެން އެބަ ހުއްޓެވެ. އޭގެ އެކި ސައިޒުތައް ވެސް ލިބެން އެބަ ހުއްޓެވެ. ސޯޅަ އިންޗިން ފެށިގެން 22 އިންޗީގެ އަތުކީސް އެބަ ހުއްޓެވެ. ފެށޭ އަގަކީ 265ރ. އެވެ.

ގެޒޭލްގެ ހަރުގަނޑެއް

އެލުމިނިއަމް ހަރުގަނޑު

ފަސް ފޫޓުގެ ދިގު މި ހަރުގަނޑުގައި ހުރެގެން ގާތްގަނޑަކަށް ނުވަ ފޫޓު އުހުގައި ހުންނަ މަސައްކަތްތައް ދަތިކަމެއް ނެތި ފުރިހަމަ ކޮށްލެވޭނެ އެވެ. އެހީތެރިއަކު ކައިރީގައި ނެތަސް މި ހަރުގަނޑު ބޭނުން ކުރާ މީހަކު އިރުއިރުކޮޅުން ސާމާނު ހޯދަން ފައިބާކަށް ނުޖެހޭނެ އެވެ. އެލުމިނިއަމުން ހަދާފައިވާ މި ހަރުގަނޑުގެ އެންމެ މަތީބައި ހާއްސަ ކުރެވިފައިވަނީ މަސައްކަތު ސާމާނުތައް ނުވެއްޓޭނެހެން ހަރުކޮށް އަތުރާލެވޭ ގޮތަށެވެ. އަތްފޯރާ އަގެއްގައި ލިބެންހުރި މިހަރުގަނޑަކީ އެހާމެ ކޮލެޓީ ރީތި އުފެއްދުމެކެވެ.

މި ބްރޭންޑުގެ ތަފާތު ވައްތަރުގެ ތަފާތު ސައިޒުގެ، އެކި ބޭނުންތަކަށް ބޭނުންކުރާ 12 ވައްތަރެއްގެ ހަރުގަނޑު ވެލިގާގައި އެބަ ހުއްޓެވެ.

ސާމާނު ދަބަސް

ބަރާބަރު 20 އިންޗި އަށް އަނގަ ހުޅުވާލެވޭ ގެޒޭލް ސާމާނު ދަބަހަކީ އެތެރޭގައި 25 ޖީބާއި ހޯލްޑަރުތައް ހުންނަ މުޅީން ވޯޓަޕުރޫފް ދަބަހެކެވެ. ކޮނޑުގައިވެސް އަޅުވާލެވޭ މި ދަބަހަކީ ފަސޭހައިން ހަލާކު ނުވާ ގޮތަށް ޕޮލިސްޓައިން އުފައްދާފައިވާ މޮޅު ދަބަހެކެވެ. ތައްޔާރުކޮށްފައި ވަނީ ދަބަހުގެ ބޭރުގައި ކޫރުން އެޅި އަވަހަށް ބާ ނުވާނޭ ގޮތަށެވެ. ދަބަސް ކޮނޑުގައި އަޅުވާލައިގެން ހުރެވެސް ހުޅުވާލައި ބޭނުންކޮށްލެވޭނެ އެވެ.

ގެޒޭލްގެ ޕްލެޓް ޖެކެއް

ޕެލެޓް ޖެކް

ތިން ހާސް ކިލޯގެ ބަރުދަން އުފުއްލާލުމުގެ ގާބިލުކަން ލިބިފައިވާ މި ޖެކަކީ ދަބަރު ނުޖަހާނޭ ގޮތަށް ހާޑު ކުރޯމް ޕުލޭޓު ކުރެވިފައިވާ މޮޅު އުފެއްދުމެކެވެ. މަސައްކަތުގެ މާހައުލުގައި ބަރު އެއްޗެތި އުފުލުމުގެ ތަކުލީފު ނައްތާލަދޭ މި ޖެކުގެ ދަތްގަނޑު ހަދާފައިވަނީ ސީ ގުރޭޑުގެ ވަރުގަދަ ދަގަނޑުންނެވެ. ގެންގުޅެން ފަސޭހަ ގެޒޭލް ޕެލެޓު ޖެކަކީ ގިނަ ބައެއްގެ އިތުބާރު ހޯދާގައިވާ ކޮލެޓީ ރަނގަޅު އުފެއްދުމެކެވެ.

މީގެ އިތުރުން އެހެން ވައްތަރުގެ ޖެކާއި، ހައިޑްރޯލިކް ޑްރަމް ޖެކު ވެސް އެބަ ހުއްޓެވެ.

އިންފްރާ ތަމޮމީޓަރު

އަތް ނުފޯރާ ހިސާބުގައި ހުރި އެއްޗެއްގެވިޔަސް ނުވަތަ އެ އެއްޗަކާ ކައިރިވުން ރައްކާތެރި ނޫން އެއްޗެއްގެ ފިނިހޫނުމިން ކަށަވަރު ކޮށްލަން ވިޔަސް މިވަރެއް ނޯންނާނެ އެވެ. ތިން މީޓަރުގެ އުސްމިނަކުން ވެއްޓުނު ނަމަވެސް ހަލާކު ނުވާ މިތަމޮމީޓަރަކީ އައިޕީ65 ރޭޓިންގެ ބޭނުންކޮށްލަން ފަސޭހަ އެއްޗެކެވެ. އަދި މިއަށް ހާއްސަ ގެޒޭލް ދަބަހެއް ލިބޭނެ އެވެ. މި ތަމޮމީޓަރު ކޮންމެ އެއްޗަކަށް އަމާޒު ކޮށްލިޔަސް އެންމެ 240 މިލިސުކުންތުގެ ތެރޭގައި އެ އެއްޗެއްގެ ފިނިހޫނުމިން ހޯދާލަ އެވެ. އަގަށް ބަލާއިރު މާބޮޑު ނޫން މި އުފެއްދުމަކީ ވެސް ފެންވަރު ރަނގަޅު، ލުއިކަން ގެނެސްދޭ އެއްޗެކެވެ.

މި ފާހަގަކޮށްލީ ބައެއް ސާމާނެވެ. ގެޒޭލްގެ ގިނަ ވައްތަރުތައް ވެލިގާއިން ލިބެން އޮބަ ހުއްޓެވެ. އޮންލައިންކޮށް ވެސް ބަލާލެވޭނެ އެވެ.

ވެލިގާގެ އޮންލައިން ފިހާރަ، ވެލިގާ.ކޮމް

ވެލިގާގެ އޮންލައިން ފިހާރަ (ވެލިގާ.ކޮމް) އިން ހުރިހާ ސާމާނެއް ގަނެވޭނެ އެވެ. ނެޓުން ގަނެލައިގެން ރަށަށް ވިޔަސް، އަތަށް ވިޔަސް، ޑެލިވަރީކޮށް ދެ އެވެ. މި އޮންލައިން ފިހާރައިން ވަގުތުން ފައިސާ ވެސް ދައްކާލެވެ އެވެ. އެހާ ވެސް ފަސޭހަ އެވެ.