ދަރިވަރުންނާ އެކު އުފާވެރި ފެށުމެއް

ދަރިވަރަކު ބެލެނިވެރިއަކާ އެކު ސްކޫލަށް ވަންނަން މަގު ހުރަސްކުރަނީ. އާ އަހަރުގެ ކިޔެވުން މިއަދު ފެށީ މުޅި ރާއްޖޭގެ އެކި ސްކޫލްތަކުގައި 92936 ކުދިންނާ އެކުގައި.. ފޮޓޯ: ހުސެއިން ޝަޔާހު / އަދަދު

ސްކޫލްތަކުގެ ފަޅުކަން ފިލައި މަގުތައް މަތިން މިއަދު ފެނުނީ ހަލަބޮލިކަން. ގަޑި ޖެހުމުގެ މާ ކުރިން ދަބަސްއަޅުވައި ބެލެނިވެރިންނާ އެކު ދަރިވަރުން ތިބީ ސްކޫލް ދޮށުގައި މަޑުކޮށްލައިގެން.. ފޮޓޯ: ހުސެއިން ޝަޔާހު / އަދަދު

ދަރިވަރުން ސްކޫލަށް ލާން ގޮސް ބެލެނިވެރިން މަގުތަކުގައި ތޮއްޖެހިފައި. ސްކޫލްތަކުގެ އެތެރޭގައި ރައްކާތެރިކަން ކަށަވަރުކޮށްފައި ވިޔަސް ސްކޫލުގެ ބޭރުން ފެނުނީ ނުރައްކަލުގެ ނިޝާނެއް. ކުދިންނާއި ބެލިނިވެރިން ތިބީ ފިތި ތޮއްޖެހިގެން.. ފޮޓޯ: ހުސެއިން ޝަޔާހު / އަދަދު

ދިރާސީ އާ އަހަރުގެ ފުރަތަމަ ދުވަސް ރައްކާކުރަން ދަރިވަރަކު ފޮޓޯއަށް ހުއްޓިގެން. މާސްކް އަޅަން ޖެހޭތީ ދިވަރުންގެ މޫނުމަތިން ފެންނަން ޖެހޭ އެއްވެސް އިހުސާސެއް ނުފެނޭ. އެކަމަކު އެ ކުދިންގެ އުފާވެރި އިހްސާސްތައް އަންނަނީ ޓީޗަރުންނާ ހިއްސާކުރަމުން.. ފޮޓޯ: ހުސެއިން ޝަޔާހު / އަދަދު

މިދިޔަ އަހަރު ކިޔަވައިދޭން ޖެހުނީ އޮންލައިންކޮށް ޓެބްލެޓް ބޭނުންކޮށްގެންނާއި ޓެލެކިލާސް މެދުވެރިކޮށް. ކޮވިޑް ކޭސްތައް މަދުވެ ނިއު ނޯމަލްގައި ދެ ހަފްތާއަށް ސްކޫލުތައް ހުޅުވި ނަމަވެސް ކޭސްތައް އިތުރުވެ އަނެއްކާވެސް ބަންދުކުރަން މަޖުބޫރުވީ.. ފޮޓޯ: ހުސެއިން ޝަޔާހު / އަދަދު

ދެ ދަރިވަރަކު ބެލެނިވެރިޔާއާ އެކު ސްކޫލަށް ދަނީ. ސްކޫލަށް ގޮސް ކްލާސް ރޫމްގައި ތިބެ ކިޔެވުމަކީ ދަރިވަރުން ވަރަށް އިންތިޒާރު ކުރި ކަމެއް.. ފޮޓޯ: ހުސެއިން ޝަޔާހު / އަދަދު

ދަރިވަރުން އެކުގައި ކްލާސް ރޫމަށް ވަންނަނީ. އެކުވެރިންނާ ވަކިން ގޭގައި ބަންދުވެ ތިބެ އޮންލައިންކޮށް ކިޔަވަން ޖެހުމަކީ ކުދިންނަށް ނަފްސާނީ ގޮތުން ވެސް އުނދަގޫތަކެއް ކުރިމަތިވި ކަމެއް.. ފޮޓޯ: ހުސެއިން ޝަޔާހު / އަދަދު

