ފޮޓޯ: "މަޖީދީ ރަން"ގެ އުފާވެރި 95 ގަޑިއިރު

މެއި 15، 2022: މަޖީދީ ރަން ގައި ފަސްޓް ލޭޑީ ފަޒްނާ އަހްމަދު ދުވެވަޑައިގަންނަވަނީ. މި ހަރަކާތުގައި އެ ސްކޫލުން ތައުލީމު ހާސިލުކުރި މީހުންނާއި ދައުލަތުގެ އިސް މަގާމުތަކުގައި ތިއްބެވި ގިނަ ބަޔަކު ބައިވެރިވި --- ފޮޓޯ: އަބްދުﷲ އިޔާން/އަދަދު

މެއި 15، 2022: މަޖީދީ ރަންގައި ބައިވެރިވި އެ ސްކޫލްގެ މުސްކުޅި ދަރިވަރަކު މަޖީދިއްޔާގެ ލޯގޯ ދައްކާލަނީ. ރާއްޖޭގެ އެންމެ ގިނަ ދުވަސްވީ ސްކޫލަށް ގަރުނެއް ފުރެން ބާކީ އޮތީ ފަސް އަހަރު --- ފޮޓޯ: އަބްދުﷲ އިޔާން/އަދަދު

މެއި 18، 2022: މަޖީދިއްޔާ ސްކޫލްގެ މުސްކުޅި ދަރިވަރުންތަކެއް ދުވުމުގައި ބައިވެރިވުމަށް ފަހު ސެލްފީއެއް ނަގަނީ. މަޖީދިއްޔާ ސްކޫލުގެ ފެށުމަކީ 19 އޭޕްރިލް 1927 ގައި މަދަރުސަތުއް ސަލާހިއްޔާގެ ނަމުގައި ކިޔަވައިދޭން ފެށި މަދަރުސާ --- ފޮޓޯ: އަބްދުﷲ އިޔާން/އަދަދު

މެއި 15، 2022: މަޖީދިއްޔާ އިން ކުރިއަށް ގެންދިޔަ 95 ގަޑިއިރުގެ ދުވުމުގައި އެ ސްކޫލުގެ ބައެއް މުސްކުޅި ދަރިވަރުން ދުވަނީ. މި ދުވުން އެ ސްކޫލުން ހުއްޓާނުލައި 95 ގަޑިއިރު ކުރިއަށްދިޔަ --- ފޮޓޯ: އަބްދުﷲ އިޔާން/އަދަދު

މެއި 15، 2022: ރާއްޖޭގައި އުފެދުނު އެންމެ ފުޓްބޯޅަ ކުޅުންތެރިޔާ އަލީ އަޝްފާގު (ދަގަނޑޭ) މަޖީދީ ރަންގައި ދުވަނީ. ރާއްޖޭގައި ފާހަގަކޮށްލެވޭ ގިނަ ފިރިހެން އެތުލީޓުން ތައުލީމް ހާސިލްކުރީ މަޖީދިއްޔާ ސްކޫލުން --- ފޮޓޯ: އަބްދުﷲ އިޔާން/އަދަދު

މެއި 17، 2022: ހޯމް އެޑިއުކޭޝަން މިނިސްޓަރު ޑރ. އައިޝަތު އަލީ، ހޯމް މިނިސްޓަރު އިމްރާން އަބްދުﷲ، އިސްލާމިކް މިނިސްޓަރު ޑރ. އަހްމަދު ޒާހިރު އަލީ އަދި ޑިފެންސް މިނިސްޓަރު މާރިޔާ އަހްމަދު ދީދީ ދުވެވަޑައިގަންނަވަނީ --- ފޮޓޯ: އަބްދުﷲ އިޔާން/އަދަދު

މެއި 17، 2022: މަޖީދީ ރަން ނިންމުމުގެ ރަސްމިއްޔާތުގައި ސްޓެލްކޯގެ އެމްޑީ އަހްމަދު ޝަރީފް ދުވަނީ. ދައުލަތުގެ އިސް މަގާމުތަކުގައި ތިއްބެވި ގިނަ އަދަދެއްގެ ބޭފުޅުން މި ދުވުމުގައި ބައިވެރިވެވަޑައިގެންނެވި ---ފޮޓޯ: އަބްދުﷲ އިޔާން/އަދަދު

މެއި 17، 2022: މަޖީދީ ރަންގެ ބައިވެރިންތަކެއް ދުވަނީ. 2011 އިން ފެށިގެން އެ ސްކޫލުގައި ދެ ޖިންސުގެ ދަރިވަރުންނަށް އަންނަނީ ކިޔަވައިދެމުން. މި ދުވުމުގައި އެ ސްކޫލުގައި މިހާރު ތައުލީމް ހާސިލުކުރާ ދަރިވަރުން ބައިވެރިވި --- ފޮޓޯ: އަބްދުﷲ އިޔާން/އަދަދު

މެއި 17، 2022: މަޖީދިއްޔާ ސްކޫލްގެ ދަރިވަރުންތަކެއް އެ ސްކޫލަށް 95 އަހަރު ފުރުން ފާހަގަކުރުމަށް ބޭއްވި ދުވުން ނިންމާލުމުގެ ރަސްމިއްޔާތުގައި ބައިވެރިވަނީ. އެ ސްކޫލުގެ 100 ވަނަ އަހަރީ ދުވަހަށް ކައުންޓްޑައުން ވެސް މިހާރު ވަނީ ފަށާފައި --- ފޮޓޯ: އަބްދުﷲ އިޔާން/އަދަދު

މެއި 17، 2022: ރައްޔިތުންގެ މަޖިލީހުގެ ރައީސް މުހައްމަދު ނަޝީދު މަޖީދީ ރަންގައި ދުވެވަޑައިގަންނަވަނީ. ރާއްޖޭގެ ރައީސްކަން ކުރެއްވި ގިނަ ބޭފުޅުންނަކީ މަޖީދިއްޔާ ސްކޫލުން ކިޔަވައިވަޑައިގެންނެވި ބޭފުޅުން --- ފޮޓޯ: އަބްދުﷲ އިޔާން/އަދަދު

މެއި 17، 2022: މަޖީދި ރަން ނިންމުމަށް ބޭއްވި ރަސްމިއްޔާތުގެ ތެރެއިން. މަޖީދިއްޔާ ސްކޫލުގެ ރަންޔޫބީލް ފާހަގަކުރީ 1977 ވަނަ އަހަރު. 2027 ވަނަ އަހަރު އެ ސްކޫލަށް 100 އަހަރު ފުރުން ފާހަގަކުރާނެ --- ފޮޓޯ: އަބްދުﷲ އިޔާން/އަދަދު

މެއި 17، 2022: މަޖީދިއްޔާ ސްކޫލްގެ ކެޕްޓަން މަޖީދީ ރަންގެ ދަންމަރު ރައީސް އިބްރާހިމް މުހައްމަދު ސޯލިހު އަށް އަރުވަނީ. ރާއްޖޭގެ ރައީސްކަން ކުރެއްވި ގިނަ ބޭފުޅުން ތައުލީމު ހާސިލުކުރީ މަޖީދިއްޔާ އިން --- ފޮޓޯ: އަބްދުﷲ އިޔާން/އަދަދު