Login
English
Adhadhu
Viuga
Adhadhu
Switch to English
މީޑީއާ

ފޮޓޯ ސްޓޯރީ: ވިލިމާލޭގެ ހިމޭން ހިތްގައިމު މާހައުލުން

މާލެ އާއި ބިޔަ ހުޅުމާލޭގެ ހަލަބޮލި މާހައުލާއި ވިލިމާލޭގެ ހިތްގައިމު، ހިމޭން މާހައުލުގެ ތަފާތު ތަޖުރިބާކޮށްލެވޭނީ ވިލިމާލެ އަށް ޒިޔާރަތްކުރުމުންނެވެ. ޖަޒީރާ ރަށަކާއި އަޅައި ނުކިޔުނަސް، ވިލިމާލެއަކީ ފުރަ މާލެއާއި އެންމެ ކައިރީގައި އޮތް 'ރާއްޖެތެރެ' އިހުސާސް ގެނުވައިދޭ ރަށެވެ. އެންމެ 27 ހެކްޓަރުގެ ކުޑަ ކުޑަ މި ރަށަކީ، ފުރަ މާލެ އަދި ހުޅުމާލޭގައި ދިރިއުޅޭ ރައްޔިތުން ހިތްހަމަޖައްސާލުމަށް ފުރިހަމަ ރަށެކެވެ.
މާލެ އާއި ބިޔަ ހުޅުމާލޭގެ ހަލަބޮލި މާހައުލާއި ވިލިމާލޭގެ ހިތްގައިމު، ހިމޭން މާހައުލުގެ ތަފާތު ތަޖުރިބާކޮށްލެވޭނީ ވިލިމާލެ އަށް ޒިޔާރަތްކުރުމުންނެވެ. ޖަޒީރާ ރަށަކާއި އަޅައި ނުކިޔުނަސް، ވިލިމާލެއަކީ ފުރަ މާލެއާއި އެންމެ ކައިރީގައި އޮތް 'ރާއްޖެތެރެ' އިހުސާސް ގެނުވައިދޭ ރަށެވެ. އެންމެ 27 ހެކްޓަރުގެ ކުޑަ ކުޑަ މި ރަށަކީ، ފުރަ މާލެ އަދި ހުޅުމާލޭގައި ދިރިއުޅޭ ރައްޔިތުން ހިތްހަމަޖައްސާލުމަށް ފުރިހަމަ ރަށެކެވެ.
ފޮޓޯ ސްޓޯރީ: ވިލިމާލޭގެ ހިމޭން ހިތްގައިމު މާހައުލުން
ހަފްތާގެ ބުރަ މަސައްކަތަށް ފަހު މާލޭގެ ހަލަބޮލި ޖައްވުން މިންޖުވެ، ސަކަރާތްޖެހުމަށާއި އާއިލާއާ އެކީ އުފާވެރި ވަގުތު ކޮޅެށް ހޭދަކޮށްލަން ގިނަ ބަޔަކު ވިލިމާލެއަށްދެ އެވެ. އެގޮތުން ދުއްވާ އެއްޗެއްސާއި އިންޖީނުލީ އެކި ކަހަލަ އުޅަނދުތަކުން ފުރިފައިވާ މާލެއާއި ހިލާފަށް، ވިލިމާލޭގައި ހަމައެކަނި ދުއްވެނީ ބެޓަރީ ސައިކަލެވެ. ޓެކްސީ ކުރުމަށާއި ފުލުހުންގެ ބޭނުންތަކަށް އިންޖީނުލީ ދެތިން ވެހިކަލް ބޭނުންކުރެ އެވެ. ނަމަވެސް، އެ ވެހިކަލްތަކުން ރަށުތެރޭގެ ހިމެނޭކަން ގެއްލިގެން ނުދެ އެވެ.
