މިއަދު ފަތިހުގެ ވަގުތެއްގައި އެމެރިކާގެ ސަބްމެރިން ހަމަލާއެއްގައި ސްރީލަންކާ ބޭރުން ފައްތާލި އިރާނުގެ މަނަވަރުން މަރުވި ސިފައިންގެ އަދަދު 87 އަށް އަރައިފި އެވެ.

ޖުމުލަ 180 ފަޅުވެރިން ދަތުރުކުރަމުންދިޔަ މި މަނަވަރުން އެހީއަށް އެދުނީ މިއަދު ފަތިހުގެ ވަގުތެއްގައި ކަމަށް ލަންކާގެ އިދާރާތަކުން ބުނެ އެވެ.

މަނަވަރުން ދަތުރުކުރި 32 މީހަކު ސަލާމަތްކޮށް ހޮސްޕިޓަލުގައި ފަރުވާދެމުން އަންނައިރު، އެ ބޯޓުގައި ތިބި ކަމަށް ބެލެވޭ 180 މީހުންގެ ތެރެއިން ގާތްގަނޑަކަށް 60 މީހުން ވަީނުވީއެއް ނޭނގި ގެއްލިފައިވާ ކަމަށް ލަންކާގެ ކަމާބެހޭ ފަރާތްތަކުން ރިޕޯޓުކޮށްފައިވެ އެވެ.

މަނަވަރުގެ ކޮމާންޑަރާއި ބައެއް އިސް އޮފިސަރުން ސަލާމަތްވި މީހުންގެ ތެރޭގައި ހިމެނޭއިރު، އެ މީހުން ސްރީލަންކާގެ ނޭވީއަށް މައުލޫމާތު ދީފައިވާ ގޮތުގައި އެ މަނަވަރަށް ހަމަލާދީފައިވަނީ ސަބްމެރިންއަކުންނެވެ.

މަނަވަރު އަޑިއަށް ދިޔައީ ލަންކާގެ ދެކުނުން 40 ކިލޯމީޓަރު ބޭރުންނެވެ.