6 ނޮވެންބަރު 2025 - 15:41 0
އަހުމަދު އާއިދު
ތިނަދޫ އުތުރު ދާއިރާގެ މެންބަރު ސައުދުﷲ ހިލްމީ: އޭނާގެ ދެ ކުންފުންޏަށް 228 މިލިއަން ރުފިޔާގެ ޕްރޮޖެކްޓު މިއަދު ހަވާލުކުރި --- ފޮޓޯ: ރައްޔިތުންގެ މަޖިލިސް
6 ނޮވެންބަރު 2025 - 15:41 0
ބީލަމަކަށް ނުލައި ބަހާލި 206 ޕްރޮޖެކްޓުގެ ތެރެއިން ތިނަދޫ އުތުރު ދާއިރާގެ މެންބަރު ސައުދުﷲ ހިލްމީގެ ދެ ކުންފުންޏަކަށް ޖުމްލަ 228 މިލިއަން ރުފިޔާގެ ޕްރޮޖެކްޓު ދީފި އެވެ.
މި ނޫހުން އެއްކުރި މައުލޫމާތުން އެނގޭ ގޮތުގައި ސައުދުﷲ ގެ މިމްސް ކޮންސްޓްރަކްޝަން އަށް ދެ މަޝްރޫއެއް އަދި ސްވިފްޓް އިންޖިނިއަރިން ކުންފުންޏަށް ފަސް ޕްރޮޖެކްޓެއް ހަވާލުކޮށްފައިވެ އެވެ. މި މަޝްރޫއުތަކުގެ އަގުގެ ގޮތުގައި މިމްސް އަށް 71.6 މިލިއަން އަދި ސްވިފްޓް އަށް 157.3 މިލިއަން ރުފިޔާ ދޫކުރާނެ އެވެ.
މިމްސް ކޮންސްޓަރަކްޝަންއާ ހަވާލުކުރީ ގދ. މަޑަވެލީގައި 50 ހައުސިން ޔުނިޓާއި ވާދޫ ސިއްހީ މަރުކަޒު ތަރައްގީ ކުރުމަށެވެ. ސްވިފްޓު އިންޖިނިއަރިންނާ ހަވާލުކުރި ފަސް މަޝްރޫއަކީ؛
ސައުދުﷲ އަކީ ވެރިކަންކުރާ ޕީއެންސީއަށް ނިސްބަތްވާ މަޖިލިސް މެންބަރެކެވެ. އޭނާގެ ދެ ކުންފުންޏަކީ ކޮންސްޓްރަކްޝަންގެ މަސައްކަތްތައް މީގެ ކުރިން ވެސް ކުރަމުން އަންނަ ދެ ކުންފުންޏެވެ. އެ ދެ ކުންފުނީގެ މެނޭޖިން ޑިރެކްޓަރަކީ ވެސް ސައުދުﷲ އެވެ.
މިއަދު ބަހާލި 206 މަޝްރޫއުގެ ޖުމުލަ އަގަކީ 2.7 ބިލިއަން ރުފިޔާ އެވެ. މި މަޝްރޫއުތައް ހިންގަނީ ސަރުކާރުން ޔަގީންކަން ދީގެން، ބީއެމްއެލްއިން ކުންފުނިތަކަށް ދޭ ލޯނުންނެވެ. އެ ލޯނުތައް ދޫކުރަނީ 9 ޕަސެންޓު އިންޓަރެސްޓު ރޭޓުގަ އެވެ.
ބަހާލި މަޝްރޫއުތައް
ބަހާލި މަޝްރޫއުތަކުގެ ތެރޭގައި ރައްޔިތުންގެ މަޖިލީހުގެ މެންބަރުންނާއި ސިޔާސީ ފަރާތްތަކުގެ ކުންފުނިތަކާއި އެފަދަ ފަރާތްތަކުގެ މަސްލަހަތު އޮތް ފުންފުނިތަކެއް ހިމެނޭކަން ފާހަގަ ވާނަމަ މި ހަބަރުގެ ކޮމެންޓެއްގެ ގޮތުގައި ނުވަތަ އަދަދު ނޫހުގެ ސޯޝަލް މީޑިއާ ޕްލެޓުފޯމްތަކަށް ޑީއެމް ކޮށް ދެއްވުން އެދެން.
Comment