ނޮވެމްބަރު މަހު އުރީދޫ އަތޮޅު ދުވުން ކުޅެގެން އެއްވަނައަށް ހޮވޭ ފަރާތަކަށް އެލް މޮބައިލް އިން މޮގޫ ބޯލްޓް 700ސީ ހައިބްރިޑް ރޯޑް ބައިސްކަލެއް ދިނުމަށް ނިންމައިފި އެވެ.

އަތޮޅު ދުވުން ގޭމަކީ އުރީދޫ މޯލްޑިވްސްއިން މި އަހަރު ތައާރަފުކުރި ގޭމެކެވެ. އަދި އެ ގޭމަކީ ރާއްޖޭގައި އުފެއްދި ފުރަތަމަ ކެސުއަލް ރަނާ ގޭމެވެ.

އެ ގޭމު ކުޅެގެން ކޮންމެ މަހަކު ލީޑާ ބޯޑުގެ އެއްވަނައަށް ދާ މީހަކަށް އަގުހުރި އިނާމުތައް ލިބެ އެވެ.

ކޮންމެ މަހަކު ވެސް އެ ގޭމުން ތަފާތު ރަށެއް ފެނިގެންދާއިރު، މި މަހު މިގޭމުގައި ފެނިގެންދާނީ ޏ. ފުވައްމުލަކެވެ. ގޭމުގައި 12 ލެވެލް ހިމެނޭއިރު، ކޮންމެ މަހަކު އާ ލެވެލެއްގައި އާ ރަށަކަށް ދަތުރުކުރެވޭނެއެވެ.

އަންލޮކް ވެގެންދާ ލެވެލް ކުޅެވޭނީ ހަމައެކަނި އެމަހަކު އެވެ. އަދި ކަލަންޑަރުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވާނެއެވެ. އެ އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލްއެއް ކުޅުމުގެ ފުރުސަތު ލިބިގެންދާނެއެވެ.

މި އަހަރުގެ ކަލަންޑާ އަދި ގޭމް ތައްޔާރުކުރީ ލޫޕްކްރާފްޓްގެ ހުނަރުވެރި ޓިމުންނެވެ.