ފޮޓޯ: ތިމަރަފުށިން ފުޓްސަލްގެ ރަސްކަން ދިފާއުކުރުން

މާޗް 30، 2022: ސޮނީ ސްޕޯޓްސް ގޯލްޑަން ފުޓްސަލް ޗެލެންޖު 2022 ގެ ފައިނަލްގައި ގާފަރު އަދި ތިމަރަފުށި ބައްދަލުކުރި މެޗުގެ ޝަރަފުވެރި މެހެމާނު ދަނޑަށް ހާޒިރުވަނީ. ޖުމްލަ 91 ޓީމާއެކު ކުޅުނު މި މުބާރާތުގައި 177 މެޗު ކުޅުނު. މި ފަހަރު ވެސް ފުރަތަމަ އަތޮޅު ބުރެއް ކުޅުމަށް ފަހު ޒޯން ބުރަށް ފަހު ޒޯން ޗެމްޕިއަނުން ކުޅުނީ ފައިނަލް ބުރުގައި. ގާފަރު ބަލިކޮށް ފުޓްސަލްގެ ރަސްކަން އެންމެ ފަހުގެ ޗެމްޕިއަން ތިމަރަފުށިން ދިފާއުކުރި --- ފޮޓޯ: އަބްދުﷲ އިޔާން/އަދަދު

މާޗް 30، 2022: ފައިނަލް މެޗުގެ ކުރިން މުބާރާތުގެ ޗެމްޕިއަން ޓްރޮފީ ދައްކާލަނީ. ޖުމްލަ 91 ޓީމު ބައިވެރިވި މި ފަހަރުގެ މުބާރާތުގެ ޗެމްޕިއަންކަން ތިމަރަފުށިން ހޯދިއިރު، މިއީ އެ ޓީމުން ތަށި އުފުލާލި ތިން ވަނަ ފަހަރު. --- ފޮޓޯ: އަބްދުﷲ އިޔާން/އަދަދު

މާޗް 30، 2022: ފައިނަލް މެޗުގެ ރެފްރީން ދަނޑަށް އަރަނީ. ގޯލްޑަން ފުޓްސަލް ޗެލެންޖް ހަ ވަނަ ފަހަރަށް ބޭއްވިއިރު، މި ފަހަރު ވަނީ މުބާރާތުގެ އެންމެ މޮޅު ރެފްރީ ހޮވާފައި. އެންމެ މޮޅު ރެފްރީ އަކަށް ހޮވުނީ އަހުމަދު މުނީރު --- ފޮޓޯ: އަބްދުﷲ އިޔާން/އަދަދު

މާޗް 30، 2022: ފައިނަލް މެޗުގެ ކުރިން ގާފަރު އަދި ތިމަރަފުށީގެ ކުޅުންތެރިން ވެސް ހުޅުމާލޭ ރެހެންދި ފުޓްސަލް ދަނޑު މަތީގައި އެތުރިލައިގެން. ފުރިހަމަ ވަގުތު ހަމަވިއިރު، ދެ ޓީމު އޮތީ 2-2 އިން އެއްވަރުވެފައި. ޕެނަލްޓީގައި ތިމަރަފުށި މޮޅުވީ 3-2 އިން. --- ފޮޓޯ: އަބްދުﷲ އިޔާން/އަދަދު

މާޗް 30، 2022: ތިމަރަފުށީގެ އަސްވަދު (ގަބޭ) ގާފަރު ކުޅުންތެރިޔެއްގެ ކައިރިން ނައްޓާލުމަށް މަސައްކަތް ކުރަނީ. ފައިނަލް މެޗު އަދި މުޅި މުބާރާތުގެ ވެސް އެންމެ މޮޅު ކުޅުންތެރިޔަކަށް ހޮވުނީ ގަބޭ. --- ފޮޓޯ: އަބްދުﷲ އިޔާން/އަދަދު

މާޗް 30، 2022: ތިމަރަފުށީގެ އާދަމް ނާސިހު (އާދަންނަ) އަތުން ބޯޅަ ހޯދުމަށް ގާފަރުގެ ކުޅުންތެރިޔަކު މަސައްކަތް ކުރަނީ. ފައިނަލް މެޗުގައި ތިމަރަފުށިން ޖެހި ދެ ލަނޑުގެ ތެރެއިން އެއް ލަނޑު ކާމިޔާބުކޮށްދިނީ އާދަންނަ --- ފޮޓޯ: އަބްދުﷲ އިޔާން/އަދަދު

