ބީއެމްއެލްގެ ސުކޫކަށް ސަރުކާރުން ގެރެންޓީ ދެނީ

ބޭންކް އޮފް މޯލްޑިވްސް (ބީއެމްއެލް) ޗެއާޕާސަން ހަބީބު (ވ) އާއި ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު (މ): ބޭންކުގެ ސުކޫކަށް ގެރެންޓީ ދޭން ޖެހުނު ސަބަބެއް ނުބުނޭ --- ފޮޓޯ: ބީއެމްއެލް

ބޭންކް އޮފް މޯލްޑިވްސް (ބީއެމްއެލް) ޗެއާޕާސަން ހަބީބު (ވ) އާއި ސީއީއޯ އަދި މެނޭޖިން ޑިރެކްޓަރު މުހައްމަދު ޝަރީފު (މ): ބޭންކުގެ ސުކޫކަށް ގެރެންޓީ ދޭން ޖެހުނު ސަބަބެއް ނުބުނޭ --- ފޮޓޯ: ބީއެމްއެލް

ބޭންކް އޮފް މޯލްޑިވްސް (ބީއެމްއެލް) އިން ބޭރުގެ އިންވެސްޓަރުންނަށް ވިއްކަން މަސައްކަތްކުރަމުން އަންނަ 300 މިލިއަން ޑޮލަރުގެ ސުކޫކަށް ސޮވްރިން ގެރެންޓީއެއް ދިނުމަށް ސަރުކާރުން ނިންމައިފި އެވެ.

މިކަން ހާމަކޮށް އަންނަ އަހަރަށް ހުށަހަޅާފައިވާ ބަޖެޓުގައި ފިނޭންސް މިނިސްޓްރީން ބުނީ މި ސުކޫކަށް ގެރެންޓީ ދިނުމުން ދައުލަތުގެ ގެރެންޓީ ދީފައިވާ ދަރަނި އިތުރުވެގެން ދާނެ ކަމަށެވެ. މި ބަދަލާ ގުޅިގެން ފިނޭންސުން ވަނީ ގެރެންޓީ ދީފައިވާ ދަރަނީގެ ޓާގެޓު ވެސް މުރާޖައާކޮށްފަ އެވެ.

ސަރުކާރުން ކުރިން ނިންމާފައި އޮތީ 2028 ވަނަ އަހަރުގެ ނިޔަލަށް ގެރެންޓީ ދީފައިވާ ދަރަނި ޖީޑީޕީގެ ނިސްބަތުން 10 ޕަސެންޓަށް ތިރިކުރުމަށެވެ. ނަަމަވެސް އަންނަ އަހަރުގެ ބަޖެޓުގައި މި ޓާގެޓު މުރާޖާކޮށް، އާ ޓާގެޓަކީ ގެރެންޓީ ދީފައިވާ ދަރަނި ޖީޑީޕީގެ ނިސްބަތުން 15 ޕަސެންޓަށް ދަށްކުރުމެވެ.

ބަޖެޓު ފޮތުގައި ބަޔާންކޮށްފައިވާ ގޮތުގައި، ސަރުކާރުގެ މުހިންމު ފިސްކަލް އަމާޒަކަށް ބަދަލު ގެނައީ، ބޭންކިން ދާއިރާއަށް ސަރުކާރުން އެހީތެރިވެދިނުމުގެ ގޮތުން ކަމަށެވެ. 

މި ގޮތުން ބީއެމްއެލްގެ ސުކޫކުގެ ސަބަބުން، ބޭންކިން ދާއިރާ ފުޅާވެ، އިގުތިސޯދުގައި ފައިދާ ހުރި ޓޫރިޒަމް އިންވެސްޓްމަންޓުތަކަށް ފުރުސަތު ހުޅުވިގެން ދާނެ ކަމަށް ސަރުކާރުން ބުންޏެވެ. އަދި، މެދު ރާސްތާގައި ދައުލަތުގެ އާމްދަނީއަށް އެހީތެރިވެދޭނެ ކަަމަށް ވެސް ބުންޏެވެ. 

ބަޖެޓު ފޮތުގައިވާ ގޮތުގައި، ބީއެމްއެލް ސުކޫކާ ނުލައި އަންނަ އަހަރު ގެރެންޓީ ދަރަނި ހުންނާނެ ކަމަށް ފިނޭންސުން ލަފާކުރީ 7.5 ޕަސެންޓުގައި އެވެ. ނަމަވެސް މި ސުކޫކާއެކު މި ނިސްބަތް އަންނަ އަހަރު 13.5 ޕަސެންޓަށް އުފުލޭނެ އެވެ.

