Tue, 29 Sept 2026, 02:15 pm

Switch to English

އެމްއައިބީއަށް 11 އަހަރު!

އިސްލާމިކް ބޭންކަށް މިއަދު ވަނީ 11 އަހަރު ފުރިފައި. ވިމީ އަހަރުތަކުގެ ތެރޭ ކަސްޓަމަރުންގެ އިތުބާރު ހޯދައި އެ ބޭންކުން ވަނީ ގިނަ ކާމިޔާބީތަކެއް ހޯދާފައި.

4 އަހަރު ކުރިން

މޯލްޑިވްސް އިސްލާމިކް ބޭންކް (އެމްއައިބީ) ހުޅުވައި ދެއްވީ، މާޗް 7، 2011 ގައި އޭރުގެ ރައީސް މުހައްމަދު ނަޝީދު އެވެ. އެ ރަސްމިއްޔާތުގައި ރައީސް ނަޝީދު ވިދާޅުވީ އެމްއައިބީ ހުޅުވުމަކީ، އިސްލާމީ އުސޫލުތަކާއި، އިސްލާމްދީނުގެ މަތިވެރި ހަމަތަކާ އެއްގޮތްވާ ގޮތުގެ މަތިން، ރާއްޖޭގެ ތަރައްގީގެ ކަންކަން ބައްޓަން ކުރުމަށާއި ވިޔަފާރީގެ ކަންތައް ފަހިވެގެން ދިޔުމުގެ ފުރުސަތެއް ކަމަށެވެ. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީގެ ހިދުމަތް އަތޮޅު ތެރެއަށް ފުޅާކޮށް، ހދ. ކުޅުދުއްފުށި، އައްޑޫ ސިޓީގެ އިތުރުން ގދ. ތިނަދޫގައި އެ ބޭންކުގެ ގޮފިތައް ގާއިމުކޮށް، ހުޅުމާލޭގައި ވެސް އެ ބޭންކުގެ ގޮތްޕެއް ހުޅުވައި ހިދުމަތް ދޭން ފެށީ 2016 ވަނަ އަހަރު އެވެ. މި ފޮޓޯއިން އެ ފެންނަނީ ހުޅުމާލޭގައި ގާއިމުކުރި ގޮފި ހުޅުވުމުގެ ރަސްމިއްޔާތުގައި އޭރު އެ ބޭންކުގެ މެނޭޖިން ޑިރެކްޓަރު ހާރިޝް ހާރޫން ވާހަކަ ދައްކަވަން ހުންނެވި މަންޒަރެވެ. -- ފޮޓޯ: މޯލްޑިވްސް އިސްލާމިކް ބޭންކް

އިސްލާމިކް ބޭންކިން ހިދުމަތް ރާއްޖެ އަށް ތައާރަފުކޮށް އެ ދާއިރާގައި އެންމެ ވަރުގަދަ ބޭންކުގެ މަގާމު، ކުރު މުއްދަތެއްގެ ތެރޭގައި އެ ބޭންކު ވަނީ ހޯދާފަ އެވެ. އެ ބޭންކުގެ ގިނަ ހިދުމަތްތަކެއް އެއް އިމާރާތަކުން ފޯރުކޮށް ދިނުމަށްޓަކައި މިހާރު ހިންގަމުންދާ އިމާރާތުގައި އެ ބޭންކުގެ މައި ގޮފި ހުޅުވައި ދެއްވީ ފިނޭންސް މިނިސްޓަރު އިބްރާހިމް އަމީރު އެވެ. -- ފޮޓޯ: މޯލްޑިވްސް އިސްލާމިކް ބޭންކް

އެމްއައިބީގެ މައި ބްރާންޗް: އެ ބޭންކް ފުރަތަމަ އުފެއްދީ ދިވެހި ސަރުކާރުގެ 15 ޕަސެންޓް ހިއްސާ އާއި މެލޭޝިއާގެ އިސްލާމިކް ކޯޕަރޭޝަންގެ ފޯ ދަ ޑިވެލޮޕްމަންޓް އޮފް ދަ ޕްރައިވެޓް ސެކްޓަ (އައިސީޑީ)ގެ 85 ޕަސެންޓް ހިއްސާއާ އެކު އެވެ. ނަމަވެސް، ފަހުން ސަރުކާރުން 10 ޕަސެންޓް ހިއްސާ އިތުރަށް ގަނެ، ސަރުކާރުގެ ހިއްސާގެ ނިސްބަތް 25 ޕަސެންޓަށް އިތުރުކުރި އެވެ. --- ފޮޓޯ؛ މޯލްޑިވްސް އިސްލާމިކް ބޭންކް

