ކުރިއަށް އޮތް ހަފްތާ ތެރޭގައި ބަންގްލަދޭޝާ ދެކޮޅަށް އެ ގައުމުގައި ރާއްޖޭގެ ގައުމީ ފުޓްބޯޅަ ޓީމުން ކުޅޭ މެޗަށް ނެގި ފައިނަލް ސްކޮޑުގައި ގިނަ ޒުވާން ކުޅުންތެރިންތަކަކަށް ވަނީ ފުރުސަތުދީފި އެވެ.

އެ ގޮތުން، ބަޝުންދަރާ ކިންގްސް އެރީނާގައި، މި މަހު 13 އާއި 16 ވަނަ ދުވަހު ރާއްޖޭން ބަންގްލަދޭޝާ ކުޅޭ މެޗަށް ނެގި ސްކޮޑުން ވަނީ، 20 އަހަރުން ދަށުގެ ގައުމީ ޓީމުގެ ތިން ކުޅުންތެރިއަކަށް ފުރުސަތު ދީފަ އެވެ.

އޭގެ އިތުރުން، މިދިޔަ މަހު ފަހުކޮޅުގައި، ކުވެއިތުގައި ކުޅުނު އޭއެފްސީ ޗެލެންްޖް ލީގުގެ ގްރޫޕް މެޗުތަކުގައި، ރާއްޖޭގެ ޗެމްޕިއަން، މާޒިޔާ ސްޕޯޓްސް އެންޑް ރެކްރިއޭޝަނަށް ކުޅުނު 14 ކުޅުންތެރިން ފައިނަލް ސްކޮޑުގައި ވަނީ ހިމަނައިފަ އެވެ.

ވިހި އަހަރުން ދަށުގެ ގައުމީ ޓީމުގައި ހިމެނިގެން، ސާފް 20 އަހަރުން ދަށުގެ މުބާރާތާއި އޭޝިއަން ކަޕް ކޮލިފައިންގައި ކުޅުނު، މުޒްދާން ހަސަން، އަބްދުﷲ ލޫތު އިބްރާހިމް (ސާނޭ) އަދި ގޯލްކީޕަރު، މުހައްމަދު ޔާމީން އަށް ވަނީ ފުރަތަމަ ފަހަރަށް ސީނިއާ ޓީމުގެ ފައިނަލް ސްކޮޑުން ފުރުސަތު ލިބިފަ އެވެ. މީގެ ތެރެއިން، ސާނޭ ވަނީ، މާޒިޔާ ޓީމާ އެކު، ޗެލެންޖް ލީގުގައި ވެސް ކުޅެފަ އެވެ.

ދެން، ފައިނަލް ސްކޮޑުން އަލަށް ފުރުސަތު ލިބުނު ކުޅުންތެރިންނަށް ބަލާއިރު، ސުޕަ ޔުނައިޓެޑް ސްޕޯޓްސް (ސަސް) އާއި ޓީސީ ސްޕޯޓްްސް ކްލަބަށް ކުޅުނު މިޑްފީލްޑަރު، ހައިސަމް ރަޝީދު އާއި އަހުމަދު މާއިޝް ރަޝީދު ހިމެނެ އެވެ.

ބަންގްލަދޭޝް ދެ މެޗަށް ނެގި ރާއްޖެ ޓީމުގެ ފައިނަލް ސްކޮޑު:

1. ހުސެއިން ޝަރީފް (ގޯލްކީޕަރު) - މާޒިޔާ

2. އިޔާން އަބްދުލް އަލީމް - ޗިކީ (ގޯލްކީޕަރު) - މާޒިޔާ

3. މުހައްމަދު ޔާމީން (ގޯލްކީޕަރު) - 20 އަހަރުން ދަށުގެ ގައުމީ ޓީމު

4. ސަމޫހު އަލީ - ސަމުއްޓެ (ޑިފެންޑަރު) - މާޒިޔާ

5. މުހައްމަދު ނިޒާމް - ޕީކޭ (ޑިފެންޑަރު)

6. ހުސެއިން ސިފާއު ޔޫސުފް - ކުރޯ (ޑިފެންޑަރު) - މާޒިޔާ

7. އަހުމަދު މާއިޝް ރަޝީދު - މާއި (ޑިފެންޑަރު) - ޓީސީ

8. ހަސަން ޝިފާޒް - ޑުންގާ (ޑިފެންޑަރު) - މާޒިޔާ

9. ހައިޝަމް ހަސަން - (ޑިފެންޑަރު) - މާޒިޔާ

10. އިބްރާހިމް އުސާމާ (ޑިފެންޑަރު)

11. މުހައްމަދު އިރުފާން - އިރޭ (މިޑްފީލްޑަރު) - މާޒިޔާ

12. އަލީ ފާސިރު - ސެންޓޭ (މިޑްފީލްޑަރު) - މާޒިޔާ

13. ނިޝާމް މުހައްމަދު ރަޝީދު - ޕޮގް (މިޑްފީލްޑަރު) - އީގަލްސް

14. ހައިސަމް ރަޝީދު (މިޑްފީލްޑަރު) - ޓީސީ

15. އަހުމަދު އައިހަމް - ފަތޯ (މިޑްފީލްޑަރު) - މާޒިޔާ

16. ހުސެއިން ނިހާން - ނިހާޓް (މިޑްފީލްޑަރު)

17. މުހައްމަދު ނާއިމް - (މިޑްފީލްޑަރު)

18. ނާއިޒު ހަސަން - ދާދު (ފޯވާޑް) - މާޒިޔާ

19. ހަމްޒާ މުހައްމަދު - ހަމްޕު (ފޯވާޑް) - މާޒިޔާ

20. ހަސަން ރާއިފް އަހުމަދު - ހަންނަ (ފޯވާޑް) - މާޒިޔާ

21. އަހުމަދު ރިޒްވާން - ރިޒޭ (ފޯވާޑް) - އީގަލްސް

22. އިބްރާހިމް މަހުދީ ހުސެއިން - ފޭދޫ އިއްބެ (ފޯވާޑް) - އީގަލްސް

23. ހަސަން ނަޒީމް - ޗޯޓު (ފޯވާޑް) - މާޒިޔާ

24. މުޒްދާން ހަސަން (ފޯވާޑް) - 20 އަހަރުން ދަށުގެ ގައުމީ ޓީމު

25. އަބްދުﷲ ލޫތު އިބްރާހިމް - ސާނޭ (ފޯވާޑް) - 20 އަހަރުން ދަށުގެ ގައުމީ ޓީމު/ މާޒިޔާ