އުރީދޫ ނޭޝަން އިން ބާއްވަން ތައްޔާރުވަމުންދާ އިންޓަ ރިސޯޓް ޗެމްޕިއަންޝިޕްގައި ރަޖިސްޓާވުމުގެ ފުރުސަތު ހުޅުވާލައިފި އެވެ.

އުރީދޫއިން ބުނީ ރިސޯޓު ސެކްޓާއަށް ފުރަތަމަ ފަހަރަށް ހުޅުވާލައިގެން ކުރިއަށް ގެންދާ އެ މުބާރާތުގައި ރަޖިސްޓްރޭޝަންގެ ފުރުސަތު ހަމަވާނީ އޮކްޓޯބަރު 25، ގެ ނިޔަލަށް ކަމަށެވެ.

އެ މުބާރާތުގައި ކުރިއަށްދާނީ އެންމެ މަގުބޫލު ދެ އީސްޕޯޓްސް ޓައިޓަލް ކަމަށްވާ ޕަބްޖީ މޮބައިލް އަދި އީއޭއެފްސީ 24 އެވެ.

ރާއްޖޭގެ އެކި ކަންކޮޅުތަކުގެ ރިސޯޓްތަކުން ގޭމިންއަށް ޝައުގުވެރިވާ ފަރާތްތަކަށް އެ މުބާރާތުގައި ބައިވެރިވެވޭނެ އެވެ.

މުބާރާތުގެ ޕްރައިޒް ޕޫލް:

• ގޭމް: ޕަބްޖީ މޯބައިލް - 10،000ރ.
• ގޭމް: އީއޭއެފްސީ 24: 10،000ރ.

އެ މުބާރާތާ އެކު އުރީދޫގެ އަމާޒަކީ ރިސޯޓް މުވައްޒަފުންގެ މެދުގައި އެކުވެރިކަން އުފައްދައި، ހަލުވިކަމާއެކު ފުޅާވަމުންދާ އީސްޕޯޓްސްގެ ޑިޖިޓަލް އެރީނާއެއްގައި ގުޅާލައި ވާދަކުރުމަށް ހާއްސަ ޕްލެޓްފޯމެއް ފަހިކޮށްދިން ކަމަށް އުރީދޫއިން ބުންޏެވެ.