މިއުނިކް (ޑިސެމްބަރު 8) - ހެއިޑެންހެއިމް އަތުން 4-2 އިން މޮޅުވެ، ޖަރުމަނު ލީގުގައި މި ފަހަރު ބަޔާން މިއުނިކުން ބަލިނުވެ ދަމަހައްޓަމުން އަންނަ ރެކޯޑް ކުރިއަށްގެންގޮސްފި އެވެ.

ބަޔާން ލީގުގެ އެއް ވަނައިގައި އޮތީ 13 މެޗުން 33 ޕޮއިންޓް ހޯދައިގެންނެވެ. ދެ ވަނައިގައި އޮތީ 13 މެޗުން 27 ޕޮއިންޓް ހޯދި އައިންޓްރަކްޓް ފްރޭންކްފާޓް އެވެ.

މިދިޔަ ސީޒަނު ލީގުގެ ޗެމްޕިއަންކަން ހޯދި ބަޔާ ލެވަކޫސަން ތިން ވަނައިގައި އޮތީ، 13 މެޗުން 26 ޕޮއިންޓާ އެކު އެވެ. ލެވަކޫސަން ވަނީ ރޭ އެސްޓީ ޕޯލީ އަތުން 2-1 އިން މޮޅުވެފަ އެވެ.

ހަތަރެއްގައި އޮތް އާރްބީ ލައިޕްޒިގަށް ވަނީ 13 މެޗުން 24 ޕޮއިންޓް ލިބިފަ އެވެ. ރޭ ބޮރޫޝިއާ މުންޗެންގްލަޑްބެކާ 1-1 އިން އެއްވަރުވި، ބޮރޫޝިއާ ޑޯޓްމަންޑް ފަސް ވަނައިގައި އޮތީ 13 މެޗުން 21 ޕޮއިންޓެވެ.

ބަޔާނަށް ރޭގެ މެޗުގައި ލަނޑުތައް ޖަހައިދިނީ ޖަމާލް މުސިއާލާ ދެ ގޯލާއި ޑަޔޫޓް އުޕަމެކާނޯ އަދި ލެއޯން ގޮރެޓްޒްކާ އެވެ. ހެއިޑެންހައިމް އަށް ލަނޑުތައް ޖަހައިދިނީ، މަތިއަސް ހޮންސަކް އާއި ނިކްލަޝް ޑޯޝް އެވެ.