ފޮޓޯ: އެމްޓީސީސީ ބުރުނު ޝިކާރު ޗެލެންޖު

މާޗް 26، 2022: އެމްޓީސީސީ ބުރުނު ޝިކާރު ބޮޑީބޯޑިން ޗެލެންޖުގެ ޓްރޮފީ. ހަތް އަހަރުގެ މެދުކެނޑުމަކަށް ފަހު ބޭއްވި މި މުބާރާތުގައި 39 ބޮޑީބޯޑަރުން ވާދަކުރި. މި އަހަރުގެ މުބާރާތް ރާވާ ހިންގުމުގައި ބޮޑެތި ބަދަލުތަކެއް އެމްބީބީއޭ އިން ގެނައި. އެގޮތުން، ފުރަތަމަ ފަހަރަށް ޑިޖިޓަލް ސްކޯރިން ސިސްޓަމެއް ބޭނުންކުރި --- ފޮޓޯ: އަބްދުﷲ އިޔާން/އަދަދު

މާޗް 26، 2022: މި މުބާރާތުގައި މުޅިން އަލަށް ބޭއްވި އަންހެން ޑިވިޝަނުގައި ވާދަކުރި ބޮޑީބޯޑަރުން މުބާރާތް ނިންމާލުމަށް ފަހު ފޮޓޯއަކަށް ހުއްޓިގެން. އަލަށް ބޭއްވި އަންހެން ބައިގައި މި އަހަރު ހަތަރު ބޮޑީބޯޑަރުން ވާދަކުރި. އެއީ، ދަފީނާ ހަސަން އިބްރާހިމް، ރައުފާ، ލުޖެއިން ހަސަން އަދި ޝާޒިޔާ ސައީދު (ޝާޒު). މި ބައިގެ ޗެމްޕިއަންކަން ހޯދީ ލުޖެއިން (ކ) --- ފޮޓޯ: އަބްދުﷲ އިޔާން/އަދަދު

މާޗް 26، 2022: މުބާރާތުގެ ޖޫނިއާ ކެޓަގަރީގެ ޗެމްޕިއަންކަން ހޯދީ އަބްދުﷲ ޝިމާލް އުފުލާލައިގެން އޭނާގެ ސަޕޯޓަރުން ގެންދަނީ. ފުވައްމުލަކުގެ ޝިމާލް އާ ދެކޮޅަށް ފައިނަލްގައި ނުކުތީ އެ ރަށުގެ މުހައްމަދު ޖަރީޝް ޖިހާދު އެވެ. އޭނާ ޖޫނިއާ ޑިވިޝަން ކާމިޔާބުކުރީ އެންމެ މަތީ ސްކޯ ކަމަށްވާ 13.66 އިން --- ފޮޓޯ: އަބްދުﷲ އިޔާން/އަދަދު

މާޗް 26، 2022: ފިރިހެން ޑިވިޝަންގެ ފައިނަލަށް ފަހު ޗެމްޕިއަންކަން ހޯދި ކުޑަ އައްޔަ އޭނާގެ ދަރިފުޅާއި ސަޕޯޓަރުންނާއެކު އުފާ ފާޅުކުރަނީ. މޯލްޑިވްސް ސްޕޯޓްސް އެވޯޑްސްގައި އެއް ވަނަ ބޮޑީބޯޑަރުގެ ޝަރަފް ހޯދީ ވެސް ކުޑަ އައްޔަ --- ފޮޓޯ: އަބްދުﷲ އިޔާން/އަދަދު

މާޗް 26، 2022: ބުރުނު ޝިކާރުގެ ނިންމުމުގެ ރަސްމިއްޔާތުގައި އެމްބީބީއޭގެ ކޮމިޝަނާ އޮފް ސްޕޯޓްސް ހީނާ އަހްމަދު ސަލީމް (ވ)، ސްޕޯޓްސް މިނިސްޓަރު އަހްމަދު މަހްލޫފް (މ) އަދި އެމްބީބީއޭގެ ޖެނެރަލް ސެކްރެޓަރީ ހަސަން ރަޝީދު (ކ) ބައިވެރިވަނީ. ރާއްޖޭގައި އަންނަ ޖުލައި މަހު އިންޓަނޭޝަނަލް ބޮޑީބޯޑިން މުބާރާތެއް ބޭއްވުމުގެ ކަންކަން ކުރަމުންދާ ކަމަށް މަހްލޫފް ވިދާޅުވި --- ފޮޓޯ: އަބްދުﷲ އިޔާން/އަދަދު

މާޗް 26، 2022: މި މުބާރާތުގެ އަންހެން ޗެމްޕިއަން ލުޖެއިން (ކ)، ފިރިހެން ޗެމްޕިއަން ކުޑަ އައްޔަ (މ) އަދި ޖޫނިއާ ބައިގެ ޗެމްޕިއަން އަބްދުﷲ ޝިމާލް ޝަމީމް (ވ) ޓްރޮފީތައް ދައްކާލަނީ. މި މުބާރާތާއި މެއި މަހު ފަށާ ލަބޭރާ ބޮޑީބޯޑިން ޗެލެންޖު ނިމުމުން ގައުމީ ބޮޑީބޯޑިން ޓީމެއް އެކުލަވާލާނެ --- ފޮޓޯ: އަބްދުﷲ އިޔާން/އަދަދު