2019 ވަނަ އަހަރު ދިވެހި ސަރުކާރާއި އީސީޑީ އަދި އެމްއައިބީ އާދެމެދު އެއްބަސްވުމެއްގައި ސޮއި ކުރުމުގެ ރަސްމިއްޔާތުގެ ތެރެއިން . --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީގެ ހިއްސާ އާންމުންނަށް ވިއްކަން ހުޅުވާލީ 2019 ވަނަ އަހަރު އެވެ. މިހާރު އެ ބޭންކުގެ ހިއްސާ ބެހިފައި ވަނީ، މެލޭޝިއާގެ އިސްލާމިކް ކޯޕަރޭޝަންގެ ފޯ ދަ ޑިވެލޮޕްމަންޓް އޮފް ދަ ޕްރައިވެޓް ސެކްޓަ (އައިސީޑީ) އަށް 36 ޕަސެންޓް، ދިވެހި ސަރުކާރުގެ 28 ޕަސެންޓު، އަމާނާ ތަކަފުލް މޯލްޑިވްސްގެ ފަސް ޕަސެންޓު އަދި އާންމުންގެ ހިއްސާދާރުންގެ 31 ޕަސެންޓެވެ --- ފޮޓޯ: މޯލްޑިވްސް އިސްލާމިކް ބޭންކް

އެމްއައިބީގެ 11 އަހަރުގެ ހަޔާތުގައި އެ ބޭންކުގެ ހިދުމަތްތައް ވަރަށް ބޮޑަށް ވަނީ ފުޅާކޮށް ގިނަ މާލީ ގިނަ ހިދުމަތްތަކެއް ތައާރަފްކޮށްފަ އެވެ. މިގޮތުން، އެ ބޭންކުން ތައާރަފުކޮށްފައިވާ އުޖާލާ ދިރިއުޅުން ސްކީމަކީ ރާއްޖޭގައި ހިންގާ މިފަދަ އެންމެ ކާމިޔާބު އެއް ސްކީމެވެ. މި ސްކީމުން 25،000 ރުފިޔާއިން ފެށިގެން 400،000 ރުފިޔާއާ އާ ހަމައަށް ފައިނޭންސްކޮށްދެ އެވެ. -- ފޮޓޯ: މޯލްޑިވްސް އިސްލާމިކް ބޭންކް

އެމްއައިބީގެ ހިއްސާ އާންމުންނަށް ވިއްކަން 2019 ވަނަ އަހަރު ހުޅުވާލުމުން، ވިއްކަން ކަނޑައެޅި އަދަދަށް ވުރެ ގިނައިން ގަންނަން އެދި ހުށަހެޅުން ލިބުނު. އެމްއައިބީ މޯލްޑިވްސް ސްޓޮކް އެކްސްޗޭންޖުގައި ރަސްމީކޮށް ލިސްޓުކުރުމަށް ބޭއްވި ހާއްސަ ރަސްމިއްޔާތެއްގެ ތެރެއިން. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީ އަކީ ދިވެހިރާއްޖޭގެ ދެވަނައަށް އެންމެ ގިނަ ބަޔަކު ހިދުމަތް ހޯދަމުން އަންނަ ބޭންކެވެ. ބޭންކުގެ 10 ވަނަ އަހަރީ ދުވަސް ފާހަގަކުރުމުގެ ތެރެއިން ކަސްޓަމަރުންނަށް ހަދިޔާ ދެނީ. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީ އަކީ ދިވެހިރާއްޖޭގެ ދެވަނައަށް އެންމެ ގިނަ ބަޔަކު ހިދުމަތް ހޯދަމުން އަންނަ ބޭންކެވެ. އެމްއައިބީ ވިސާ ކާޑުން ލިބޭ ހިދުމަތްތައް. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީ އަކީ ދިވެހިރާއްޖޭގެ ދެވަނައަށް އެންމެ ގިނަ ބަޔަކު ހިދުމަތް ހޯދަމުން އަންނަ ބޭންކެވެ. 'އުޖާލާ ދިރިއުޅުން' ސްކީމްގެ ދަށުން ލިބޭ ހިދުމަތްތަށް. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީ އަކީ ދިވެހިރާއްޖޭގެ ދެވަނައަށް އެންމެ ގިނަ ބަޔަކު ހިދުމަތް ހޯދަމުން އަންނަ ބޭންކެވެ. ރާއްޖޭގެ އެކި ކަންކޮޅުތަކުގައި ގާއިމްކުރެވިފައިވާ ބޭންކުގެ ބްރާންޗްތައް. --- ފޮޓޯ؛ މޯލްޑިވްސް އިސްލާމިކް ބޭންކް

އެމްއައިބީ އަކީ ދިވެހިރާއްޖޭގެ ދެވަނައަށް އެންމެ ގިނަ ބަޔަކު ހިދުމަތް ހޯދަމުން އަންނަ ބޭންކެވެ. --- ފޮޓޯ؛ މޯލްޑިވްސް އިސްލާމިކް ބޭންކް

އޭދަފުށީގައި ގާއިމުކުރި އެމްއައިބީގެ އޭޓީއެމް، އެ ބޭންކްގެ އެކްޓިން ސީއީއޯ އަހްމަދު ރިޒާ އިއްޔެ ހުޅުވައި ދެއްވަނީ: އެ ބޭންކުގެ އޭޓީއެމް، މާލެ، ހުޅުމާލެ، ކުޅުދުއްފުށި، އައްޑޫ ސިޓީ، ގދ. ތިނަދޫގައި ހުރެ އެވެ.