ކްރިކެޓް ބޯޑް އޮފް މޯލްޑިވްސް (ސީބީއެމް) އަށް ސެކެޓްރީ ޖެނެރަލަކު ހޯދަން އިއުލާން ކޮށްފި އެވެ.

ސީބީއެމް އިން ގެޒެޓްކޮށްފައިވާ ގޮތުން ސެކެޓްރީ ޖެނެރަލަކަށް ކުރިމަތިލުމުގެ ފުރުސަތު މި މަހުގެ 12 ވަނަ ދުވަހުގެ ނިޔަލަށް ހުޅުވާލައިފައިވާއިރު، މަހު މުސާރައިގެ ގޮތުގައި 15,000 ރުފިޔާ ލިބޭނެ އެވެ.

ޝަރުތުތައް:

- ކްރިކެޓް ބޯޑުގެ ރައީސްގެ އެންގެވުމުގެ މަތިން އެޑްމިނިސްޓްރޭޓިވް މަސައްކަތްތައް ކުރުން.

- ކްރިކެޓް ބޯޑުގެ ވިޝަން އާއި މިޝަން އާ އެއްގޮތްވާ ގޮތުގެ މަތިން ކަންކަން ކުރުން.

- ކްރިކެޓް ބޯޑުގެ މީޓިންތައް ބޭއްވުން.

- އޭޖީއެމް އަދި އެސްޖީއެމް ބޭއްވުމަށް ކްރިކެޓް ބޯޑަށް ދޭންޖެހޭ އެއްބާރުލުން ދިނުން.

- ކްރިކެޓް ބޯޑުގެ ސްޓާފުންގެ ކަންކަން ބެލެހެއްޓުން.

- މީގެ އިތުރުންވެސް އިތުރު ޝަރުތުތައް ވަނީ ހިމަނައިފައި.

ކްރިކެޓް ބޯޑުން ގެޒެޓް ކޮށްފައިވާ އިއުލާނުގައި ބުނީ އެސްޖީ އަކު ނެގުމުގައި ބަލާނެ ކަންކަމުގެ ތެރޭގައި ސްޕޯޓްސް ބިޒްނަސް އެޑްމިނިސްޓްރޭޓިވް ދާއިރާއިން ޑިގްރީ އެއް ނެގުމާއެކު ހަތަރު އަހަރުގެ ތަޖުރިބާ ހުރުން, ނުވަތަ ޑިޕްލޮމާ އަކާއެކު ހަ އަހަރުގެ ތަޖުރިބާ ހުރުން ނުވަތަ, ޖީސީއީ އޯލެވެލް ސެޓްފިކެޓާ އެކު މިދާއިރާގައި 10 އަހަރުގެ ތަޖުރިބާ އެއް ހުރުން ހިމެނޭ ކަމަށެވެ.

ކްރިކެޓް ބޯޑުގެ މިދިޔަ ދައުރުގައި ސެކްރެޓަރީ ޖެނެރަލަކަށް އެންމެ ފުރަތަމަ ހަމަޖެއްސީ، އަހުމަދު މުނާޒް އެވެ. އެކަމަކު، ފަހުން އޭނާ އެ މަގާމުން ވަކިވުމުން، ފުލްޓައިމްކޮށް އެ މަގާމަށް އިތުރު ފަރާތެއް ހަމަޖައްސާފައިނުވެ އެވެ.