އުމަރު ޒާހިރުގެ ހަޔާތްޕުޅުން ވިހި ތަސްވީރު

ހުޅުލޭގައި އެއާޕޯޓް އެޅުމުގެ މަސައްކަތް އޭރުގެ ބޮޑުވަޒީރު އިބްރާހިމް ނާސިރު (ވ-2) ބައްލަވާލައްވާއިރު އުމަރު ޒާހިރު (ކ-2) އަރިހުގައި.

ރާއްޖޭގައި ހިންގި ކުޅިވަރުގެ ފުރަތަމަ ތަމްރީން ޕްރޮގްރާމުގެ ބައިވެރިންގެ ތެރޭ އުމަރު ޒާހިރު (މެދު ބަރީގެ ކަނާތް ފަރާތުގައި). މެދުގައި އެ ތިއްބެވީ މުހައްމަދު އަމީނާއި ސްރީ ލަންކާގެ ޓްރެއިނަރު މައިކަލް ޑި ސިލްވާ.

މަޖީދިއްޔާ ސްކޫލުގެ ސްކައުޓް ހަރަކާތެއްގައި އުމަރު ޒާހިރު (ކޮޅަށް ކ-2) ބައިވެރިވަޑައިގަންނަވަނީ.

ރާއްޖޭގައި ބޭއްވި އެންމެ ފުރަތަމަ އަތޮޅު ފުޓްބޯޅަ މުބާރާތުގެ ރަސްމިއްޔާތެއްގައި އުމަރު ޒާހިރު ބައިވެރިވެވަޑައިގަންނަވަނީ.

1990 ވަނަ އަހަރު ފާހަގަކުރި މިނިވަން 25 ގެ ކޮމިޓީއެއްގެ މެމްބަރުންނާ އެކު އުމަރު ޒާހިރު (ވ-3).

މާލޭގައި ބޭއްވި ފުޓްބޯޅަ ރެފްރީން ތަމްރީންކުރާ ބުރެއްގެ ބައިވެެރިއަކާ އުމަރު ޒާހިރު ސަލާމްކުރައްވަނީ.

އިންޑިއަން އޯޝަން އައިލެންޑް ގޭމްސްގައި ބައިވެރިވި ދިވެހި ކޮންޓިންޖެންޓުގެ މެމްބަރުންނާ އެކު އުމަރު ޒާހިރު ގްރޫޕް ފޮޓޯއެއްގައި.

ރައްޔިތުންގެ މަޖިލީހުގެ އަހަރީ ކްރިކެޓް މެޗުގެ ބައިވެރިންނާ އެކު އުމަރު ޒާހިރު އާއި ރައީސް މައުމޫން ގްރޫޕް ފޮޓޯއެއްގައި.

އުމަރު ޒާހިރު (މ) އިންފޮމޭޝަން މިނިސްޓަރު ސަމަރުބުލޫ އިބްރާހިމް މަނިކުއާ އެކު.

އުމަރު ޒާހިރުގެ ހަޔާތްޕުޅުން ވިހި ތަސްވީރު

އުމަރު ޒާހިރު ބައިސިކަލް ބުރެއްގައި ބައިވެރިވެވަޑައިގަންނަވަނީ.

ބޭރުގެ ކުޅިވަރު ޓީމެއްގެ މެމްބަރުންނާ އެކު އުމަރު ޒާހިރު އާއި ރައީސް މައުމޫން ގްރޫޕް ފޮޓޯއެއްގައި.

އާޓިފިޝަލް ބީޗު ހުޅުމުގެ ރަސްމިއްޔާތުގައި އުމަރު ޒާހިރު ވާހަކަދައްކަވަނީ.

އެންއެސްއޭގެ ވޮލީބޯޅަ ޓީމުގެ މެމްބަރުންނާ އެކު އުމަރު ޒާހިރު އަދި އެމަނިކުފާނުގެ ބޭބެ ޒާހިރު ނަސީރު ގްރޫޕް ފޮޓޯއެއްގައި.

ރައީސް މައުމޫން ގަލޮޅު ދަނޑަށް ވަޑައިގަތުމުން އުމަރު ޒާހިރު އެމަނިކުފާނަށް މަރުހަބާ ދަންނަވަނީ.

މާލޭ ކަނޑުތޮށިލުމުގެ މަޝްރޫއުގެ ނިމުން ފާހަގަކުރި ރަސްމިއްޔާތުގައި ރައީސް މައުމޫން އޭރުގެ ކޮންސްޓްރަކްޝަން މިނިސްޓަރު އުމަރު ޒާހިރުއާ ސަލާމަތްކުރައްވަނީ.

އުމަރު ޒާހިރު ބޮޑުފޯނުން މާލޭ މަޝްރޫއެއްގެ މަސައްކަތް ވިލަރެސްކުރައްވަނީ.

މަޖީދިއްޔާ އަލިމަސްޔޫބީލް ހަރަކާތުގެ ތެރޭގައި އޮތް ފުޓްބޯޅަ މެޗެއްގެ އައްޑަނަ ރައީސް މައުމޫން (ވ) އުމަރު ޒާހިރުއާ ހަވާލުކުރައްވަނީ.

އާޓިފިޝަލް ބީޗް ހުޅުވުމުގެ ރަސްމިއްޔާތުގައި އުމަރު ޒާހިރު (ވ) ރައީސް މައުމޫންއާ ސަލާމްކުރައްވަނީ.

މާލޭގައި ކަނޑުތޮށިލުމުގެ ރަސްމިއްޔާތު ނިންމުމުން ރައީސް މައުމޫން އެ މަސައްކަތް އުމަރު ޒާހިރުއާ އެކު ބައްލަވާލައްވަނީ.

މާލޭ ކަނޑުތޮށިލުމުގެ ޕްރޮޖެކްޓުގެ ރަސްމިއްޔާތެއްގައި އުމަރު ޒާހިރު އޭރުގެ ރައީސް މައުމޫން އާއި ކެބިނެޓް މެމްބަރުންނާ އެކު ބައިވެރިވެވަޑައިގަންނަވަނީ.