ކުޑަކުޑަ ކަމަދޫގެ ހިތްގައިމުކަން ކުޑައެއް ނޫން

ކަމަދޫގައި ކުޑަ ދެ ކުދިން، އެ ކުދިން ދުއްވާ ބައިސްކަލް ސާފު ކުރަނީ. މި ރަށުގެ ސްކޫލުގައި ގްރޭޑު 10 އާ ހަމައަށް ކިޔަވައިދޭ. -- ފޮޓޯ: މުހައްމަދު ޝަހުޒާން/ އަދަދު

ބ. އަތޮޅުގައި އޮންނަ ކުޑަކުޑަ ކަމަދޫގައި މިދިޔަ ހަފުތާ ބަންދުގައި އަންހެނުން ތަނެއް މަގު ކުނިކަހަނީ. ގާތްގަނޑަކަށް 16 ހެކްޓަރުގެ، ބިން ތިރި، ފެންތިލަ މި ރަށުގެ އާބާދީ އަކީ ގާތްގަނޑަކަށް 550. -- ފޮޓޯ: މުހައްމަދު ޝަހުޒާން/ އަދަދު

ކަމަދޫ ކުޑަ ކުއްޖަކު، އޮކްޓޯބަރު 12، 2023 ވަނަ ދުވަހުގެ ހަވީރު، އެ ކުއްޖާ ގެންގުޅޭ ކުޅޭކުޅޭ ރިމޯޓު ޖީޕް މަގުމަތީގައި ދުއްވަނީ. އާބާދީ މަދު، މަގުމަތީގައި ދުއްވާ ވެހިކަލްތައް މަދު މި ރަށުގެ މާހައުލުން ފެންނަމުން ދަނީ އަމާން ކަމާއި ހިމޭންކަން. -- ފޮޓޯ: މުހައްމަދު ޝަހުޒާން/ އަދަދު

ކަމަދޫ މަގުމަތީގެ ވިނަތައް އޮކްޓޯބަރު 12، 2023 ގައި ބިދޭސީއަކު ނޮޅަމުން ދަނީ. ކުޑަކުޑަ ރަށަކަށް ވިޔަސް، ފެންތިލަ ބިންގަނޑު ރަނގަޅު ރަށަކަށް ވުމާއެކު ރަށުގެ ނިސްބަތުން ދަނޑުވެރިކަން ކުރާ މީހުން ގިނަ. މި ރަށުގައި އެކި ބާވަތްތަކުގެ ތަރުކާރީ ހައްދާއިރު، ގިނަ އަދަދަކަށް ފަތްކެޔޮ ވެސް ހައްދާ. -- ފޮޓޯ: މުހައްމަދު ޝަހުޒާން/ އަދަދު

ގަސް ބޯ މި ރަށުގެ ގެތަކުގެ ބޭރުގައި ބަގީޗާ ގަސްތައް ހައްދާފައިވާއިރު، އެ މަންޒަރުން ރަށަށް ޒިޔާރަތްކުރާ މީހުންނަށް ހިތްގައިމުކަން ގެނެސްދޭ. އަދި ގިނަ ބަޔަކު ފޮޓޯ ނަގައި، ސޯޝަލް މީޑިއާއަށް ވެސް މި މަންޒަރުތައް ދަނީ ހިއްސާކުރަމުން. -- ފޮޓޯ: މުހައްމަދު ޝަހުޒާން/ އަދަދު

މިއީ ކަމަދޫ ސިއްހީ މަރުކަޒު. އާންމު ހިދުމަތްތައް މިރަށުގައި ވަނީ ގާއިމުކޮށްފައި. ފެނާއި ނަރުދަމާ، ކަރަންޓުގެ ހިދުމަތް ގާއިމުކޮށްފައި ވާއިރު، ބަނދަރު ވެސް ރަނގަޅު ފެންވަރަކަށް ހަދާފައި. -- ފޮޓޯ: މުހައްމަދު ޝަހުޒާން/ އަދަދު

ކަމަދޫގައި ޓޫރިސްޓުންތަކެއް ހިނގާފައި ބީޗު ސަރަހައްދަށް ދަނީ. މި ރަށުގައި މިހާރު ހުރި 13 ގެސްޓުހައުސްގައި 96 ކޮޓަރި އެބަ ހުރި. އެއީ 230 އެނދު. މި ރަށުގެ މާހައުލާއި ފަރާއި ފަޅު ޓޫރިސްޓުން ގަޔާވާ ތަނަކަށް ވަނީ ވެފައި. ޒިޔާރާތްކުރާ ޓޫރިސްޓުންގެ އަދަދު އަހަރުން އަހަރަށް އިތުރުވާއިރު، ގެސްޓުހައުސްތަކާއި އާންމު އެހެން ވިޔަފާރިތައް ވެސް އަންނަނީ ފުޅާވަމުން. -- ފޮޓޯ: މުހައްމަދު ޝަހުޒާން/ އަދަދު

