100 އަށް ވުރެ ގިނަ އައުޓްލެޓުން ޑިސްކައުންޓް ލިބޭ ގޮތަށް ދިރާގު 'އެލީޓްކްލަބް+' ތައާރަފުކޮށްފި

Oct 28, 2026, 8:38 PM
ދިރާގުން  "އެލީޓްކްލަބް ޕްލަސް" (EliteClub+) ތައާރަފުކޮށްފި

ދިރާގުން "އެލީޓްކްލަބް ޕްލަސް" (EliteClub+) ތައާރަފުކޮށްފި

ދިރާގުގެ ހުރިހާ މޮބައިލް ކަސްޓަމަރުންނަށް 100 އަށް ވުރެ ގިނަ ތަނަކުން އަގުހުރި ފައިދާތަކާއި ޑިސްކައުންޓް ލިބޭ ގޮތަށް "ދިރާގު އެލީޓްކްލަބް+" މިއަދު ތައާރަފުކޮށްފި އެވެ.

މި ޕްރޮގްރާމް އިފްތިތާހުކުރީ ދިރާގު ހެޑް އޮފީހުގައި ބޭއްވި ހާއްސަ ނޫސްވެރިންގެ ބައްދަލުވުމެއްގަ އެވެ.

މި ބައްދަލުވުމުގައި ވަނީ ރާއްޖޭގެ އެކި ސަރަހައްދުތަކުގައި ދިރާގުން ބެހެއްޓި ދޮރުތަކުގެ ހަގީގަތް ހާމަކޮށްފަ އެވެ. އާންމުންގެ ބޮޑު ސަމާލުކަމެއް ލިބުނު މި ދޮރުތަކަކީ އެލީޓްކްލަބް+ މެދުވެރިކޮށް ކަސްޓަމަރުންނަށް ހުޅުވިގެންދިޔަ ފުރުސަތުތައް ރަމްޒުކޮށްދޭ ދޮރުތަކެކެވެ.

Advertisement

ދިރާގުގެ ޑިރެކްޓަރު ބްރޭންޑް އެންޑް މާކެޓިން ކޮމިއުނިކޭޝަންސް މުހައްމަދު މިރުޝާން ހަސަން ވިދާޅުވީ ކުރިން ވަކި ބަޔަކަށް ދައުވަތު ދީގެން ހިންގި މި ހިދުމަތް މިހާރު ހުރިހާ ކަސްޓަމަރުންނަށް ހުޅުވާލާފައިވާ ކަމަށެވެ. އަދި މީގެ މަގުސަދަކީ ޕާޓްނަރުންނާ ގުޅިގެން ކަސްޓަމަރުންގެ ދިރިއުޅުމަށް އިތުރު ފުރިހަމަކަމާއި އުފާވެރިކަން ގެނެސްދިނުން ކަމަށް އޭނާ ވިދާޅުވި އެވެ.

މި ޕްރޮގްރާމްގެ ދަށުން ރީލޯޑްކުރުމާއި ބިލަށް ފައިސާ ދެއްކުމުން އަދި އެޑް-އޮން ނެގުމުން ޕޮއިންޓް ލިބޭނެ އެވެ. އަދި ޕޮއިންޓްތަކަށް ބަލައި ބްރޮންޒް، ސިލްވާ، ގޯލްޑް އަދި ޕްލެޓިނަމްގެ މެމްބަޝިޕް ކާޑު ލިބޭއިރު، ޕޮއިންޓް ރިޑީމްކޮށްގެން ހިލޭ ޑޭޓާ އާއި ގިފްޓް ކާޑު ފަދަ އިނާމުތައް ހޯދޭނެ އެވެ.

ކުރިން އެލީޓްކްލަބްގައި ތިބި މީހުން އޮޓޮމެޓިކުން މި އައު ޕްރޮގްރާމަށް ބަދަލުވާނެ އެވެ. އެހެން ކަސްޓަމަރުންނަށް ދިރާގު އެޕް މެދުވެރިކޮށް ބައިވެރިވެވޭއިރު، އަލަށް ގުޅޭ ކޮންމެ މީހަކަށް މަރުހަބާ ކިޔުމުގެ ގޮތުން 100 ޕޮއިންޓް ލިބޭނެ އެވެ.

