Advertisement
ވޯލްޑް ލީޑިން ޑެސްޓިނޭޝަން އެވޯޑު ފަސް ވަނަ ފަހަރަށް ރާއްޖެއަށް
about 4 hours 0
ލީވާން އަލީ ނާސިރު
ވޯލްޑް ލީޑިން ޑެސްޓިނޭޝަންގެ އެވޯޑާ، ޓޫރިޒަމް މިނިސްޓަރު ފައިސަލް ހަވާލުވެވަޑައިގަންނަވަނީ. -- ފޮޓޯ: އެކްސް
ވޯލްޑް ލީޑިން ޑެސްޓިނޭޝަން އެވޯޑު ފަސް ވަނަ ފަހަރަށް ރާއްޖެއަށް
about 4 hours 0
ވޯލްޑް ޓްރެވަލް އެވޯޑްސްގެ "ވޯލްޑްސް ލީޑިން ޑެސްޓިނޭޝަން އެވޯޑް" ރާއްޖެއިން ފަސް ވަނަ ފަހަރަށް ދިފާއުކޮށްފި އެވެ.
ޓޫރިޒަމް ދާއިރާގެ އެންމެ ޝަރަފުވެރި މި އެވޯޑު ހަވާލުކުރަން ޕޯޗްގަލްގައި ބޭއްވި ރަސްމިއްޔާތުގައި، ރާއްޖެއަށް ލިބުނު ވޯލްޑް ލީޑިން ޑެސްޓިނޭޝަން އެވޯޑާ ހަވާލުވެވަޑައިގަތީ ޓޫރިޒަމް މިނިސްޓަރު އިބްރާހިމް ފައިސަލް އެވެ.
ފައިސަލް "އެކްސް" ގައި ކުރެއްވި ޕޯސްޓެއްގައި ވިދާޅުވީ އެ އެވޯޑު ރާއްޖެއަށް ލިބުނީ އެތައް ބައެއްގެ ބުރަ މަސައްކަތުން ކަމަށާއި އެ އެވޯޑާ ހަވާލުވާން ފުރުސަތު ލިބުމަކީ ވެސް ލިބުނު ފަހުރެއް ކަމަށެވެ.
ވޯލްޑް ލީޑިން ގްރީން ޑެސްޓިނޭޝަން އެވޯޑް ވެސް ލިބުނީ ރާއްޖެ އަށެވެ،
ވޯލްޑު ޓުރެވެލް އެވޯޑްސްއަކީ 1993 އިން ފެށިގެން ދުނިޔޭގެ ދަތުރުފަތުރުގެ ސިނާއަތުގައި އެންމެ ޝަރަފުވެރި އަދި އެންމެ ފާހަގަކޮށްލެވޭ އެވޯޑުތަކުގެ ގޮތުގައި މަޝްހޫރުވެފައިވާ އެވޯޑެވެ. އޭގެ ތެރޭގައި ސަރަހައްދީ، އަދި ދުނިޔޭގެ ފެންވަރުގެ ކެޓެގަރީތަކަށް ހާއްސަ އެވޯޑުތައް ހިމެނެ އެވެ.
ވޯލްޑް ލީޑިން ޑެސްޓިނޭޝަނުގެ މަގާމު އެންމެ ގިނައިން ހޯދާފައި ވަނީ ޔޫއޭއީ އިންނެވެ. ޔޫއޭއީއިން އެ އެވޯޑު ހަ ފަހަރު ހޯދާފައިވެ އެވެ.
Comment