ހަފްތާގެ ބުރަ މަސައްކަތަށް ފަހު މާލޭގެ ހަލަބޮލި ޖައްވުން މިންޖުވެ، ސަކަރާތްޖެހުމަށާއި އާއިލާއާ އެކީ އުފާވެރި ވަގުތު ކޮޅެށް ހޭދަކޮށްލަން ގިނަ ބަޔަކު ވިލިމާލެއަށްދެ އެވެ. އެގޮތުން ދުއްވާ އެއްޗެއްސާއި އިންޖީނުލީ އެކި ކަހަލަ އުޅަނދުތަކުން ފުރިފައިވާ މާލެއާއި ހިލާފަށް، ވިލިމާލޭގައި ހަމައެކަނި ދުއްވެނީ ބެޓަރީ ސައިކަލެވެ. ޓެކްސީ ކުރުމަށާއި ފުލުހުންގެ ބޭނުންތަކަށް އިންޖީނުލީ ދެތިން ވެހިކަލް ބޭނުންކުރެ އެވެ. ނަމަވެސް، އެ ވެހިކަލްތަކުން ރަށުތެރޭގެ ހިމެނޭކަން ގެއްލިގެން ނުދެ އެވެ.
ދުއްވާ އެއްޗެހި މަދުވުމުގެ ސަބަބުން މަގުމަތީގައި ހިނގާބިނގާވެ އުޅެން ފަސޭހައެވެ. މަގުތައް ބޮޑުވެފައި ހުސްޖާގަ ގިނައެވެ. ކުޑަކުދިން ބައިސްކަލު ދުއްވައި، ކުޅެ ސަކަރާތްޖަހާނެ ޖާގަ އޮވެ އެވެ. އުމުރުން ދުވަސްވީ މީހުން ޖޯލި ބަހައްޓައިން ގޭ ދޮރުމަތީގައި ތިބެވޭނެ ވަރަށް މަގުތަށް އަމާނެވެެ. މާލޭގައި ކުޑަކުދިން އެކި ތަންތަނަށް ދޫކޮށްކުމުގެ ބިރުވެރިކަން އޮތަސް ވިލިމާލޭގައި އެ ބިރުވެރިކަން ކުޑައެވެ. އުމުރުންދުވަސްވީ މީހުން މާލޭގައި ބޭރަށް ދާން ފޫހިވިޔަސް ވިލިމާލޭގައި ތިބެނީ އަތިރިމަތީ ޖޯލީގަ އެވެ.
ދުއްވާ އެއްޗެހި މަދުވުމުގެ ސަބަބުން މަގުމަތީގައި ހިނގާބިނގާވެ އުޅެން ފަސޭހައެވެ. މަގުތައް ބޮޑުވެފައި ހުސްޖާގަ ގިނައެވެ. ކުޑަކުދިން ބައިސްކަލު ދުއްވައި، ކުޅެ ސަކަރާތްޖަހާނެ ޖާގަ އޮވެ އެވެ. އުމުރުން ދުވަސްވީ މީހުން ޖޯލި ބަހައްޓައިން ގޭ ދޮރުމަތީގައި ތިބެވޭނެ ވަރަށް މަގުތަށް އަމާނެވެެ. މާލޭގައި ކުޑަކުދިން އެކި ތަންތަނަށް ދޫކޮށްކުމުގެ ބިރުވެރިކަން އޮތަސް ވިލިމާލޭގައި އެ ބިރުވެރިކަން ކުޑައެވެ. އުމުރުންދުވަސްވީ މީހުން މާލޭގައި ބޭރަށް ދާން ފޫހިވިޔަސް ވިލިމާލޭގައި ތިބެނީ އަތިރިމަތީ ޖޯލީގަ އެވެ.
ފޮޓޯ ސްޓޯރީ: ވިލިމާލޭގެ ހިމޭން ހިތްގައިމު މާހައުލުން
ވިލިމާލޭގެ ކޮންމެ ހިސާބަކުންވެސް ޓޭކްއަވޭ ކޮފީ އަދި ޖޫގޯ ފަދަ ތަކެތި ލިބެ އެވެ. މީގެ އިތުރުން ކުރުނބާ އާއި އެކި ކަހަލަ ލުއި ކާނާ ވެސް ލިބެ އެވެ.
ވިލިމާލޭގެ ކޮންމެ ހިސާބަކުންވެސް ޓޭކްއަވޭ ކޮފީ އަދި ޖޫގޯ ފަދަ ތަކެތި ލިބެ އެވެ. މީގެ އިތުރުން ކުރުނބާ އާއި އެކި ކަހަލަ ލުއި ކާނާ ވެސް ލިބެ އެވެ.
ފޮޓޯ ސްޓޯރީ: ވިލިމާލޭގެ ހިމޭން ހިތްގައިމު މާހައުލުން
ވިލިމާލޭގެ ވާހަކަ ދައްކާ ނިންމާއިރު ވަށައިގެންވާ މޫދާއި، ދޮންވެލި ގޮނޑުދޮށާއި މަޝްހޫރު ބާބަކިއު ސަރަހައްދުގެ ވާހަކަ ފާހަގަ ނުކޮޮށް ނިންމުމަކީ އެއީ ނުވާނެ ކަމެކެވެ. އެންމެ ގިނަ މީހުން ވިލިމާލެ ގޮސްއުޅޭ ސަބަބަކީ އެއީ ކަމުގައިވާތީ އެވެ. ބާބަކިއު ސަރައްދާއި ބީޗުގައި މީހުން ނޫޅޭ ހަވީރެއް ނުދާނެއޭ ބުންޏަސް ދޮގަކަށް ނުވާނެއެވެ.
ވިލިމާލޭގެ ވާހަކަ ދައްކާ ނިންމާއިރު ވަށައިގެންވާ މޫދާއި، ދޮންވެލި ގޮނޑުދޮށާއި މަޝްހޫރު ބާބަކިއު ސަރަހައްދުގެ ވާހަކަ ފާހަގަ ނުކޮޮށް ނިންމުމަކީ އެއީ ނުވާނެ ކަމެކެވެ. އެންމެ ގިނަ މީހުން ވިލިމާލެ ގޮސްއުޅޭ ސަބަބަކީ އެއީ ކަމުގައިވާތީ އެވެ. ބާބަކިއު ސަރައްދާއި ބީޗުގައި މީހުން ނޫޅޭ ހަވީރެއް ނުދާނެއޭ ބުންޏަސް ދޮގަކަށް ނުވާނެއެވެ.
ފޮޓޯ ސްޓޯރީ: ވިލިމާލޭގެ ހިމޭން ހިތްގައިމު މާހައުލުން
ވިލިމާލެ ހާއްސަ ވެގެންދަނީ މި ސަބަބުތަކާ ހުރެއެވެ. މާލޭގެ ހަލަބޮލި ޖައްވުން ދުރުވެ ވިލިމާލޭގެ މިނިވަން ހަމަހިމޭން ޖައްވުން އުފާ ލިބިގަންނަ ކިތަންމެ ބަޔަކު އުޅެއެވެ. ކަނޑު ހުރަސްކޮށް ދާންޖެހުނަސް، ރަށު ބިމުގައި ފައިޖެހުމުން ކުރެވޭ އިހުސާސް އާއި ހިމޭން މާހައުލުން ވެރިކުރުވާ ހިތްގައިމުކަން ބޮޑެވެ.
ވިލިމާލެ ހާއްސަ ވެގެންދަނީ މި ސަބަބުތަކާ ހުރެއެވެ. މާލޭގެ ހަލަބޮލި ޖައްވުން ދުރުވެ ވިލިމާލޭގެ މިނިވަން ހަމަހިމޭން ޖައްވުން އުފާ ލިބިގަންނަ ކިތަންމެ ބަޔަކު އުޅެއެވެ. ކަނޑު ހުރަސްކޮށް ދާންޖެހުނަސް، ރަށު ބިމުގައި ފައިޖެހުމުން ކުރެވޭ އިހުސާސް އާއި ހިމޭން މާހައުލުން ވެރިކުރުވާ ހިތްގައިމުކަން ބޮޑެވެ.