ސަރުކާރުން ބުނަނީ މި ފައިސާ ހަރަދުކުރުމަށް ރާވާފައި ވަނީ ރާއްޖޭގެ އުތުރުގައި ރިސޯޓު ތަރައްގީކުރުމަށް ފައިނޭންސް ކުރުމަށް ކަމަށެވެ. މި ފައިސާ ބޭނުންކޮށްގެން، އެ ސަރަހައްދުގައި އެނދު އިތުރުކުރެވި، އުތުރުގައި އިގުތިސޯދީ ހަރަކާތްތަކާއި ވަޒީފާގެ ފުރުސަތުތައް ފުޅާވެގެންދާނެ ކަމަށް ބަޖެޓު ފޮތުގައި ބުނެފައިވެ އެވެ.

ބީއެމްއެލްއިން ސުކޫކެއް ވިއްކަން އުޅޭކަން އިއުލާންކުރިއިރު ބުނީ، އެ ބޭންކުގެ ތާރީހުގައި ފުރަތަމަ ފަހަރަށް ބައިނަލްއަގުވާމީ ބާޒާރުން ފައިސާ ހޯދަން ނިންމީ، އީރާނު ހަނގުރާމައިގެ ސަބަބުން ޓޫރިޒަމަށް ލިބުނު ގެއްލުންތައް ފޫބެއްދުމަށް ކަމަށެވެ. އަދި، މި ފައިސާގެ ބޭންކުގެ ޑޮލަރު ތާށިކަމުގެ މައްސަލަތަކަށް "ނުސީދާ ހައްލެއް" ލިބޭނެ ކަމަށް ވެސް އެ ބޭންކުން ބުނެފައިވެ އެވެ.

ސަރުކާރުން ވަނީ މި ސުކޫކު ވިއްކައިގެން ލިބޭ އެއްވެސް ފައިސާއެއް ދައުލަތުގެ ބަޖެޓަށް ނުވަތަ ސަރުކާރުގެ ކޭޝްފްލޯ ހަމަޖައްސަން ބޭނުން ނުކުރާނެ ކަމަށް ބުނެފަ އެވެ. ކުރީގެ ފިނޭންސް މިނިސްޓަރު މޫސާ ޒަމީރު ވިދާޅުވީ، މިއީ ރާއްޖޭގެ އުތުރާއި ދެކުނުގައި ޓޫރިޒަމް ކުރިއަރުވަން ބީއެމްއެލްއާ ގުޅިގެން ކުރިއަށް ގެންދާ މަސައްކަތެއް ކަމަށެވެ. 

އޭރު ޒަމީރު މިހެން ވިދާޅުވިޔަސް، ބަޖެޓު ފޮތުގައި ސުކޫކުގެ ފައިސާ ދެކުނުގައި ޓޫރިޒަމް ތަރައްގީކުރުމަށް ބޭނުންކުރާނެ ވާހަކައެއް ބަޔާންކޮށްފައި ނެތެވެ.

ބީއެމްއެލްގެ ސުކޫކަށް ސަރުކާރުން ގެރެންޓީ ދޭއިރު، ގެރެންޓީ ދީފައިވާ ދަރަންޏަކީ ދައުލަތުގެ މާލިއްޔަތަށް އޮތް ބޮޑު ނުރައްކަލެއް ކަމަށް ވެސް ބަޖެޓު ފޮތުގައި ބަޔާންކޮށްފައި އެބައޮތެވެ. އަދި، މި ނުރައްކާ އަހަރުން އަހަރަށް ބޮޑު ވަމުންދާ ކަމަށް އިންޒާރުދީފައިވެ އެވެ.

ފިނޭންސުގެ ތަފާސްހިސާބުތަކުން ދައްކާ ގޮތުގައި މި އަހަރުގެ ޖޫން މަހުގެ ނިޔަލަށް ގެރެންޓީ ދީފައިވާ ދަރަނި ހުރީ، 19.1 ބިލިއަން ރުފިޔާގައި އެވެ. މިއީ ޖީޑީޕީގެ ނިސްބަތުން 15.4 ޕަސެންޓެވެ. އަދި، މީގެ 97 ޕަސެންޓަކީ ބޭރު ފައިސާއިން ނަގާފައިވާ ދަރަންޏެވެ. 

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox