ހުލާސާކޮށް އިއްޔެ: އިސްރާފެއް; ބޮކިފަތި ދަމަން ރަށަކަށް 777،777ރ، ޖުމުލަ 28 މިލިއަން

21 ފެބުރުވަރީ 2025 - 01:09 1

މިދިޔަ އަހަރު އީދަށް ލައިޓްތައް ބޭނުން ކޮށްފައި: މި އަހަރު އީދަށް ލައިޓްތައް ގެންނަން 28 މިލިއަން ރުފިޔާ އިތުރަށް ހަރަދު ކުރަނީ -- ފޮޓޯ: ސޯޝަލް މީޑިއާ


ހުލާސާކޮށް އިއްޔެ: އިސްރާފެއް; ބޮކިފަތި ދަމަން ރަށަކަށް 777،777ރ، ޖުމުލަ 28 މިލިއަން

21 ފެބުރުވަރީ 2025 - 01:09 1

މި އަހަރުގެ ފިތުރު އީދަށް 36 ރަށަކަށް ގެންނަ ލައިޓްތަކަށް އިތުރަށް 28 މިލިއަން ރުފިޔާ ހަރަދު ކުރާނެ ކަމަށް ލޯކަލް ގަވަމަންޓް މިނިސްޓަރު އާދަމް ޝަރީފް އިއްޔެ ވިދާޅުވި އެވެ.

އާދަމް ޝަރީފް ވިދާޅުވީ ފަހުން ވެސް ބޭނުން ކުރެވޭ ގޮތަށް އިތުރަށް ލައިޓްތައް ގެންނަނީ އަލަށް ލައިޓްތައް ފޮނުވަން ނިންމާފައިވާ ރަށްތަކަށް ކަމަށެވެ.

"އަޅުގަނޑުމެން މި ގެންނަނީ، މިސާލަކަށް މާލެއަކަށް އަޅުގަނޑުމެން ނުގެންނަން. ކުރިން ދިން ރަށްރަށަކަށް އަޅުގަނޑުމެން ނުގެންނަން. އަލަށް ގެންނަ ރަށްރަށަށް މި ގެންނަނީ އެނގޭތޯ. ގެންނައިރު އަޅުގަނޑުމެން މި އަހަރު 36 ރަށަށް ހަރަދުވާނެ ކަމަށް މި ބަލަނީ އެންމެ ގިނަވެގެން 28 މިލިއަން އެނގޭތޯ،" މިނިސްޓަރު ވިދާޅުވި އެވެ.

އެހެންވެ، ކޮންމެ ރަށަކަށް ޖެހެނީ 777،777ރ. އެވެ. މިއީ މަސައްކަތުގެ އަގަށް ބަލާއިރު ބޮޑު އަދަދެކެވެ.

އާދަމް ޝަރީފް ވިދާޅުވީ މި އަހަރު ފިތުރު އީދަށް ރައީސް ޑރ. މުހައްމަދު މުއިއްޒުގެ އިރުޝާދާ އެކު ކޮންމެ އަތޮޅަކުން އާބާދީ އެންމެ ބޮޑު ދެ ރަށަށް އީދު ލައިޓް ދިއްލުމަށް ބޭނުންވާ ވަސީލަތްތައް ފޮނުވަން ހަމަޖެހިފައިވާ ކަމަށެވެ.

މިގޮތުން ސްޓެލްކޯ އާއި ފިނޭންސް މިނިސްޓްރީއާ މަޝްވަރާ ކުރެވި އީދު ލައިޓްތައް ދިއްލުމަށް ރަށްރަށަށް ފޮނުވަން ޖެހޭ ވަސީލަތްތައް ހޯދުމުގެ މަސައްކަތް ކުރަމުންދާކަން އާދަމް ޝަރީފް ފާހަގަކުރެއްވި އެވެ.

"މިދިޔަ ފަހަރު އަޅުގަނޑުމެންނަށް އީދު ލައިޓް ފޮނުވުނީ މައިގަނޑު ގޮތެއްގައި އަތޮޅުތަކުގައި އަތޮޅު ވެރިކަން ކުރާ ރަށަށް. އެގޮތުން މިފަހަރު އަޅުގަނޑުމެން ކޮންމެ އަތޮޅެއްގެ ވެސް ދެ ރަށަކަށް އީދު ލައިޓް ފޮނުވަން،" މިނިސްޓަރު ވިދާޅުވި އެވެ.

"އަޅުގަނޑުމެން އަތޮޅުތަކުން ރަށްރަށް އިހުތިޔާރުކުރީ މިފަހަރު ކޮންމެ އަތޮޅަކުން ވެސް އަޅުގަނޑުމެން ކަނޑައެޅީ ދެ ރަށަކަށް އެ ފުރުސަތު ދޭން. އަދި އެ ދެ ރަށް އަޅުގަނޑުމެން އިހުތިޔާރުކުރީ އެ ދެ ރަށެއްގެ އާބާދީ އެންމެ ގިނަ އަދަދަށް ބަލައިގެން. އެހެންވީމަ އެގޮތުން ކަނޑައެޅުނު ރަށްރަށް މި ލިސްޓުގައި ހިމެނިފައިވާނީ."

އާދަމް ޝަރީފް ވިދާޅުވީ އީދު ލައިޓްތަކަށް ހަރަދުތަކެއް ހިނގި ނަމަވެސް، ރައްޔިތުންގެ ހިތްހަޖެހުމަށް އެފަދަ ހޭދަތައް ކުރުމަކީ ވަރަށް މުހިންމު ކަމެއް ކަމަށެވެ.

މިހާރު ލިބިފައިވާ އީދު ލައިޓްތަކަކީ އީދު ދުވަހުގެ އިތުރުން އެހެން މުނާސަބަތުތަކަށް ވެސް އޭގެ ބައިތައް ބޭނުން ކުރެވޭ ފަދަ ލައިޓްތަކެއްކަން އާދަމް ޝަރީފް ވަނީ ފާހަގަކުރައްވާފަ އެވެ.

ރައްޔިތުންގެ މެދުގައި ދީނީ އެއްބައިވަންތަކަމާއި އިސްލާމީ ރޫހު އާލާކުރަން ސަރުކާރުން ގެންގުޅޭ ސިޔާސަތުގެ ދަށުން މިދިޔަ އަހަރު ފިތުރު އީދަށް ސިޓީތަކާއި ވެރި ރަށްތައް ދިއްލާލުމަށް ދައުލަތުގެ ބަޖެޓުން 42.19 މިލިއަން ރުފިޔާ ހަރަދު ކުރި އެވެ.

ރަށްރަށް ގެންދާ ލައިޓްތަކަށް ލޯކަލް ގަވަމަންޓް މިނިސްޓްރީން ހަރަދު ކުރި ނަމަވެސް، އެ ތަކެތި ބަހައްޓައި ބަލަހައްޓަނީ ރަށްރަށާއި ސީޓީ ކައުންސިލްތަކުންނެވެ.

މުހިއްމު ބައެއް ހަބަރު

0.00%

0.00%

0.00%

0.00%

މި ލިޔުން ކިޔާލުމުން


ކޮސް

about 1 month ago

ރައްޔިތުން ބިކަވެފައި ތިބެގެން ބޮކިތަކުން ދެން ހިތްހަމަޖެހުމެއްތޯ ލިބޭނީ . އާދަނަކީ ކުރިން ހަރުދަނާ މީހެއްގެ ގޮތުގައި ހުރީ. މިހާރު ތާކުންތާކުނުޖެހޭ މީހަކަށް ބަދަލުވެއްޖެ. ނޫނީ ބަދަލުކޮށްފި.