ޖީޓީއޭ 5 އެންހޭންސްޑް އެޑިޝަން ޕީސީ ގޭމް ޕާސްއަށް އިތުރުކުރާނެކަން މައިކްރޯސޮފްޓުން ބުނެފި އެވެ.

މައިކްރޯސޮފްޓްއިން އިއުލާންކޮށްފައިވާ ގޮތުގައި ގްރޭންޑް ތެފްޓް އޮޓޯ (ޖީޓީއޭ) 5 ގެ އެންހޭންސްޑް އެޑިޝަން ޕީސީ ގޭމް ޕާސްއަށް 15 އޭޕްރީލް 2025 ގައި އިތުރުކުރެވޭނެ އެވެ. މީގެ އިތުރުން ޖީޓީއޭ 5 އެކްސްބޮކްސް ގޭމް ޕާސްއަށް ވެސް އަންނާނެ އެވެ.

މާރޗް 4 ގައި ޕީސީއަށް ނެރެވުނު ޖީޓީއޭ 5 އެންހޭންސްޑް އެޑިޝަންގައި ހިމެނެނީ ކުރިން ހަމައެކަނި ޕީއެސް5 އަދި އެކްސްބޮކްސް ސީރީސް އެސް/އެކްސް ގައި ލިބެން ހުރި ޓެކްނިކަލް އިތުރުކުރުންތަކާއި ޖީޓީއޭ އޮންލައިން ފީޗާތަކެވެ.

ގޭމް ޕާސް އަލްޓިމެޓް، ސްޓޭންޑަޑް އަދި ޕީސީ ސަބްސްކްރައިބަރުންނަށް އިތުރު އަގަކާ ނުލައި ޖީޓީއޭ 5 ކުޅެވޭނެ އެވެ. ޕީސީގެ އެންހޭންސްޑް ވާޝަންގައި ހިމެނެނީ އާ އުޅަނދުތަކާއި، ކެމެލިއަން ޕެއިންޓްސް، އަދި ހަވޯ ސްޕެޝަލް ވާކްސްގައި ހުރި އެހެނިހެން އަޕްގްރޭޑްތަކެވެ.

މީގެ އިތުރުން، ޖީޓީއޭ 5 އެންހޭންސްޑް ޕީސީގައި ރޭ ޓްރޭސިންގ ފީޗަރތައް ކަމުގައިވާ އެމްބިއަންޓް އޮކްލޫޝަން އަދި ގްލޯބަލް އިލުމިނޭޝަން ފަދަ ގްރެފިކަލް އަޕްގްރޭޑްތައް އަދި އޭއެމްޑީ އެފްއެސްއާރް1 އަދި އެފްއެސްއާރް3، އަދި އެންވިޑިއާ ޑީއެލްއެސްއެސް 3 ފަދަ އޭއައި އަޕްސްކޭލިންގ ޓެކްނީކްތަކަށް ސަޕޯޓް ވެސް ހިމެނެއެވެ.

ގޭމް ޕާސް ސަބްސްކްރައިބަރުން ކަށަވަރުކުރަންވާނީ ރައްޓެހިންނާއެކު ޖީޓީއޭ އޮންލައިންގައި ބައިވެރިވާއިރު އެއްވަރޝަނެއްގެ ގޭމް ކުޅެމުންދާކަމެވެ. ގޭމް ޕާސް އަލްޓިމެޓް އަދި ގޭމް ޕާސް ސްޓޭންޑަޑް މެމްބަރުންނަށް ހުރިހާ ކޮންސޯލް އަދި ޕީސީ ވާޝަންތަކަށް އެކްސެސް ލިބޭނެ އެވެ.

އޭޕްރީލް މަހު ގޭމް ޕާސްއަށް އެހެނިހެން ގޭމްތައް ވެސް އިތުރުކުރެވޭނެ އެވެ. މީގެ ތެރޭގައި ބޯޑާލޭންޑްސް 3 އަލްޓިމެޓް އެޑިޝަން، އޯލް ޔޫ ނީޑް އިޒް ހެލްޕް، ސްޓިލް ވޭކްސް ދަ ޑީޕް، އަދި ވޯގްރޫވް 2 އިތުރުކުރެވިފައިވާއިރު، 8 އޭޕްރީލްގައި ސައުތް އޮފް މިޑްނައިޓް އަދި ޑިއާބްލޯ III: ރީޕަރ އޮފް ސޯލްސް - އަލްޓިމެޓް އީވިލް އެޑިޝަން އިތުރުކުރެވޭނެ އެވެ. މީގެ އިތުރުން ކޮމާންޑޯސް: އޮރިޖިންސް، ބްލޫ ޕްރިންސް އަދި ހަންޓް ޝޯޑައުން 1896 ވެސް ގޭމް ޕާސްއަށް އިތުރުކުރެވޭނެ އެވެ.

ގްރޭންޑް ތެފްޓް އޮޓޯ 5 އަކީ 2013 ވަނަ އަހަރު ރޮކްސްޓާ ގޭމްސްއިން ފުރަތަމަ ނެރުނު މިހާތަނަށް ދުނިޔޭގައި އެންމެ ބޮޑަށް ވިކުނު ގޭމްތަކުގެ ތެރެއިން އެއް ގޭމެވެ. 170 މިލިއަނަށް ވުރެ ގިނަ ކޮޕީ ވިއްކިފައިވާ މި ގޭމަށް ޕްލޭސްޓޭޝަން 5 އަދި އެކްސްބޮކްސް ސީރީސް އެސް/އެކްސް އަށް އެންހޭންސްޑް އެޑިޝަނެއް 2022 ވަނަ އަހަރު ނެރުނު ނަމަވެސް، ޕީސީ ޕްލެޓްފޯމަށް މި އެންހޭންސްޑް އެޑިޝަން ލިބުނީ 2025 ގެ މާޗު މަހުގަ އެވެ.

ގޭމް ޕާސްއަކީ ސަބްސްކްރިޕްޝަނެއްގެ ގޮތުގައި އެކި ގިންތިތަކަށް އަމާޒުކޮށްގެން މައިކްރޯސޮފްޓުން ދޭ ހިދުމަތެކެވެ. އެކަށީގެންވާ އަގެއްގައި ސަތޭކައަށް ވުރެ ގިނަ ގޭމް ކުޅެވޭނެ ފުރުސަތު މި ހިދުމަތުގެ ތެރެއިން ލިބެ އެވެ.