މި ޕްރޮގްރާމާ ގުޅޭ އިތުރު މައުލޫމާތު ދިރާގުގެ ވެބްސައިޓް https://www.dhiraagu.com.mv/personal/lifestyle/elite-club މެދުވެރިކޮށް ލިބެން ހުންނާނެ އެވެ.

ދިރާގުން ބުނީ ކަސްޓަމަރުންގެ އަގުވަޒަންކުރުމަށް އެ ކުންފުނިން އަބަދުވެސް ހާއްސަ އިސްކަމެއް ދޭ ކަމަށެވެ. އެގޮތުން އެލީޓް ޕާޓްނަރުންނާ ގުޅިގެން ކަސްޓަމަރުންނަށް އިތުރު ފައިދާތައް ހޯދައިދީ، ދެމެދުގައި އޮތް ގުޅުން ވަރުގަދަކުރަން ދަނީ މަސައްކަތް ކުރަމުންނެވެ.

ކޮމެންޓް

ފަހުގެ ޚަބަރު

ބީއެމްއެލް ކާނިވާ 44 ސެންޓްރަލް ޕާކުގައި

ބޭންކް އޮފް މޯލްޑިވްސްގެ 44 ވަނަ އަހަރީ ދުވަސް ފާހަގަކުރުމަށް "ބީއެމްއެލް ކާނިވާ 44" ނޮވެމްބަރު 11 އިން 14 އަށް ހުޅުމާލެ ސެންޓްރަލް ޕާކުގައި ބޭއްވުމަށް ވަނީ ނިންމާފައެވެ. ޔޫރޯ ސްޓޯރުން ފުރަތަމަ ފަހަރަށް ބައިވެރިވާ މި ކާނިވަލުގައި ތަފާތު ކާބޯތަކެތީގެ އިތުރުން މުނިފޫހިފިލުވުމުގެ ގިނަ ހަރަކާތްތަކެއް އާއިލާތަކަށް އަމާޒުކޮށްގެން ކުރިއަށްދާނެއެވެ.

މީރާގެ ރައްދު ގަވަރުނަރަށް: ރިސޯޓުތައްވެސް އޮޑިޓުކުރަން

ރިސޯޓުތަކުން ޓެކްސް ދައްކާ މިންވަރު މަދުވުމުން އެ ތަންތަން އޮޑިޓްކުރަން ގަވަރުނަރު ގޮވާލެއްވުމާ ގުޅިގެން، މީރާއިން ވަނީ ވަކި އުސޫލެއްގެ ދަށުން ހުރިހާ ދާއިރާއެއްގެ ވިޔަފާރިތައްވެސް އޮޑިޓްކުރަމުންދާ ކަމަށް ބުނެ ރައްދުދީފައި. މީރާއިން ބުނިގޮތުގައި ޓެކްސް ގާނޫނުތައް ތަންފީޒުކުރުމުގައި ހުރިހާ ފަރާތްތަކަކަށްވެސް އަމަލުކުރަނީ ހަމަހަމަ އުސޫލަކުން.

ދިރާގުޕޭ ކަސްޓަމަރުންނަށް މާދަމާ އެންމެ ރުފިޔާއަކަށް ބޯބާއެއް

ދިރާގުޕޭ ބޭނުންކުރާ ކަސްޓަމަރުންނަށް އެންމެ ރުފިޔާއަކަށް ބޯބާ ލިބޭ ހާއްސަ ޕްރޮމޯޝަނެއް މާދަމާ ހެނދުނު 10:00 އިން ފެށިގެން ވިކްޓޯރިއަސް ކެފޭގައި ކުރިއަށްދާނެއެވެ. ފުރަތަމަ 1,000 ކަސްޓަމަރުންނަށް ހުޅުވާލާފައިވާ މި އޮފާގައި ދިރާގުޕޭގެ މިހާރުގެ ކަސްޓަމަރުންނާއި އަލަށް ރަޖިސްޓްރީވާ ފަރާތްތަކަށްވެސް ބައިވެރިވެވޭނެއެވެ.

