ދިރާގު މޯލްޑިވްސް ރޯޑް ރޭސް 2024 ގެ ވަނަތަކަށް ދިޔަ ފަރާތްތަކަށް ދިރާގުން އިނާމު ހަވާލުކޮށްފި އެވެ.

ދިރާގު ރޯޑްރޭސްގެ 21.1K ކެޓެގަރީގެ ޗެމްޕިއަންއަށް 25,000ރ.، ރަނަރަޕްއަށް 15,000ރ. އަދި ސެކަންޑް ރަނަރަޕްއަށް 10,000ރ. އިނާމު ވަނީ ދީފަ އެވެ. އަދި 10K ،5K އޯޕަން އަދި 5K އޮފީސް/ރިސޯޓް ކެޓެގަރީތަކުގެ ޗެމްޕިއަނުންނަށް 10,000ރ.، ރަނަރަޕްއަށް 8,000ރ. އަދި ސެކަންޑް ރަނަރަޕްއަށް 6,000ރ. ވަނީ ހަވާލުކޮށްފަ އެވެ.

އޭގެ އިތުރުން 5K ސްކޫލް ކެޓެގަރީގެ ވަނަތައް ހާސިލްކުރި ދަރިވަރުންނަށް ވަނީ ހާއްސަ ގިފްޓް ވައުޗާ ހަވާލުކޮށްފަ އެވެ. އެއީ ޗެމްޕިއަނުންނަށް 5,000ރ.، ރަނަރަޕްއަށް 3,000ރ. އަދި ސެކްންޑް ރަނަރަޕްއަށް 1,000ރ. ގެ ވައުޗާ އެވެ.

އިނާމުތައް ހަވާލުކުރުމަށް ބޭއްވި ހަފުލާގައިހަފްލާގައި ދިރާގުން ވަނީ 21.1K އަދި 10K ކެޓެގަރީތަކުން 45 އިން 50 އަހަރާއި، 51 އިން 55 އަހަރާއި، 56 އިން 60 އަހަރު އަދި 61 އިން 65 އަހަރުގެ އުމުރުފުރާތަކުން އެއް ވަނަ، ދެ ވަނަ އަދި ތިން ވަނައަށް ދިޔަ ފަރާތްތަކުގެ އަގުވަޒަންކޮށް ހާއްސަ ސެޓްފިކެޓް ހަވާލުކޮށްފަ އެވެ.

މި ހަފުލާގައި ދިރާގުގެ ސީއީއޯ އަދި އެމްޑީ އިސްމާއިލް ރަޝީދު ވަނީ އެކި ވަނަތަކަށް ހޮވުނު ފަރާތްތަކަށް މަރުހަބާ ދަންނަވައި ދުވުންތެރިން ހޯދި ކާމިޔާބީއަށް ތައުރީފް ކުރައްވާފަ އެވެ. އަދި ދިރާގު މޯލްޑިވްސް ރޯޑް ރޭހަކީ ރާއްޖޭގެ ދުވުންތެރިންގެ އިތުރުން ބައިނަލްއަގްވާމީ ދުވެންތެރިން ވެސް އިންތިޒާރު ކުރާ އިވެންޓެއް ކަމަށް އުފަލާއެކު އޭނާ ފާހަގަކުރެއްވި އެވެ.

"މި ދުވުމަކީ ދިރާގުގެ ސީއެސްއާރު ޕްރޮގްރާމްގެ މައިގަނޑު އެއް ދާއިރާ ކަމަށްވާ ކުޑަކުދިންގެ ރައްކާތެރިކަމަށްޓަކައި ކުރިއަށް ގެންދާ މުހިންމު ހަރަކާތެއްކަމާއި އަދި މިކަމަށް ރޭހުގެ ހުރިހާ ބައިވެރިންގެ ފަރާތުންވެސް ލިބޭ އެއްބާރުލުމަށް ޝުކުރުއަދާކުރަން،" އިސްމާއިލް ރަޝީދު ވިދާޅުވި އެވެ.

ދިރާގުން ވަނީ ރޭގެ ހަފްލާގައި ޖުމްލަ 680،850ރ. ރޯޑް ރޭހުގެ އެންޑޯސްޑް އެންޖީއޯތަކަށް ހަދިޔާކޮށްފަ އެވެ. އަދި ރޭހުގެ ބައިވެރިން އެންމެ ގިނައިން ނޮމިނޭޓްކުރި ފަސް އެންޖީއޯއަކަށް ޖުމްލަ ދެ ލައްކަ ރުފިޔާގެ ފައިސާގެ އިނާމު ދިރާގުން ވަނީ ހުށަހަޅާފަ އެވެ.

ބައިވެރިންގެ ރަޖިސްޓްރޭޝަން ފައިސާގެ ބަޔަކާއި ރީތި ބިބް ނަމްބަރު ވިއްކައިގެން ލިބުނު ފައިސާވަނީ ވަނީ ރޯޑް ރޭހުގެ އެންޑޯސްޑް 12 އެން.ޖީއޯއަށް ހަވާލުކޮށްފަ އެވެ. އެގޮތުން ޓޮޕް ފަސް އެންޖީއޯތަކުގެ ތެރެއިން ކޮންމެ އެން.ޖީ.އޯއަކަށް 80،071ރ. އަދި ބާކީ ހތް އެންޖީއޯތަކުގެ ތެރެއިން ކޮންމެ އެންޖީއޯއަކަށް 40،071ރ. ވަނީ ހަދިޔާކޮށްފަ އެވެ.

މި އަހަރު ބޭއްވި ދިރާގު ރޯޑް ރޭސްގެ 15 އެޑިޝަން ބޭއްވީ އޮކްޓޯބަރު، 25 ގައި ހުޅުމާލެ ސެންޓްރަލް ޕާކުގައެވެ. އެ ދުވުމުގައި 4،400 އަށް ވުރި ގިނަ ބައިވެރިން ރަޖިސްޓްރީ ކުރިއިރު، އޭގެ ތެރޭގައި 41 ގައުމެއްގެ ދުވުންތެރިންނާއި އަތޮޅު ތެރޭގެ ހަތް ސްކޫލެއް ހިމެނޭ ގޮތަށް 28 ސްކޫލެއްގެ ދަރިވަރުންވެސް ވަނީ ބައިވެރިވެފަ އެވެ.

ދިރާގު ރޯޑް ރޭސްއަކީ ވޯލްޑް އެތުލެޓިކްސް ސަޓިފައިޑް ރޭސް ރޫޓަކާއެކު އެސޯސިއޭޝަން އޮފް އިންޓަނޭޝަނަލް މެރަތަންސް އެންޑް ޑިސްޓަންސް ރޭސަސް (އެއިމްސް) ވޯލްޑް ރަނިން ކަލަންޑަރުގައި ލިސްޓުކޮށްފައިވާ ދިވެހިރާއްޖޭގެ ހަމައެކަނި ބައިނަލްއަގްވާމީ ދުވުމެވެ.

ދިރާގު މޯލްޑިވްސް ރޯޑް ރޭސް 2024 ގައި އިނާމު ލިބުނު ފަރާތްތައް:

