މެލަންއާ ގުޅުވައި "ޖޯކު" ޖެހުމުން އެލްބަނީޒް ހޫނުފެނަށް
ޖަޕާނުގެ ވަޒީރަކު ހަދިޔާކުރެއްވި މެލަންތަކަކާ ގުޅުވައިގެން އޮސްޓްރޭލިއާގެ ބޮޑުވަޒީރު އެންތަނީ އެލްބަނީޒް ދެއްކެވި ވާހަކަތަކަކީ އަންހެނުންނަށް އިހާނެތި ބަސްތަކެއް ކަމަށް ބުނެ އޭނާއަށް ބޮޑެތި ފާޑުކިޔުންތަކެއް އަމާޒުވެއްޖެއެވެ. ޕޮޑްކާސްޓެއްގައި ދެއްކެވި މި ވާހަކަތަކުގެ ސަބަބުން ދެ ގައުމުގެ ގުޅުމަށް ބުރޫއަރާފާނެ ކަމަށް ބުނެ، ޖަޕާނުގެ ކުރީގެ ސަފީރާއި އިދިކޮޅު ފަރާތްތަކުން ދަނީ ބޮޑުވަޒީރު މާފަށް އެދުމަށް ގޮވާލަމުންނެވެ.
