ބުނި ތާރީހަށް ހިޔާ ލިފްޓުތަކެއް ނުނިމުނު، މިހާރު ބުނަނީ ނިންމޭނީ ނޮވެމްބަރަށް ކަމަށް

ހިޔާ ޓަވަރުތަކުގައި ޓެސްޓުކުރަމުން އަންނަ ލިފްޓެއް: ކޮންމެ ލިފްޓެއްގައި 16 މީހުންގެ ޖާގަ ހުންނާނެ -- ފޮޓޯ: އެޗްޑީސީ

ހިޔާ ޓަވަރުތަކުގައި ޓެސްޓުކުރަމުން އަންނަ ލިފްޓެއް: ކޮންމެ ލިފްޓެއްގައި 16 މީހުންގެ ޖާގަ ހުންނާނެ -- ފޮޓޯ: އެޗްޑީސީ

މިމަހު 15، ގައި ހަރުކޮށް ނިންމަން ބުނި ހިިޔާ ޓަވަރުގެ ލިފްޓުތަކުގެ މަސައްކަތް ނިންމައިލެވޭނީ މި އަހަރުގެ ފަހުކޮޅު ކަމަށް ބުނެ ތިން ވަނަ ތާރީހެއް އެޗްޑީސީން ދީފި އެވެ.

ހިޔާ ލިފްޓުތަކުގެ މަސައްކަތް ޗައިނާގެ ޝެންޔެންގެ ޔުއަންޝާ އިންޓެލެކްޗުއަލް އިންޑަސްޓްރީ ގްރޫޕާ ހަވާލުކުރީ 18 މިލިއަން ޑޮލަރު (278 މިލިއަން ރުފިޔާ) އަށެވެ.

އެއީ ހިޔާގެ 16 ޓަވަރުގެ، ކޮންމެ ޓަވަރެއްގައި ދެ ލިފްޓު ހަރަކުރާ ގޮތަށް ޖުމްލަ 32 ލިފްޓު ހަރުކުރާށެވެ. މި މަސައްކަތް ނިންމަން ފުރަތަމަ އެއްބަސްވީ ތާރީހަކީ، މިދިޔަ ޖެނުއަރީ 30 އެވެ. ނަމަވެސް އެ މުއްދަތަށް އެ ތަންތަނުގެ މަސައްކަތް ނުނިމޭނެތީ، މި މަހުގެ މެދުތެރެއަށް މަސައްކަތް ނިންމަން މުއްދަތު އިތުރުކޮށްދިނެވެ.

މުއްދަތު އިތުރުކޮށްދިން ނަމަވެސް، ބުނި ތާރީހަށް އެންމެ ލިފްޓެއް ވެސް ބޭނުންކުރަން ނުފެށޭނެކަން އެޗްޑީސީން ހާމަކޮށްފައިވާ މައުލޫމާތުން ވަނީ ކަށަވަރުވެފަ އެވެ.

އެ ގޮތުން ހިޔާގެ އެޗު1 އަދި އެޗު2 ގައި ހަރުކުރާ ލިފްޓުތައް ނޫސްވެރިންނަށް ދައްކައިލުމަށް ފަހު މައުލޫމާތު ދެއްވަމުން އެޗްޑީސީގެ އެސިސްޓެންޓް ޑިރެކްޓާ، މާކެޓިން އެންޑް ޕަބްލިކް ރިލޭޝަންސް، ހަސަން ޝަހީދު ވިދާޅުވީ ހަރުކޮށް ނިމިފައި ހުރި ލިފްޓުތައް ބޭނުންކުރަން ފަށާނީ އަންނަ މަހުގެ 12 ގައި ކަމަށެވެ.

ލިފްޓުގެ ސްޓްރަކްޗާގެ މަސައްކަތާއި ހަރުކުރުމުގެ މަސައްކަތް ނިމިފައިވާ އަނެއް ދެ ޓަވަރު ކަމުގައިވާ އެޗު3 އާއި އެޗު4 ގެ ލިފްޓުތައް ބޭނުންކުރަން ފެށޭނީ އެ މަހުގެ ފަހުކޮޅު ކަމަށް ވެސް އޭނާ ވިދާޅުވި އެވެ. އަދި ހުރިހާ ޓަވަރެއްގެ މަސައްކަތް ނިންމާލެވޭނީ ނޮވެމްބަރަށް ކަމަށް އޭނާ ވިދާޅުވި އެވެ.

