ރާއްޖޭގެ ކަނޑުދަތުރުފަތުރާއި މޫދު ކުޅިވަރުގެ ދާއިރާއަށް ބޭނުންވާ އެންމެ ޒަމާނީ ވަސީލަތްތައް ފޯރުކޮށްދޭ މެރިން ވައިބްއިން، ދުނިޔޭގެ މަޝްހޫރު "ކިކަރ" މެރިން އޯޑިއޯ ބްރޭންޑުގެ އުފެއްދުންތައް ރާއްޖޭގެ ބާޒާރަށް ތައާރަފްކޮށްފިއެވެ.

މިއީ ލޯންޗްފަހަރާއި ކަނޑު އުޅަނދުތަކަށް ހާއްސަކޮށްގެން، ކަނޑުގެ ގަދަ ވައިގެ އަޑާއި އިންޖީނުގެ އަޑުގެ ތެރެއިންވެސް އެންމެ ސާފުކޮށް މިއުޒިކް އަޑުއިވޭނެހެން ފަރުމާކޮށްފައިވާ ސިސްޓަމްތަކެކެވެ. މި މަރުކާގެ އެފްއެމް ރޭޑިއޯ ވެސް ލިބެން އެބަ ހުއްޓެވެ.

ކިކަރ މެރިން އޯޑިއޯގެ މުހިންމު ސިފަތައް:

• މިއީ ލޮނާއި، ފެނާއި އަދި އިރުގެ އަވިން ގެއްލުންތަކަށް ނުލިބޭ ގޮތަށް ހާއްސަކޮށް ފަރުމާކޮށްފައިވާ އުފެއްދުންތަކެކެވެ. މީގެ ސަބަބުން ގިނަ ދުވަހު ބޭނުންކުރިޔަސް ސިސްޓަމްގެ ފެންވަރަކަސް ބަދަލެއް ނާންނާނެއެވެ.
• މިއީ އޭގެ ހައި ޕާފޯމަންސް އޯޑިއޯގެ ސަބަބުން މުޅި ދުނިޔޭގައި ވެސް މަގުބޫލުކަން ހޯދާފައިވާ ބްރޭންޑެކެވެ. މީގެ ތެރޭގައި މެރިން ސްޕީކަރުތަކާއި، ސަބްވޫފަރ، އެމްޕްލިފަޔަރ އަދި އުޅަނދުތަކުގެ ޑޭޝްބޯޑުގައި ހަރުކުރާ ހެޑް ޔުނިޓްތައް އަދި އެފްއެމް ރޭޑިއޯހިމެނެއެވެ.

މެރިން ވައިބްސް އިން ބުނާ ގޮތުގައި، ކިކަރ ބްރޭންޑުގެ މި އުފެއްދުންތަކަކީ ރާއްޖޭގެ ކަނޑުދަތުރުފަތުރުގެ ދާއިރާއަށް، ހާއްސަކޮށް ފަތުރުވެރިން އުފުލާ ސަފާރީތަކާއި ލޯންޗްތަކަށް ވަރަށް އެކަށީގެންވާ ފެންވަރު ރަނގަޅު އުފެއްދުންތަކެކެވެ.