ކަނޑުމަގުން ރާއްޖެއަށް އެތެރެކުރަން އުޅުނު 3.3 ކިލޯގެ މަސްތުވާތަކެތި ކަސްޓަމްސްއިން އަތުލައިފި އެވެ.

މޯލްޑިވްސް ކަސްޓަމްސް ސާވިސްއިން ރޭ އެކްސްގައި ކުރެއްވި ޕޯސްޓެއްގައި ބުނީ މި މަހުގެ 10 ވަނަ ދުވަހު މާލޭ ވިޔަފާރި ބަނދަރުން އަތުލީ 2282 ގްރާމް (2.28 ކިލޯ)ގެ ކެނެބިސް އަދި 1038 ގްރާމް (1.03 ކިލޯ) ގެ ކެތިނޯން ކަމަށެވެ.

"މި އޮޕަރޭޝަން ކުރިއަށް ގެންގޮސްފައިވަނީ ކަސްޓަމްސްއާ ދިވެހި ފުލުހުން ގުޅިގެން މާލޭ ކޮމާޝަލް ހާބަރުގަ. މިތަކެތި އަތުލާފައިވަނީ ރާއްޖެ އެތެރެކުރަން ގެނެސްފައިވާ މުދާހުރި ކޮންޓެއިނަރެއްގެ ތެރެއިން،" ކަސްޓަމްސްއިން ބުންޏެވެ.

އެ ޑްރަގު ފޮރުވާފައި ހުރީ ކޮން ބައެއްގެ ނަމެއްގައި ނެގައި މުދަލެއްގެ ތެރޭގައި ކަމެއް ކަސްޓަމްސްއިން ހާމައެއް ނުކުރެ އެވެ.

މި މައްސަލައިގައި މީހަކު ހައްޔަރުކުރިކަން ފުލުހުން އަދި ހާމައެއް ނުކުރެ އެވެ.