21.1K– ފިރިހެން

• ސަންތޯޝް ބިކްރަމް ބިސްޓް – ޗެމްޕިއަން

• ހުސައިން ފަޒީލް ހާރޫން – ރަނަރަޕް

• ޔޫސުފް އިބްރާހިމް – ސެކަންޑް ރަނަރަޕް

21.1K – އަންހެން

• ސަންތޯޝީ ޝްރެސްތާ – ޗެމްޕިއަން

• ޝަމްހާ އަހްމަދު – ރަނަރަޕް

• ނިޒްމީނާ އަހްމަދު – ސެކަންޑް ރަނަރަޕް

10K– ފިރިހެން

• ހުސެއިން ރިޒާ – ޗެމްޕިއަން

• މުހައްމަދު އިރުފާން – ރަނަރަޕް

• އަބްދުﷲ ނާސިހު – ސެކަންޑް ރަނަރަޕް

10K – އަންހެން

• އަނާން އަހުމަދު ރަޝީދު – ޗެމްޕިއަން

• ރަސޯނާ އަހުމަދު ވަހީދު – ރަނަރަޕް

• ޝަލްޝަލް މުބީން ޖަލީލް – ސެކަންޑް ރަނަރަޕް

5K އޯޕަން – ފިރިހެން

• ސަންތޯޝް ބިކްރަމް ބިސްޓް – ޗެމްޕިއަން

• ހުސައިން ފަޒީލް ހާރޫން – ރަނަރަޕް

• ޔޫސުފް އިބްރާހިމް – ސެކަންޑް ރަނަރަޕް

5K އޯޕަން – އަންހެން

• ސަންތޯޝީ ޝްރެސްތާ – ޗެމްޕިއަން

• ޝަމްހާ އަހްމަދު – ރަނަރަޕް

• އައިޝަތު ޖިނާނީ އިބްރާހިމް – ސެކަންޑް ރަނަރަޕް

5K ސްކޫލް 13 އަހަރުން މަތީގެ - ފިރިހެން

• އައިދް އަބްދުﷲ ރިފާއު - ޗެމްޕިއަން

• ސުހައިލް އަބްދުލް ސަމަދު – ރަނަރަޕް

• މުހައްމަދު އަޔާން ޝަފީއު – ސެކަންޑް ރަނަރަޕް

5K ސްކޫލް 13 އަހަރުން މަތީގެ - އަންހެން

• ޒީކް އަޝްރަފް – ޗެމްޕިއަން

• ތަނާ އަލީ ޝާހިން – ރަނަރަޕް

• އައިޝަތު ޒޯޔާ ހުސެއިން – ސެކަންޑް ރަނަރަޕް

5K ސްކޫލް 13 އަހަރުން ދަށުގެ - ފިރިހެން

• އިސްމާއިލް މުލްހަމް އާޒިމް – ޗެމްޕިއަން

• އިބްރާހިމް މަސްރޫރް އަހްމަދު – ރަނަރަޕް

• ޔޫއާން ހުސެއިން އިޝާން – ސެކަންޑް ރަނަރަޕް

5K ސްކޫލް 13 އަހަރުން ދަށުގެ - އަންހެން

• ކްލާރާ ސަރީނާ އާސިފް – ޗެމްޕިއަން

• އައިޝަތު ޒޯޔާ އިބްރާހިމް ސިނާން – ރަނަރަޕް

• އައިރާ މުހައްމަދު އަރްޝަދު – ސެކަންޑް ރަނަރަޕް

5K އޮފީސް/ރިސޯޓް – ޗެމްޕިއަން

އެމް.އެން.ޑީ.އެފް

• އަބްދުﷲ އިބްރާހިމް

• ޝިފާޒް މުހައްމަދު

• އަބްދުﷲ ނާސިހް

• އަބްދުﷲ އިސްމާއިލް

5K އޮފީސް/ރިސޯޓް – ރަނަރަޕް

އެމް.އެން.ޑީ.އެފް – ޑީ.އެސް.ސީ

• ހަސަން އަފްރާޒް

• ސަހާއު އީސާ

• ހާޒިމް ހުސައިން ޝަރީފް

• އިބްރާހިމް ޝާޒިމް

5K އޮފީސް/ރިސޯޓް – ރަނަރަޕް

ކޮންރެޑް މޯލްޑިވްސް ( ރަންގަލި ރަނާސް ޓީ-1)

• ހަސަން ފަޔާޒް މޫސާ

• އަބްދުﷲ އަޒީމް

• އަބްދުލް ރަޝީދު ހުސެއިން

• ހުސެއިން ޝަފީގް