ބްރެޒިލުގައި ކުރިއަށްދާ އދ. ގެ ކްލައިމެޓު ސަމިޓު ކުރިއަށްގެންދާ މައި ހޯލެއްގައި ރޯވެ އަނދަން ފަށައިފި އެވެ.

އެ ހޯލުގައި ރޯވިއިރު، ދިވެހި ޑެލެގޭޝަނުން ދިޔަ ބަޔަކު ހޯލުގައި ތިއްބެވެ. އެކަމަކު، ހުރިހާ ދިވެހިން އެ ހޯލުން ވަނީ ނުކުމެފަ އެވެ.

އަދަދު އަށް މައުލޫމާތު ލިބޭ ގޮތުގައި ދިވެހި ޑެލެގޭޝަނުގެ އެއްވެސް މީހަކަށް ގެއްލުމެއް ލިބިފައެއް ނުވެ އެވެ.

މިފަހަރުގެ ކޮޕް ސަމިޓ ފެށުނީ މި ހިނގާ ނޮވެމްބަރު 10، ގަ އެވެ. އަދި އެ ސަމިޓު މި މަހުގެ 20 އާ ހަމައަށް ކުރިއަށްދާނެ އެވެ.

ކޮޕް ސަމިޓަކީ މޫސުމަށް އަންނަ ބަދަލާ ގުޅޭ ގޮތުން މަޝްވަރާ ކުރަން އެންމެ ފުޅާ ދާއިރާއެއްގައި ބާއްވާ ސަމިޓެވެ. މިފަހަރުގެ ސަމިޓު ބާއްވަނީ ބްރެޒިލުގެ ބެލޭމް އަދި ޕާރާގަ އެވެ. އެއީ އެމޭޒަން ޖަންގަލީ ސަރަހައްދެވެ.