ފޮޓޯ؛ ހިޔާ ސަރަހައްދުގެ ކުނީގެ މައްސަލަ؛ ބޮޑު ތަކުލީފެއް

އެޕްރީލް 10، 2022: ހިޔާ ފްލެޓު ސަރަހައްދުގައި ކުނިތަކެއް ޖަމާކޮށްފައި. މި ކުނިތަކުގެ ތެރެއިން ގިނައީ ހިޔާ ފްލެޓުތައް ލިބުނު މީހުން އެ ފްލެޓުތައް ހެދުމަށް ގެނައި ސާމާނުގެ ކުނި. މިފަދަ ގޮތަކަށް ކުނި އުކާނުލައި ބެހެއްޓުމަކީ ސިއްހީ ގޮތުން ވެސް ރައްކާތެރިކަމެއް ނޫން --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: ފްލެޓުތަކުގެ ބޭރުގައި ކުނީގެ ފަރުބަދަތަކެއް. މިދިޔަ އަހަރުގެ އޮކްޓޯބަރުން މިއަހަރުގެ މާޗާ ހަމައަށް މި ސަރަހައްދު ސާފުކުރީ އެޗްޑީސީން. ހިޔާގެ ކޮންމެ ޓަވަރެއްގައި 2،400 އެއްހާ މީހުން އުޅޭނެ ކަމަށް ބެލެވޭއިރު ކުނި ނެގޭނެ ރަނގަޅު ނިޒާމެއް ގާއިމުކުރެވިފައެއް ނުވޭ --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: ކުނީގެ މައްސަލަ ބޮޑުވެ އާންމުންގެ ޝަކުވާތައް ވަނީ އިތުރުވެފައި. ވެމްކޯއަށް ހަވާލުކޮށްފައި ވަނީ ގޭގެއިން ނެރޭ ފަސޭހައިން ނައްތާލެވޭ ކުނި ނެގުމަށް. ކުރިން ކުނި އެޅި ސަރަހައްދުތަކަށް ކުނި އެޅުން މިހާރު ވަނީ މަނާކޮށްފައި --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: މި ސަރަހައްދުގައި ކުނިތައް އިތުރުވެ ބައެއް ޖަމިއްޔާތަކުން ވެސް ކުނި ސާފުކުރުމުގެ ޕްރޮގްރާމްތައް ކުރިއަށް ގެންގޮސްފައިވޭ. އެގޮތުން ދާދިފަހުން ބީއެމްއެލް އިން ވެސް ފޭސް 2 ސާފުކުރުމުގެ ހަރަކާތެއް ކުރިއަށް ގެންދިޔަ --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: ވެމްކޯގެ ޑަސްބިންތަކެއް ކުނި ޖަމާކުރާ ސަރަހައްދެއްގައި ބަހައްޓާފައި. މި މަހުގެ ފުރަތަމަ ދުވަހުން ފެށިގެން ފްލެޓުތަކުން ނެރޭ ކުނި އެބަޔަކު އަމިއްލައަށް ވެމްކޯ މެދުވެރިކޮށް އުކާލުމަށް އެޗްޑީސީން އެންގި ނަމަވެސް އެގޮތަށް އަމަލު ނުކުރާ މީހުން ގިނަ --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: މިދިޔަ އަހަރުގެ އޮކްޓޯބަރުން މިއަހަރުގެ މާޗާ ހަމައަށް މި ސަރަހައްދު ސާފުކުރީ އެޗްޑީސީން. ހިޔާގެ ކޮންމެ ޓަވަރެއްގައި 2،400 އެއްހާ މީހުން އުޅޭނެ ކަމަށް ބެލެވޭއިރު ކުނި ނެގޭނެ ރަނގަޅު ނިޒާމެއް ގާއިމުކުރެވިފައެއް ނުވޭ --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: ގިނަ އަދަދެއްގެ ޕްލާސްޓިކު ކުނި ވެސް މި ސަރަހައްދަށް ވަނީ އުކާލާފައި. ރާއްޖެއިން ޕްލާސްޓިކު ކުނި މަދުކުރުމަށް އަމާޒުކޮށް ސަރުކާރުން ގިނަ ކަންކަން ފަށާފައިވާއިރު މި ސަރަހައްދުން އެ މަސައްކަތް ފަށަން ޖެހޭ --- ފޮޓޯ: އަބްދުﷲ އިޔާން/އަދަދު

އެޕްރީލް 10، 2022: ހިޔާ ފްލެޓުތަކަށް ދާން ހަދާފައިވާ މަގުތަކުގެ އެއް ކައިރީގައި ޕާކުކޮށްފައިވާ ތިބި ސައިކަލުތަކުގެ ކުރިމަތީ ކުނި ފުންޏެއް ޖަހާފައި. ފުލެޓްތަކުގައި މަސައްކަތް ކުރަމުންދާ މީހުން، މި މަސް ފެށުމުން ކަނޑައަޅާ ސަރަހައްދުތަކަށް ކުނި ޖަމާކުރުމަށް އެންގި ނަމަވެސް އެގޮތަށް އަމަލުނުކުރާކަން ފާހަގަކުރެވޭ --- ފޮޓޯ: އަބްދުﷲ އިޔާން