މާޗް 30، 2022: ތިމަރަފުށީގެ އަލީ ޝިފާއު (ރޮނާ) ހަމަލާއެއް ފޮނުވާލާއިރު ގާފަރުގެ (މައްޓު) އޭނާ ކައިރީގައި. ޖުމްލަ 13 ގޯލާއެކު އެންމެ ގިނަ ލަނޑު މުޅި މުބާރާތުގައި ވެސް ޖެހީ ރޮނާ. މައްޓު ވަނީ އެންމެ މޮޅު ފަސް ކުޅުންތެރިންގެ ތެރޭގައި ހިމެނިފައި --- ފޮޓޯ: އަބްދުﷲ އިޔާން/އަދަދު

މާޗް 30، 2022: ތިމަރަފުށީގެ ކީޕަރު މުހައްމަދު ޝަރުހާން މެޗު ނިމުމުން އުފާ ފާޅުކުރަނީ. އޭނާ ވަނީ ރޭ ގާފަރުން ފޮނުވާލި ހަމަލާތައް ދިފާއުކުރަން މޮޅު ކުޅުމެއް ދައްކާފައި --- ފޮޓޯ: އަބްދުﷲ އިޔާން/އަދަދު

މާޗް 30، 2022: ޗެމްޕިއަންކަން ކަށަވަރުވުމާއެކު ތިމަރަފުށީގެ ކީޕަރު އެ ޓީމުގެ އޮފިޝަލަކާއެކު އުފާ ފާޅުކުރަނީ. ފުރިހަމަ ވަގުތު ހަމަވިއިރު 2-2 އިން އެއްވަރުވުމުން ނަތީޖާ ނެރުމަށް ޖެހި ޕެނަލްޓީގައި ތިމަރަފުށި ކުރި ހޯދީ 3-2 އިން --- ފޮޓޯ: އަބްދުﷲ އިޔާން/އަދަދު

މާޗް 30، 2022: ފައިނަލް މެޗުގެ މޮޅު ކުޅުންތެރިޔާ އާއި މުބާރާތުގެ އެންމެ މޮޅު ކުޅުންތެރިޔާ އަށް ދިން "ކިންގް އޮފް ފުޓްސަލް" ގެ ލަގަބު ލިބުނު ތިމަރަފުށީގެ އިބްރާހިމް އަސްވަދު (ގަބޭ) އޭނާގެ ތާޖު އަޅައިގެން. ތިމަރަފުށިން މުބާރާތް ކާމިޔާބު ކުރުމުގައި ގަބޭ ވަނީ މޮޅު ކުޅުމެއް މުޅި މުބާރާތުގައި ވެސް ދައްކައިދީފައި --- ފޮޓޯ: އަބްދުﷲ އިޔާން/އަދަދު

މާޗް 30، 2022: ގޯލްޑަން ފުޓްސަލް ޗެލެންޖުގެ ޓްރޮފީ ތިމަރަފުށި ޓީމުގެ ކެޕްޓަން ސިނާހު އެހެން ކުޅުންތެރިންނާއެކު އުފުލާލަނީ. 2019 އަަދި 2016 ވަނަ އަހަރު ވެސް ތަށި އުފުލާލީ ތިމަރަފުށި. އެ ޓީމަކީ މި މުބާރާތުގެ އެންމެ ކާމިޔާބު ޓީމު --- ފޮޓޯ: އަބްދުﷲ އިޔާން/އަދަދު

މާޗް 30، 2022: ގޯލްޑަން ފުޓްސަލް ޗެލެންޖުގެ ޗެމްޕިއަންކަން ހޯދި ތިމަރަފުށި ޓީމުގެ ކުޅުންތެރިން ތަށި އުފުލާލުމަށްފަހު ފޮޓޯއަކަށް ހުއްޓިގެން. މިއީ އެ ޓީމުން ތަށި އުފުލާލި ތިން ވަނަ ފަހަރު. މުބާރާތުގެ ޗެމްޕިއަންކަން ވިދިވިިދިގެން ދެ ފަހަރު ހޯދި ހަމައެކަނި ޓީމަކީ ވެސް ތިމަރަފުށި --- ފޮޓޯ: އަބްދުﷲ އިޔާން/އަދަދު