ވެލާނާ އިންޓަނޭޝަނަލް އެއާޕޯޓުގައި ހަމަނުޖެހުން ހިންގި މައްސަލައަކާ ގުޅިގެން ސްރީ ލަންކާއަށް ނިސްބަތްވާ މީހަކު ފުލުހުންގެ ބެލުމުގެ ދަށަށް ގެނެސްފި އެވެ.

މީޑިއާތަކަށް ފޮނުވި މެސެޖެއްގައި ފުލުހުން ބުނީ މި ހަމަނުޖެހުން ހިނގީ ރާއްޖޭގައި ވޯކް ވިސާގެ ދަށުން މަސައްކަތް ކުރަމުންދާ ލަންކާގެ ބައެއްގެ މެދުގައި ކަމަށެވެ. މި ކަމެއް ހިނގީ އެއާޕޯޓުގައި ހުންނަ ޓެކްސީ ޑްރޮޕްއޮފް ސަރަހައްދުގަ އެވެ.

އެ މީހުން އަރައިރުންވެ ޒުވާބުކޮށް އެކަކު އަނެކަކަށް ހަމަލާ ދިނުމަށް މަސައްކަތް ކުރާ ވީޑިއޯއެއް ސޯޝަލް މީޑިއާގައި ދަނީ ދައުރުވަމުންނެވެ.

އޭގެ ތެރެއިން އެކަކު ހައްޔަރުކޮށް ތަހުގީގު ފުލުހުން ވަނީ ފަށާފަ އެވެ.