30 މާރިޗު 2025 - 09:26 0
30 މާރިޗު 2025 - 09:26 0
މޯލްޑިވްސް ސޮކާ މޭޓްސް (އެމްއެސްއެމް) އިން ބޭއްވި 7ވީ7 ލީގުގެ ވެޓެރަންސް ކެޓަގަރީގެ ޗެމްޕިއަންކަން ސޮކާ މޭޓްސް ހޯދިއިރު، މާސްޓާސް ކެޓަގަރީގެ ޗެމްޕިއަންކަން ސޮކަ ވެޓެރަންސް އެސޯސިއޭޝަން އޮފް މޯލްޑިވްސް އިން ހޯދައިފި އެވެ.
މި މުބާރާތް ދެ ޑިވިޝަނަކަށް ކުރިއަށްދިޔައިރު، އެއީ 40 އަހަރުން މައްޗަށް ވެޓަރަންސް ކެޓަގަރީ އެވެ. އަދި 50 އަހަރުން މައްޗަށް މާސްޓާސް ކެޓަގަރީ އެވެ.
އިއްޔެ ހަވީރު ކުރިއަށްދިޔަ ވެޓަރަންސް ކެޓަގަރީގެ ފައިނަލުގައި އެމްއެސް މޭޓްސް އިން ނުކުތީ މުއިވެޔޮ ފްރެންޑްސްއާ ދެކޮޅަށެވެ. މި މެޗު އެމްއެސް މޭޓްސް އިން ކާމިޔާބުކުރީ 3-0 ގެ ނަތީޖާ އަކުންނެވެ.
މި މެޗުގައި އެމްއެސް މޭޓްސްގެ އަބްދުالله ހަނީފް ދެ ގޯލު ޖެހިއިރު، ހަސަން ސުޖާއު ވަނީ ގޯލެއް ޖަހާފަ އެވެ.
މީގެ އިތުރުން އިއްޔެ ހަވީރު ވަނީ މި މުބާރާތުގެ މާސްޓާސް ކެޓަގަރީގެ ފައިނަލް މެޗު ވެސް ކުޅެފަ އެވެ. މާސްޓާސް ފައިނަލުގައި އެމްއެސް މޭޓްސްގެ މައްޗައް ސޮކަ ވެޓަރެންސް ކުރިހޯދީ 1-0 ގެ ނަތީޖާ އަކުންނެވެ.
މި މުބާރާތް ހާއްސަކޮށްފައިވަނީ، މިދިޔަ އަހަރު ކުއްލި ގޮތަކަށް ނިޔާވި ރާއްޖޭގެ ފުޓްބޯޅައިގެ ލެޖެންޑަރީ މިޑްފީލްޑަރު، މުހައްމަދު އާރިފް (ބަކާ) އަށެވެ.
އަދި، ފައިނަލް މެޗު ކުރިއަށްދިޔަ ވަގުތު ދާދި ފަހުން ނިޔާވި، މަޝްހޫރު ފުޓްބޯޅަ ކޯޗު އިހުސާން އަބްދުލް ގަނީ (ސާންތީ)ގެ ތައުޒިޔާ ދަފްތަރު ހުޅުވާލައިފައިވެ އެވެ.
0.00%
0.00%
0.00%
0.00%
މި ލިޔުން ކިޔާލުމުން
މި ލިޔުމާ ގުޅޭ ލިޔުންތައް
Comment