މިހާރު ރޯވެގެން އުޅޭ އަލިފާންގަނޑު އެންމެ ފުރަތަމަ ރޯވީ އެންވަޔަރަމެންޓު މިނިސްޓްރީ ހުންނަ ގްރީން ބިލްޑިންގައި ކަމަށް ފުލުހުން ހާމަކޮށްފި އެވެ.

މި އަލިފާންގަނޑު ރޯވާން މެދުވެރިވީ ސަބަބެއް އަދި ނޭނގެ އެވެ. އަލިފާން ނިއްވާ ސިފައިންނާއި ފުލުހުން މި ސަރަހައްދުގައި ހަރަކާތްތެރިވަމުންދާއިރު، އަދިވެސް ހުޅުގަނޑު ހުރީ ވަރަށް ބޮޑަށް ހިފާފަ އެވެ. އަދި ކައިރީގައި ހުރި އެހެން އިމާރާތްތަކަށް ވެސް ވަނީ ހުޅުގަނޑު ފެތުރިފަ އެވެ.

މިކަމާ ގުޅޭ ގޮތުން "އަދަދު" އަށް މައުލޫމާތު ދެމުން ހޯމް މިނިސްޓަރު އަލީ އިހުސާން ވިދާޅުވީ އެއްވެސް މީހަަކަށް ހާނިއްކައެއްވީ ކަމުގެ މައުލޫމާތެއް އަދި ނުލިބޭ ކަމަށެވެ. އަދި ހުޅުގަނޑު ބޮޑަށް ހިފުމުގެ ކުރިން އިމާރާތްތަކުގައި ތިބި ބަޔަކަށް ވިއްޔާ ބޭރު ވާން ވަގުތު ލިބޭނެ ކަމަށް ވެސް އޭނާ ވިދާޅުވި އެވެ.

މި އަލިފާންގަނޑުގައި އެންމެ ބޮޑަށް ގެއްލުން ލިބުނީ ހައުސިން އަދި އިންފްރާސްޓްރަކްޗާ މިނިސްޓްރީގައި ޓިނުން ހަދާފައި ހުންނަ އިމާރާތަށެވެ. އެ އިމާރާތުގައި ރޯވި ހުޅުގަނޑު މުޅި އިމާރާތަށް ފެތުރި، އެ އިމާރާތް ވަނީ ބިމާ ހަމަވެފަ އެވެ.