ކްރިކެޓް ބޯޑް އޮފް މޯލްޑިވްސް (ސީބީއެމް) އިން ބޭއްވި މޯލްޑިވްސް ޓީ10 ސްމޭޝްގެ ޗެމްޕިއަންކަން ސީބީއެލް ސްޕޯޓްސް އިން ހޯދައިފި އެވެ.

މޯލްޑިވްސް ޓީ10 ސްމޭޝް ކުޅެނީ 10 އޯވަރަށް ކޮންމެ އޯވަރެއް 45 މިނިޓް ތެރޭ ފުރިހަމަ ކުރަން ޖެހޭ ގޮތަށެވެ.

ސީބީއެލް އިން ވަނީ މި އަހަރުގެ ޓީ20 ޕްރެޒިޑެންޓްސް ކަޕްގެ ޗެމްޕިއަންކަން ވެސް ހޯދައިފަ އެވެ.

ކުޅިވަރު އެކުވެނި ކްރިކެޓް ދަނޑުގައި ކުޅުނު މި މުބާރާތުގެ ފައިނަލް މެޗުގައި ގުރުދިމާވުމުން ސީބީއެލް ސްޕޯޓްސް އިން ނިންމީ ކުޅެން އެރުމަށެވެ. އެ އެގޮތުން، ކުޅެން އަރައި 10 އޯވަރުގެ ތެރޭގައި ތިން ކުޅުންތެރިން ނުބައިވެގެން 123 ލަނޑު ހެދި އެވެ. އެ ޓީމުގެ، ރުވާން ތާރަކަ 82 ލަނޑު ހެދިއިރު، ހަރުސަ އަމަރަސިންހް 25 ލަނޑު ހެދި އެެވެ.

ޖަވާބުގައި ކުޅެން އަރައި، އެމްއެސް ހެލްޕިން ހޭންޑް ސްޕޯޓްސް އެކަޑަމީ އަށް 10 އޯވަރު ހަމަވިއިރު ފަސް ކުޅުންތެރިން ނުބައިވެގެން ހެދުނީ 66 ލަނޑެވެ. މި އިނިންގްސްގައި އެންމެ ރަގަޅަށް އުކާފައިވެސް ވަނީ ހަތް ލަނޑަށް ދެ ވިކެޓް ނެގި ތާރަކަ އެވެ. ދެ އިނިންސްގައި ވެސް ދެއްކި މޮޅު ކުޅުމާ އެކު، ފައިނަލް މެޗުގެ މޮޅު ކުޅުންތެރިއަކަށް ވެސް ހޮވުނީ ސީބީއެލްގެ ތާރަކަ އެވެ.

މުބާރާތުގެ އެންމެ މޮޅު ކުޅުންތެރިޔާއާއި މުބާރާތުގެ އެންމެ ގިނަ ލަނޑު، އެންމެ ގިނަ ވިކެޓް، އެންމެ ގިނަ ކެޗްގެ އިތުރުން ހުރިހާ ގޮތަކުން އެންމެ މޮޅު ކުޅުންތެރިއަކީ ވެސް ތާރަކަ އެވެ. އެންމެ ގިނަ ވިކެޓް ނަގާފައިވަނީ އަހުމަދު އަމީލާއި ތަރިންދު އަދި އެންމެ ގިނަ ކެޗް ހިފާފައިވަނީ އޮފްއެފްސީގެ ޒިޔާއުލް އެވެ.

ކްރިކެޓް ބޯޑުން އިންތިޒާމްކޮށްގެން ދެން އެންމެ އަވަހަށް ކުރިއަށްގެންދިއުމަށް ހަމަޖެހިފައިވަނީ މާސްޓާސް ކަޕް އެވެ. މިހާރު ވަނީ މި މުބާރާތަށް އިއުލާނުކޮށްފަ އެވެ