"ވީހައިވެސް އަވަހަށް، މި އަހަރުގެ ނިޔަލަށް، ނޮވެމްބަރު މަހުގެ ނިޔަލަށް އަޅުގަނޑުމެން މި ބަލަނީ ހުރިހާ ލިފްޓުތަކެއް ހަރު ކުރެވި ރައްޔިތުންނަށް ބޭނުން ކުރަން ފެށިގެން ދާނެ ކަމަށް،" ޝަހީދު ވިދާޅުވި އެވެ.

އެޗްޑީސީން ބުނި ގޮތުން ނަމަ ލިފްޓުތައް ހަރުކުރުމުގެ މިހާތަނަށް ނިމުނީ 58 ޕަސެންތެވެ. އަދި އެ މަސައްކަތަށް ބޭނުންވާ ހުރިހާ ސާމާނެއް ވެސް ރާއްޖެ ނާންނައިރު، ކުރިއަށް 45 ދުވަހުގެ ތެރޭގައި އެ ސާމާނުތައް ލިބޭނެ ކަމަށް އެޗްޑީސީން ބުނެފައިވެ އެވެ.

ހިޔާ ލިފްޓުތަކުގެ މަސައްކަތް ނޮވެމްބަރު މަހުގެ ނިޔަލަށް ނިންމައިލާނެ ކަމަށް އެޗްޑީސީން ބުނި ނަމަވެސް، އެ ތަނުގެ ބައެއް ޓަވަރުތަކުގައި ލިފްޓު ހަރުކުރުމަށް ބޭނުންވާ ސްޓްރަކްޗާގެ މަސައްކަތް ވެސް ގިނަ ޓަވަރުތަކުގައި އަދި ނުފަށަ އެވެ.

ހިޔާ ފްލެޓުތަކުގައި އިތުރު ލިފްޓުތައް ހަރުކުރުމަކީ މި ސަރުކާރުގެ 100 ދުވަހުގެ ވައުދުތަކުގެ ތެރޭގައި ހިމަނައިގެން މިދިޔަ އަހަރަށް ފާސްކުރި ބަޖެޓުގައި ޖަހައިގެން ކުރަން ފެށި މަސައްކަތެކެވެ.

އޭރު ބަޖެޓުގައި އޮތީ މި މަސައްކަތަށް 200 މިލިއަން ރުފިޔާ ހަރަދުކުރާ ގޮތަށެވެ. ނަމަވެސް މި އަހަރަށް ލަފާކޮށް ފާސްކުރި ބަޖެޓުގައި އޮތީ މަޝްރޫއުގެ އަގު ރިވައިސްކޮށް ދައުލަތުގެ ބަޖެޓުން ހަރަދު ކުރާ ވަރު 108 މިލިއަން ރުފިޔާއަށް ކުޑަކޮށްފަ އެވެ. ބާކީ ފައިސާ ހަރަދުކުރަނީ ބެލެވޭ ގޮތުގައި އެޗްޑީސީންނެވެ.

ހިޔާގައި ލިފްޓު ހަރުކުރަން ޗައިނާ ކުންފުންޏާ ހަވާލު ކުރީ ލިފްޓަކަށް 8.8 މިލިއަން ރުފިޔާގެ މަގުންނެވެ. އެހެންކަމުން ކޮންމެ ފްލެޓެއްގައި ލިފްޓު ހަރުކުރަން 17.6 މިލިއަން ރުފިޔާ ހަރަދުވާނެ އެވެ.

ހިޔާ ފްލެޓުތަކަށް އިތުރުކުރާ ލިފްޓުތަކުގެ ތެރޭގައި ހިމެނެނީ ސްޓެރަޗަރު އުފުލޭ ވަރުގެ ލިފްޓަކާއި މީހުން އުފުލާ ލިފްޓެކެވެ. މީހުން އުފުލާ ލިފްޓިގައި ފަހަރަކު 16 މީހުން އުފުލޭނެ ކަމަށް އެޗްޑީސީން ބުންޏެވެ. ލިފްޓު ހަރުކުރުމުގެ އިތުރުން ލިފްޓުތައް ހަރުކުރަން ބޭނުންވާ ސްޓްރަކްޗާ ގާއިމުކުރުން ވެސް މަސައްކަތުގެ ތެރޭގައި ހިމެނެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox