އޮރިޔާން ކާޑު ގެންގުޅެ، ކުރީގެ އަނބިމީހާއަށް ބިރު ދެއްކި މައްސަލާގައި މީހަކު ހައްޔަރުކޮށްފި އެވެ.

ކްރިމިނަލް ކޯޓުން އޭނާ ބަންދުކުރަން ނެރުނު އަމުރުން އެނގޭ ގޮތުން މި މައްސަލާގައި ބަންދުކޮށްފައިވަނީ މާލެ، ދަފްތަރު ނަމްބަރު ރސ. 1704 މުހައްމަދު ޒުބައިރު އެވެ. އޭނާ ހައްޔަރުކުރުމާ ގުޅޭގޮތުން ފުލުހުން މިހާތަނަށް ބަހެއް ބުނެފައެއް ނުވެ އެވެ.

ކޯޓުން އޭނާ ބަންދުކުރަން އަމުރުކުރީ 10 ދުވަހުގެ މުއްދަތަކަށެވެ.

އޭނާގެ މައްޗަށް ހުއްދަ ނެތި ގޯދި ގެދޮރަށް ވަނުމާއި، އޮރިޔާން ކާޑު ގެންގުޅުމުގެ އިތުރުން، ބްލެކްމެއިލް ކުރުމާއި، ބިރު ދެއްކުމުގެ ކުށުގެ ތުހުމަތު ފުލުހުން ކޮށްފައިވެ އެވެ.

ބަންދުގެ އަމުރުގައި ބުނެފައިވާ ގޮތުން ޒުބައިރު އޭނާގެ ކުރީގެ އަނބިމީހާއަށް ބްލެކްމެއިލްކޮށް ބިރުދެއްކި ކަމުގެ ހެކި ފުލުހުން ހުށަހަޅާފައިވެ އެވެ. އަދި، އޭނާ ހައްޔަރުކުރީ އިޖުރާއަތާ އެއްގޮތަށް ކަމަށްވެސް ކޯޓުން ކަނޑައަޅާފައިވެ އެވެ.