ކްރިކެޓް ބޯޑް އޮފް މޯލްޑިވްސް (ސީބީއެމް) އިން މިހާރު ކުރިއަށްގެންދާ މޯލްޑިވްސް ޓީ10 ސްމޭޝްގެ ގްރޫޕް ސްޓޭޖުގައި މިހާތަނަށް ކުޅެވުނު މެޗުތައް ކާމިޔާބުކޮށް، ސީބީއެލް ސްޕޯޓްސް އާއި ހިންނަވަރު ހިރިޔާ އިން މަގާމު ދަމަހައްޓައިފި އެވެ.

މޯލްޑިވްސް ޓީ10 ސްމޭޝް ކުޅެނީ 10 އޯވަރަށް ކޮންމެ އޯވަރެއް 45 މިނިޓް ތެރޭ ފުރިހަމަ ކުރަން ޖެހޭ ގޮތަށެވެ.

ޖުމްލަ އެކު، 12 ޓީމާ އެކު ކުރިއަށްދާ މި މުބާރާތުގައި، ގިނަ ޓީމުތަކުން ވަނީ ތިން މެޗު ކުޅެފަ އެވެ. ކޮންމެ ގްރޫޕެއްގައި ވެސް ހަ ޓީމެއް ވާދަކުރާގޮތަށް ދެ ގްރޫޕަށް ބަހާލައިފައިވާއިރު، އެންމެ ރަނގަޅު ނަތީޖާ ނެރޭ ދެ ޓީމެއް ފައިނަލަށް ދަތުރުކުރާނެ އެވެ.

ގްރޫޕް އޭގެ އެއް ވަނައިގައި ކުޅުނު ތިން މެޗުން ވެސް މޮޅުވެ، ހަ ޕޮއިންޓާ އެކު، ސީބީއެލް އެއް ވަނައިގައި އޮތްއިރު، ދެ ވަނައިގައި އޮތް ވިޔަންސާ އާއި ތިން ވަނައިގައި އޮތް މިލާން ކްރިކެޓް އެކެޑަމީ އަށް ވަނީ ތިން މެޗުން ހަތަރު ޕޮއިންޓް ލިބިފަ އެވެ. ހަތަރު ވަނައިގައި އޮތް ނިއު ސްޓާ އާއި ފަސް ވަނައިގައި އޮތް އޮއްފު އެފްސީ އަށް ދެ ޕޮއިންޓް ލިބިފައިވާއިރު، އެންމެ ފުލުގައި އޮތް އައިޒީ އަށް އަދި ޕޮއިންޓެއް ނުލިބެ އެވެ.

ގްރޫޕް ބީގެ އެއް ވަނައިގައި އޮތް ހިންނަވަރު ހިރިޔާ އަށް ވަނީ ތިން މެޗުން ހޯދި މޮޅާ އެކު، ހަ ޕޮއިންޓް ހޯދައިފަ އެވެ. މި ގްރޫޕްގެ ދެ ވަނައިގައި އޮތީ ކުޅުނު ދެ މެޗުން ވެސް މޮޅުވެ، ހަތަރު ޕޮއިންޓް ހޯދައިފައިވާ، އެމްއެސް ހެލްޕިން ހޭންޑްސް ސްޕޯޓްސް އެކެޑަމީ އެވެ. ތިން ވަނައިގައި އޮތް ބީޖީ ސްޕޯޓްސް އަށް ދެ މެޗުން ދެ ޕޮއިންޓް ލިބިފައިވާއިރު، ހަތަރު ވަނައިގައި އޮތް މާލެ ސްޕޯޓްސް އަށް ވަނީ ތިން މެޗުން ދެ ޕޮއިންޓް ލިބިފަ އެވެ.

މި ގްރޫޕްގެ ފަސް ވަނައިގައި އޮތް ފުވައްމުލަކު ކްރިކެޓް އެކެޑަމީ އާއި ހަ ވަނައިގައި އޮތް ވެސްޓް ސްޕޯޓްސް އަށް ދެ މެޗު ކުޅުނުއިރު ޕޮއިންޓެއް ނުލިބެ އެވެ.