ރަނގަޅު އޮފާއެއް ލިބިއްޖެނަމަ ކޭން އެނބުރި ޕްރިމިއާ ލީގަށް އަތުވެދާނެ

24 މާރިޗު 2025 - 03:51 0


ރަނގަޅު އޮފާއެއް ލިބިއްޖެނަމަ ކޭން އެނބުރި ޕްރިމިއާ ލީގަށް އަތުވެދާނެ

24 މާރިޗު 2025 - 03:51 0

މިއުނިކް (މާޗް 24) - ބަޔާން މިއުނިކަށް ކުޅެމުން އަންނަ އިނގިރޭސި ގައުމީ ޓީމުގެ ކެޕްޓަން، ހެރީ ކޭން އަށް ރަނގަޅު އޮފާއެއް ލިބިއްޖެނަމަ އެނބުރި އިނގިރޭސި ޕްރިމިއާ ލީގުގެ ކްލަބަކަށް އަތުވެދާނެ ކަމަށް މީޑިއާ ރިޕޯޓްތަައް ބުނެފި އެވެ.

ޓޮޓެންހަމްގައި 20 އަހަރު ހޭދަކުރި، ކޭން، 31، މީގެ ދެ އަހަރު ކުރިން، 2023 ވަނަ އަހަރު ބަޔާނަށް ސޮއިކުރީ ޖުމްލަ އެކު، 110 މިލިއަން ޑޮލަރަށް އަރާ ޑީލެއްގަ އެވެ. ބަޔާނާ އެކު، ކޭން ސޮއިކުރި ކޮންޓްރެކްޓް އޮތީ 2027 ވަނަ އަހަރުގެ ޖޫން މަހުގެ ނިޔަލަށެވެ.

އެކަމަކު، މީޑިއާ ރިޕޯޓްތައް ބުނާގޮތުން، މި ސީޒަން ނިންމާލުމަށް ފަހު، ޕްރިމިއާ ލީގުން ރަނގަޅު އޮފާއެއް ލިބިއްޖެނަމަ، ކޭން، ކްލަބް ބަދަލުކުރުމުގެ ފުރުސަތު އެބައޮތެެވެ. އެންމެ ބޮޑު ވިސްނުމަކީ، އަންނަ އަހަރުގެ ފީފާ ވޯލްޑް ކަޕްގެ ކުރިން، އިނގިރޭސި ފުޓްބޯޅައިގައި މަސައްކަތް ކުރުމެވެ.

މި ސީޒަނުގައި ކޭން ވަނީ ބަޔާނަށް ކުޅެދިން 37 މެޗުން 32 ގޯލު ޖަހައި، 11 ގޯލު ޖަހަން ފުރުސަތު ތަނަވަސްކޮށްދީފަ އެވެ.

ކޭންގެ ސޮއި ހޯދަން އޭނާގެ ކުރީގެ ކްލަބް ޓޮޓެންހަމުން އަންނަނީ މަސައްކަތް ކުރަމުންނެވެ. ޖަރުމަނުގެ މީޑިއާ ރިޕޯޓްތައް ބުނާގޮތުން، ލިވަޕޫލާއި އާސެނަލުން ވެސް ކޭންގެ ސޮއި ހޯދުމުގެ ރޭހަށް ވަނުމުގެ ފުރުސަތު އެބައޮތެވެ. އެކަމަކު، ކޭން އަކީ ކުރިން އާސެނަލްގެ ވާދަވެރި ޓޮޓެންހަމްގެ ކެޕްޓަން ކަމަށްވުމުން އޭނާ އާސެނަލް ޖޯޒީގައި ފެނުމުގެ ފުރުސަތު ކުޑަ އެވެ.

ޖަރުމަނު ފުޓްބޯޅައިގެ ލަނޑު ޖެހުމުގެ ގިނަ ރެކޯޑްތަކެއް މިހާތަނަށް ހަދާފައިވާ ކޭން ވަނީ، ބަޔާނަށް މިހާތަނަށް ކުޅުނު މެޗުތަކަށް ބަލާއިރު، 82 މެޗުން 76 ގޯލު ޖަހައި، 23 ލަނޑު ޖަހަން ފުރުސަތު ހޯދައިދީފަ އެވެ.