އެމްއައިބީގެ އީޖީއެމްގައި ބޯޑަށް ދެ މެންބަރަކު އައްޔަންކޮށްފި

މޯލްޑިވްސް އިސްލާމިކް ބޭންކް (އެމްއައިބީ) ގެ ބޯޑުގައި ހުސްވެފައިވާ މަގާމުތަކަށް ހަސަން މަހޫދު އާއި އިޔާޒު ވަހީދު މިއަދު ބޭއްވި ހާއްސަ އާންމު ޖަލްސާގައި އައްޔަންކޮށްފިއެވެ. "ފަހިވޯޓު" މެދުވެރިކޮށް ބޭއްވި މި ޖަލްސާގައި ބޭންކުގެ 71.73 އިންސައްތަ ހިއްސާދާރުން ބައިވެރިވެފައިވާއިރު، އަލަށް އައްޔަންކުރި މެންބަރުންނަކީ މާލީ އަދި އިގްތިސާދީ ދާއިރާގެ ތަޖުރިބާކާރު ބޭފުޅުންނެވެ.

ޓޯޓަލް ފިޒިއޯގެ އަހަރީ ދުވަހާ ގުޅުވައިގެން ހާއްސަ ޕްރޮމޯޝަނެއް

ނޮވެމްބަރު 9 އިން 30 އަށް ކުރިއަށްދާ މި ޕްރޮމޯޝަންގެ ދަށުން ކޮންމެ ބަލިމީހަކަށްވެސް އެކަށީގެންވާ ވަގުތާއި ސަމާލުކަން ދީގެން ފަރުވާ ފޯރުކޮށްދިނުމަށް ވަނީ އަމާޒު ހިފާފައެވެ. މި ޕެކޭޖް ބޭނުންކުރުމުގެ ކުރިން ހަދަންޖެހޭ އިނީޝަލް ކޮންސަލްޓޭޝަނަށް ވަކިން ފީއެއް ނަގާނެއެވެ.

ވިލާ ކޮލެޖުން ކްރިމިނަލް ޖަސްޓިސް ޕްރޮގްރާމް ތައާރަފުކޮށްފި

ވިލާ ކޮލެޖުން ޖިނާއީ އަދާލަތުގެ ދާއިރާއިން މީހުން ބިނާކުރުމަށްޓަކައި ތިން އަހަރު ދުވަހުގެ 'ބެޗެލަރ އޮފް ކްރިމިނަލް ޖަސްޓިސް' ޕްރޮގްރާމް އަލަށް ތައާރަފުކޮށްފިއެވެ. އަންނަ ޖެނުއަރީ މަހު ފެށުމަށް ހަމަޖެހިފައިވާ މި ކޯހުގައި ކްރިމިނޮލޮޖީއާއި ފޮރެންސިކް ސައިންސް ފަދަ މުހިންމު މާއްދާތައް އަމަލީ ހުނަރާއެކު އުނގަންނައިދޭނެއެވެ.

ބްލޫ މެރީނާ ވިއު: 120 މިލިއަން ރުފިޔާގެ ބޮންޑެއް ހުޅުވާލައިފި

ހުޅުމާލޭގެ ދެވަނަ ފިޔަވަހީގައި އާރްސީސީން ތަރައްގީކުރާ "ބްލޫ މެރީނާ ވިއު" މަޝްރޫއަށް ބޭނުންވާ 120 މިލިއަން ރުފިޔާ ހޯދުމަށްޓަކައި، 5 އަހަރުގެ މުއްދަތަށް ޚާއްސަ ބޮންޑެއް ވިއްކަން ފަށައިފިއެވެ. އަހަރަކު 8.5 ޕަސެންޓުގެ ފައިދާ ލިބޭ މި ބޮންޑުގައި އިންވެސްޓްކުރުމުގެ ފުރުސަތު އެންމެ ކުޑަވެގެން 10،000 ރުފިޔާއިން ފެށިގެން މިހާރު ވަނީ ހުޅުވާލާފައެވެ.

Newsletter

Get the latest news delivered straight to your inbox