މާޗް 26، 2022: ފިރިހެން ޑިވިޝަންގެ ޗެމްޕިއަންކަން ހޯދި ކުޑަ އައްޔަ ފައިނަލް ހީޓުގައި ރާޅާ އަޅަނީ. މި ހީޓުގައި އޭނާ ވަނީ އެއް ރާޅުގައި 9.17 ގެ ސްކޯއެއް ހޯދާފައި. މިއީ މި މުބާރާތުގައި ހުރިހާ ހީޓެއް އެއްކޮށް އެއް ރާޅެއްގައި ބޯޑީބޯޑަރަކު ސްކޯކުރި އެންމެ މަތީ ޕޮއިންޓް ސްކޯ --- ފޮޓޯ: އަބްދުﷲ އިޔާން/އަދަދު

މާޗް 26، 2022: ބުރުނު ޝިކާރުގެ ފައިނަލް ހީޓެއްގެ ތެރެއިން ބޮޑީބޯޑަރަކު ރާޅާ އަޅަނީ. ރާއްޖޭގެ އެކި ކަންކޮޅުތަކުގައި އިވެންޓައް ބޭއްވުމުގެ ހުށަހެޅުންތައް ލިބެމުންދާތީ ކުރިއަށް އޮތްތަނުގައި ރަށްރަށުގައި ބާއްވާ އިވެންޓްތައް އިތުރުވުމުގެ ފުރުސަތު އޮތް ކަމަށް އެމްބީބީއޭ އިން ބުނޭ --- ފޮޓޯ: އަބްދުﷲ އިޔާން/އަދަދު

މާޗް 26، 2022: ބުރުނު ޝިކާރު ބޮޑީބޯޑިން ޗެލެންޖުގައި ވާދަކުރި ބޯޑީބޯޑަރެއް އޭނާގެ ބޯޑު އުފުލާލައިގެން. ޖުމްލަ 39 ބޮޑީބޯޑަރުންނާއެކު ބޭއްވި މި މުބާރާތަކީ ގައުމީ ސްކޮޑަށް އެރުމަށް މަގުފަހިވެގެންދާނެ މުބާރާތެއް. މެއި މަހު އޮންނަ ލަބޭރާ ބޮޑީބޯޑިން ޗެލެންޖަށް ފަހު އާ ގައުމީ ސްކޮޑެއް އެކުލަވާލާނެ --- ފޮޓޯ: އަބްދުﷲ އިޔާން/އަދަދު

މާޗް 26، 2022: ފިރިހެން ޑިވިޝަންގެ ޗެމްޕިއަން ކުޑަ އައްޔަ ރާޅުން އަރަނީ. އޭނާ އަކީ މި މުބާރާތް މީގެ ކުރިން ބޭއްވި ތިން ފަހަރު ވެސް ޗެމްޕިއަން. ފައިނަލް ހީޓު އައްޔަ ކާމިޔާބުކުރީ މުޅި މުބާރާތުގެ އެންމެ މަތީ ސްކޯ ކަމަށްވާ 15.00ގެ ޕޮއިންޓުގެ ސްކޯ އަކުން. --- ފޮޓޯ: އަބްދުﷲ އިޔާން/އަދަދު

މާޗް 26، 2022: ބުރުނު ޝިކާރު ބޮޑީބޯޑިން ޗެލެންޖުގެ ފިރިހެން ޑިވިޝަންގެ ޗެމްޕިއަން ޓްރޮފީ ކުޑަ އައްޔަ އޭނާގެ ސަޕޯޓަރުންނާއެކު އުފުލާލަނީ. ޖުމްލަ 33 ބޮޑީ ބޯޑަރުން ވާދަކުރި އޯޕަން ބައިގެ ފައިނަލްގައި ކުޑަ އައްޔަ ނުކުތީ އަލީ ޖާވިދު (ޖާއްޓެ)އާ ދެކޮޅަށް. މީގެކުރިން ބޭއްވި ތިން މުބާރާތުގެ ޗެމްޕިއަނަކީ ވެސް ކުޑަ އައްޔަ --- ފޮޓޯ: އަބްދުﷲ އިޔާން/އަދަދު

މާޗް 26، 2022: މުބާރާތުގެ ފައިނަލް ހީޓެއްގެ ތެރެއިން ބޮޑީބޯޑަރަކު ރާޅާ އަޅަނީ. މި މުބާރާތަކީ އެމްބީބީއޭ އިން މުޅިން އަލަށް ފަށާ ގައުމީ ބޮޑީބޯޑިން ލީގުގެ ފުރަތަމަ މުބާރާތް. މި މުބާރާތުގެ އިތުރުން ފަސް މުބާރާތް އެ ލީގުގައި ހިމެނޭނެ --- ފޮޓޯ: އަބްދުﷲ އިޔާން/އަދަދު