ކަމަދޫ މާހައުލު ކަމުދަނީ ހަމައެކަނި އެ ރަށަށް ޒިޔާރަތްކުރާ ފަތުރުވެރިންނާއި ދިވެހިންނަކަށް ނޫން. މި ފޮޓޯއިން އެ ފެންނަނީ އެރަށުގެ މަގެއްގައި ދަނޑިފުޅި ދޫންޏެއް ބިސްއަޅައިގެން އޮތް މަންޒަރު. މި ދޫންޏަކީ އާންމުކޮށް ރާއްޖޭން ފެންނަ ދޫންޏެއް. -- ފޮޓޯ: މުހައްމަދު ޝަހުޒާން/ އަދަދު

ރިސޯޓަށް ވިއްކަން ގެންދާ ފަންބޮޑިތަކެއް ދޯންޏަކަށް އަރަވަނީ. ކަމަދޫއަކީ ޒަމާނުއްސުރެ ވެސް ފަންގި ވިނުމުގައި މަޝްހޫރު ރަށަކަށް ވިޔަސް، މިހާރު އެ މަސައްކަތްކުރާ މީހުންގެ އަދަދު ވަނީ ވަރަށް މަދުވެފައި. -- ފޮޓޯ: މުހައްމަދު ޝަހުޒާން/ އަދަދު

ކަމަދޫ މަގެއްގެ މަތި ބިދޭސީއަކު ސާފުކުރަނީ. މި ރަށުގެ އުމްރާނީ ތަރައްގީ އާއި ގެސްޓުހައުސްގެ ވިޔަފާރި ފުޅާވަމުން އަންނައިރު، ބިދޭސީންގެ އަދަދު ވެސް ވަނީ އިތުރުވެފައި. -- ފޮޓޯ: މުހައްމަދު ޝަހުޒާން/ އަދަދު

ކަމަދޫ ބަނދަރު މަތީގައި، ހޯކްސްއިން ހަދާފައިވާއިރު ކްލާކްސް އެގްޒޯޓިކާ: މިއީ ހިތްގައިމު ޗުއްޓީއެއް ހޭދަކޮށްލަ ފުރިހަމަ ތަނެއް. ބ. އަތޮޅުގެ ހިތްގައިމު މާހައުލު ތަޖުރިބާކޮށްލަން މި ހޮޓަލަށް ޒިޔާރަތް ކުރުމަށް ރަނގަޅު ޕެކޭޖްތަކެއް ވަނީ ތައާރަފުކޮށްފަ. -- ފޮޓޯ: މުހައްމަދު ޝަހުޒާން/ އަދަދު

ކަމަދު ބަޔަކު ގެ އިމާރާތްކުރުމުގެ މަސައްކަތް ކުރާއިރު، ކުޑަ ކުއްޖަކު އަތް ގާތްކޮށްދިނުމަށް މަސައްކަތް ކުރަނީ. މި ރަށުގެ އުމްރާނީ މަސައްކަތްތައް ވަނީ ގިނަވެފައި. -- ފޮޓޯ: މުހައްމަދު ޝަހުޒާން/ އަދަދު

ކަމަދޫގެ ހިތްގައިމު، ދޮންވެލި ބީޗު މި ރަށުގެ ވަށައިގެން ވެސް ދޮންވެލި ގޮނޑުދޮށް އޮތްއިރު، ޓޫރިސްޓުނަށް ހާއްސަ ބީޗެއް ހަދާފައިވޭ. އަދި ރަށް ޒިޔާރަތްކުރާ ކޮންމެ ޓޫރިސްޓެއްގެ އަތުން "މުނިސިޕަލް ފީ"އެއްގެ ގޮތުަގއި އެއް ޑޮލަރު ކައުންސިލަށް ދަނީ ނަގަމުން. އެ ރަށުގެ ޓޫރިސްޓު ބީޗު އަބަދު ވެސް އޮންނަނީ ސާފުކޮށް. ޓޫރިސްޓުން އެ މާހައުލުން ހިތްގައިމުކަން ހޯދަން އަބަދު ވެސް އެތަނުގައި ހޭދަކުރަމުން ދޭ. -- ފޮޓޯ: އަދަދު