ތިން މިނިސްޓްރީއެއް އަނދައި އަޅިއަށްވި އަލިފާނުގެ ހާދިސާގައި މާލޭ ސިޓީ ކައުންސިލުގައި ހުރި ބިންތަކުގެ ރަޖިސްޓްރީތަކާއި އުފަން ދުވަހުގެ ރަޖިސްޓްރީތައް އަނދައި އަޅިއަށްވީ، އެ ލިޔުންތައް ވެސް ހިމެނޭހެން ސިޓީ ކައުންސިލްގައި ހުރި ހުރިހާ ލިޔުމެއް ޑިޖިޓަލް ކުރަން ބޮޑު އަގެއްގައި ބަޔަކާ ހަވާލުކޮށްފައި އޮއްވައި ކަން "އަދަަދު" އަށް އެނގިއްޖެ ކަމަށް އިއްޔެ ރިޕޯޓުކުރި އެވެ.

މި މަސައްކަތް މާލޭ ސިޓީ ކައުންސިލުން ހަވާލުކުރީ މިހާރުގެ ރައީސް ޑރ. މުހައްމަދު މުއިއްޒުގެ މާލޭގެ މޭޔަރަކަށް ހުންނެވި ދުވަސްވަރު ކުރި އިއުލާނެއްގެ ދަށުންނެވެ. އޭގައި އޮތީ ކައުންސިލުގެ ސްޓްރެޓެޖިކް އެކްޝަން ޕްލޭންގެ އަމާޒެއް ކަމުގައިވާ ޑިޖިޓަލް ކުރުމުގެ މަޝްރޫއު ހިންގުމަށްޓަކައި ސެކްޝަންތަކުގައި ހުރި އެންމެހާ ލިޔެކިޔުންތައް ސްކޭންކުރުމަށް ބޭނުންވާތީ ބިޑު ހުށަހެޅުމަށެވެ.

ސިޓީ ކައުންސިލުން ކުރި އިއުލާނުގެ ދަށުން ކުރަން ޖެހޭ މަސައްކަތްތަކުގެ ގޮތުގައި އޮތީ އެ އިދާރާގެ ހުރިހާ ޑިޕާޓްމަންޓް، ސެކްޝަން އަދި ޔުނިޓް ތަކުގައި ހުރި އެންމެހާ ޑޮކިއުމަންޓްތައް ސްކޭންކުރުމެވެ. މި ހުރިހާ ލިޔެކިޔުންތައް ތަރުތީބުކޮށް ލާންޖެހޭ ފޯލްޑަރުތަކަށްލައި، އަޕްލޯޑުކުރަން ޖެހޭ ތަކެތި އަޕްލޯޑު ކުރަން ވެސް ޖެހެ އެވެ. މި ހުރިހާ ކަމެއް ކުރަން 14 މީހުން ހަމަޖައްސައިދޭން ޖެހޭނެ ކަމަށް ވެސް އިއުލާނުގައި ބަޔާންކޮށްފައި އޮތެވެ.

މުހިއްމު ބައެއް ހަބަރު