އުރީދޫއިން އަންނަ ޑިސެމްބަރު މަހު ހާއްސަ އާންމު ޖަލްސާއެއް ބާއްވަން ނިންމާފައިވާ ކަމަށް ބުނެފި އެވެ.

އުރީދޫއިން ބުނީ އެ ޖަލްސާގައި ބައިވެރިވެވޭނީ ނޮވެމްބަރު 27، ވާ ބުދަ ދުވަހުގެ މެންދުރު 2:00 ގެ ކުރިން އުރީދޫ މޯލްޑިވްސްގެ ހިއްސާދާރުންގެ ގޮތުގައި ރަޖިސްޓްރީ ކޮށްފައިވާ މީހުންނަށް ކަމަށެވެ.

މިގޮތުން އަމިއްލައަށް ނުވަތަ ޕްރޮކްސީ މެދުވެރިކޮށް އެ ޖަލްސާގައި ބައިވެރިވެގެން ފާސް ކުރުމަށް ހުށަހަޅާފައިވާ އެޖެންޑާ އައިޓަމަށް ވޯޓު ދެވޭނެ ކަމަށް ވެސް އުރީދޫއިން ބުންޏެވެ.

ހާއްސަ އާންމު ޖަލްސާގެ ނޯޓިސް އަދި އެޖެންޑާ ނޮވެމްބަރު 30، ވާ ހޮނިހިރު ދުވަސް ނިމުމުގެ ކުރިން އުރީދޫގެ ވެބްސައިޓުގައި އާންމު ކުރެވޭނެ ކަމަށް އެ ކުންފުނިން ބުންޏެވެ.

އޭގެއިތުރުން އުރީދޫއިން ބުނީ އެ ނޯޓިސްއާ އެކު ޖަލްސާ ބާއްވާ ތާރީހާއި، ގަޑި، ތަން، އެޖެންޑާ އައިޓަމްތައް އަދި ވޯޓުލުމާ ގުޅޭ އިތުރު މައުލޫމާތުތައް ވެސް އާންމު ކުރެވޭނެ ކަމަށެވެ.