ސްކޫލަށް ވަނުމުގެ ކުރިން ކުއްޖެއްގެ ހުން ބަލަނީ. ދަރިވަރުން ސްކޫލްތަކަށް ހާޒިރުވެ ކިޔަވަން ފަށާގޮތަށް ހަމަޖެއްސީ ހެލްތު ޕްރޮޓެކްޝަން އެޖެންސީގެ މިންގަނޑުތަކާ އެއްގޮތަށް ދަރިވަރުންގެ ރައްކާތެރިކަން ކަށަވަރު ކުރެވޭ ގޮތަށް.. ފޮޓޯ: ހުސެއިން ޝަޔާހު / އަދަދު

ކިޔެވުން މިއަދު ފެށިއިރު ހުރިހާ ސްކޫލްތަކަކުން ވެސް ވަނީ ރައްކާތެރިކަމުގެ ފިޔަވަޅުތައް ވަރުގަދަކޮށްފައި.. ފޮޓޯ: ހުސެއިން ޝަޔާހު / އަދަދު

ކުއްޖެއްގެ އަތަށް ސެނިޓައިޒާ ޖަހައިދެނީ. އަތްދޮވުމާއި ގައިދުރުކަން ތިން ފޫޓަށް ބެހެއްޓުމަކީ އެންމެންގެ ރައްކާތެރިކަމަށް މުހިއްމު ކަމެއް ކަމަށް ސްކޫލްތަކުން އަންނަނީ ދަރިވަރުންނަށް ކިޔައިދެމުން.. ފޮޓޯ: ހުސެއިން ޝަޔާހު / އަދަދު

ކްލާސް ރޫމްތަކުގެ ކުރިމަތީގައި އެސެމްބްލީއަށް ދަރިވަރުން މަޑުކޮށްލައިގެން. ފުރަތަމަ ހަފުތާގައި ކިޔެވުން ގެންދަން ހަމަޖައްސާފައި އޮތީ ވަގުތު މަދުކޮށް.. ފޮޓޯ: ހުސެއިން ޝަޔާހު / އަދަދު

ގޭބަންދުގައި ދޮޅު އަހަރަށް ފަހު ސްކޫލަށް ދެވުމުން ދަރިވަރަކު ހިތްހަމަޖެހިފައި. ދިރާސީ އާ އަހަރު ފެށުނު މިއަދަކީ ދަރިވަރުންނާއި ޓީޗަރުންނަށް ވެސް އާދަޔާހިލާފު އުފާވެރި އިހްސާސެއް ކުރެވުނު ދުވަހެއް.. ފޮޓޯ: ހުސެއިން ޝަޔާހު / އަދަދު

ދަރިވަރުން ސްކޫލްގައި އުފާފާޅުކުރަނީ: އޮންލައިންކޮށް ކިޔެވުމަކީ އެ ކުދިންނަށް ވެސް އުނދަގޫތަކެއް ކުރިމަތިވި ކަމެއް.. ފޮޓޯ: ހުސެއިން ޝަޔާހު / އަދަދު

ރައީސް އިބްރާހިމް މުހައްމަދު ސޯލިހް ރެހެންދި ސްކޫލަށް ވަޑައިގެން ދަރިވަރުންނަށް އިޝާރާތް ކުރައްވަނީ. ރައީސްގެ އިލްތިމާސަކީ ދަރިވަރުންގެ ރައްކާތެރިކަމަށް ސްކޫލްތަކުން ވިސްނުން.. ފޮޓޯ: ހުސެއިން ޝަޔާހު / އަދަދު

ރައީސް އިބްރާހިމް މުހައްމަދު ސޯލިހާއި އެޑިއުކޭޝަން މިނިސްޓަރު އައިޝަތު އަލީ ހުޅުމާލޭ ރެހެންދި ސްކޫލްގައި. ކޮވިޑުގެ ދަތި އުނދަގުލުގައި ދަރިވަރުންގެ ކިޔެވުން ނުހުއްޓި ކުރިއަށް ގެންދަން ތައުލީމި ދާއިރާގެ މަސައްކަތް ފާހަގަކުރެއްވި.. ފޮޓޯ: ހުސެއިން ޝަޔާހު / އަދަދު